केंद्रीय मंत्री श्री. नितीन गडकरी यांचा सुधारित

   नांदेड जिल्हा दौरा कार्यक्रम

        नांदेड, दि. 18:-  केंद्रीय रस्ते वाहतूक आणि जहाज बांधणी, नदी व गंगा पुरुत्थान मंत्री नितीन गडकरी यांचा        दि. 19 एप्रिल 2018 रोजी नांदेड जिल्हा दौऱ्यावर दौऱ्यावर येत असून त्यांचा दौरा कार्यक्रमाचा तपशिल पुढीलप्रमाणे राहील.

गुरुवार, दिनांक 19 एप्रिल, 2018 रोजी 10-55 वाजता श्री गुरु गोबिंद सिंघजी विमानतळ नांदेड येथे आगमन. 11-25 वाजता श्री गुरु गोबिंद सिंघजी नांदेड विमानतळ येथून निघून हेलिकॉप्टरने लोहा ता. जि. नांदेडकडे प्रयाण.              11-35 वाजता खरेदी विक्री संघ मैदान, लोहा ता. जि. नांदेड येथे नॅशनल हायवे प्रोजेक्टच्या भुमिभूजन सोहळ्यास उपस्थिती. 12-45 वाजता लोहा ता. जि. नांदेड येथून 1-30 वाजता हेलिकॉप्टरने परभणी हेलिपॅडकडे प्रयाण.

****  

 

राज्याचे मुख्यमंत्री श्री. देवेंद्र फडणवीस यांचा

नांदेड जिल्हा दौरा कार्यक्रम

 

नांदेड, दि. 18:-  राज्याचे मुख्यमंत्री श्री. देवेंद्र फडणवीस यांचा दि. 19 एप्रिल 2018 रोजी नांदेड जिल्हा दौऱ्यावर दौऱ्यावर येत असून त्यांचा दौरा कार्यक्रमाचा तपशिल पुढीलप्रमाणे राहील.  

गुरुवार, दिनांक 19 एप्रिल, 2018 रोजी सकाळी 9-55 वाजता छ.शि.म.आं.विमानतळ सांताक्रूझ येथे आगमन व 10-00 वाजता विमानाने नांदेडकडे प्रयाण. 11-00 वाजता नांदेड विमानतळ येथे आगमन. 11-05 वाजता हेलिकॉप्टरने लोहा जि. नांदेडकडे प्रयाण. 11-15 वाजता लोहा हेलिपॅड येथे आगमन. 11-20 वाजता मोटारीने खरेदी विक्री संघ मैदान, लोहा जि. नांदेडकडे प्रयाण. 11-25 वाजता राष्ट्रीय महामार्ग भूमिपूजन समारंभ कार्यक्रमास उपस्थिती. दुपारी 12-35 वाजता कार्यक्रम स्थळ येथून मोटारीने हेलिपॅडकडे प्रयाण. 12-40 वाजता लोहा हेलिपॅड येथे आगमन . 12-45 वाजता हेलिकॉप्टरने परभणीकडे प्रयाण.

****

कौशल्य विकास व उद्योजकता, कामगार, भूकंप पुनर्वसन, माजी सैनिक कल्याण मंत्री

संभाजी पाटील-निलंगेकर यांचा नांदेड जिल्हा दौरा कार्यक्रम  

 

नांदेड, दि. 18:-   राज्याचे कौशल्य विकास व उद्योजकता, कामगार, भूकंप पुनर्वसन, माजी सैनिक कल्याण मंत्री श्री. संभाजी पाटील-निलंगेकर यांचा दि. 19 एप्रिल 2018 रोजी नांदेड जिल्हा दौऱ्यावर येत असून त्यांचा दौरा कार्यक्रमाचा तपशिल पुढीलप्रमाणे राहील.

गुरुवार, दिनांक 19 एप्रिल, 2018 रोजी 11-50 वाजता शासकीय विश्रामगृह , नांदेड येथून वाहनाने विमानतळावर आगमन . दुपारी 12-35 वाजता लोहा ता. जि. नांदेड येथे भूमिपूजन कार्यक्रमास उपस्थिती. 1-35 वाजता लोहा ता. जि. नांदेड येथून हेलिकॉप्टरने परभणी जि. परभणीकडे प्रयाण.

****  

विधान परिषदेचे उपसभापती श्री. माणिकराव ठाकरे यांचा

नांदेड जिल्हा दौरा कार्यक्रम

नांदेड, दि. 17:- विधान परिषदेचे उपसभापती श्री. माणिकराव ठाकरे यांचा दि. 19 एप्रिल 2018 रोजी नांदेड जिल्हा  दौऱ्यावर येत असून त्यांचा दौरा कार्यक्रमाचा तपशिल पुढीलप्रमाणे राहील.

गुरुवार, दिनांक 19 एप्रिल, 2018 रोजी सकाळी 8-40 वाजता नांदेड येथे आगमन व मोटारीने शासकीय विश्रामगृहाकडे प्रयाण. 9-00 वाजता शासकीय विश्रामगृह , नांदेड येथे आगमन व राखीव. 10-00 वाजता शासकीय विश्रामगृह , नांदेड येथून शासकीय मोटारीने भक्ती लॉन, मालेगाव रोडकडे प्रयाण. 11-00 ते 1-00 वाजता भक्ती लॉन , मालेगाव रोड, नांदेड येथे आगमन व महाराष्ट्र प्रदेश काँग्रेस कमिटीने आयोजित केलेल्या मराठवाडा विभागीय शिबीरासाठी राखीव (पहिले सत्र) . दुपारी 1-00 ते 2-00 वाजेपर्यंन्त राखीव. 2-00 ते 4-30 वाजता भक्ती लॉन, आयोध्दा नगरी, नांदेड येथे महाराष्ट्र प्रदेश कॉग्रेस कमिटीने केलेल्या मराठवाडा विभागीय शिबीरासाठी राखीव (दुसरे सत्र). सांयकाळी 6-00 ते 10-00 वाजता नवा मोंढा मैदान, नांदेड येथील जाहीर सभेसाठी राखीव. रात्री 10-15 वाजता कार्यक्रम स्थळाकडून शासकीय विश्रामगृहाकडे प्रयाण. रात्री शासकीय विश्रामगृह येथे आगमन व मुक्काम राहील.

****

पीक कर्जमाफीसाठी अर्ज करण्यापासून वंचित राहिलेल्या शेतकऱ्याना 

अर्ज  करण्यासाठी दि. 1 मे, 2018  मुदतवाढ

अर्ज सादर करण्याचे जिल्हा उपनिबंधक, सहकारी संस्था, नांदेड यांचे आवाहन

            नांदेड, दि.17:- छत्रपती शिवाजी महाराज शेतकरी सन्मान योजनेअंतर्गत यापुर्वी विहित कालावधीत अर्ज करण्यापासून वंचित राहिलेल्या शेतकऱ्यांसाठी ऑनलाईन पद्वतीने अर्ज करण्याची सुविधा आता दि. 1 मे, 2018  पर्यंत उपलब्ध करुन देण्यात आलेली आहे. महाराष्ट्र शासनाचे सहकार, पणन व वस्त्रोद्योग विभागाचे दि. 16 एप्रिल, 2018 रोजी शासन निर्णय निर्गमित झालेला असून या आदेशाच्या अनुषंगाने शेतकऱ्यांनी दि. 1 मे, 2018  पर्यंत “ आपले सरकार ” या सेवा केंद्रावर किंवा शेतकऱ्यांना https://csmssy.mahaonline.gov.in या पोर्टलवर स्वत: नोंदणी करुन युजर आय.डी. व पासवर्डच्या आधारे ऑनलाईन अर्ज सादर करता येतील.

तसेच कांही शेतकरी वैयक्तिक कारणाने किंवा कांही तांत्रिक अडचणीमुळे ऑनलाईन अर्ज करु न शकल्यामुळे कर्जमाफीच्या योजनेत सहभागी होऊ शकले नाहीत, त्यांना लाभ देण्यात येईल, अशी घोषणा मा. मुख्यमंत्री महोदय यांनी केली होती, त्यानुसार आता दिनांक 1 मे, 2018  पर्यंत  “ आपले सरकार ”  पोर्टलवर किंवा शेतकऱ्यांनी स्वत: मोबाईल ओटीपीद्वारा केल्यानंतरच संबंधित अर्ज अपलोड करण्यात येणार आहेत.

आपले सरकार पोर्टलवर माहीती भरुन ऑनलाईन अर्ज भरण्याची सुविधा नि:शुल्क आहे. तरी कर्जमाफी योजनेअंतर्गत यापुर्वी विहित कालावधीत अर्ज करण्यापासून वंचित राहिलेल्या शेतकऱ्यांनी दिनांक 1 मे, 2018   पर्यंत “ आपले सरकार ” सेवा केंद्रावर किंवा शेतकऱ्यांना https://csmssy.mahaonline.gov.in या पोर्टलवर स्वत: नोंदणी करुन युजर आय.डी. व पासवर्डच्या अधारे ऑनलाईन अर्ज भरुन  योजनेचा लाभ घ्यावा असे, आवाहन नांदेड जिल्हा उपनिबंधक, सहकारी संस्थेचे प्रवीण फडणीस यांनी केले आहे.  

****