वृत्त क्रमांक

पालकमंत्री अतुल सावे यांचा नांदेड दौरा

 

• दुष्काळी परिस्थिती व पाणीपुरवठा योजनांचा घेणार आढावा
• पशुधनासाठी चारा नियोजनासह पिण्याच्या पाण्याच्या व्यवस्थेवर होणार चर्चा

 

 

नांदेड (जिमाका), दि. 16 : राज्याचे इतर मागास बहुजन कल्याण, दुग्धविकास, अपारंपरिक ऊर्जा व दिव्यांग कल्याण मंत्री तथा नांदेड जिल्ह्याचे पालकमंत्री अतुल सावे हे शनिवार, दि. 17 ऑक्टोबर 2026 रोजी नांदेड जिल्ह्याच्या दौऱ्यावर येत आहेत. या दौऱ्यात जिल्ह्यातील दुष्काळसदृश परिस्थिती, अपूर्ण पाणीपुरवठा योजना, शहरी व ग्रामीण भागातील पिण्याच्या पाण्याचे नियोजन आणि पशुधनासाठी चारा उपलब्धतेच्या नियोजनाचा आढावा घेण्यात येणार आहे.

पालकमंत्री सावे यांचे सकाळी 10.30 वाजता नांदेड येथील शासकीय विश्रामगृहात आगमन होईल. सकाळी 11 वाजता जिल्ह्यातील दुष्काळजन्य परिस्थितीच्या पार्श्वभूमीवर अपूर्ण पाणीपुरवठा योजनांचा आढावा घेण्यासाठी आयोजित बैठकीस ते उपस्थित राहतील. त्यानंतर दुपारी 12 वाजता शहर व ग्रामीण भागातील पिण्याच्या पाण्याच्या नियोजनासंदर्भातील बैठकीत सहभागी होतील.

दुपारी 1 वाजता ऑगस्ट 2027 पर्यंत पशुधनासाठी चारा उपलब्धतेच्या नियोजनाचा आढावा घेतला जाणार आहे. त्यानंतर दुपारी 2 ते 4.30 या वेळेत त्यांचा कार्यक्रम राखीव राहील.

सायंकाळी 4.30 वाजता नांदेड येथील स्थानिक कार्यक्रमास पालकमंत्री अतुल सावे उपस्थित राहतील. त्यानंतर सोयीनुसार ते नांदेड येथून छत्रपती संभाजीनगरकडे प्रयाण करतील.

******