लक्षवेध :नांदेड जिल्ह्यातील विधानसभा निहाय मतदानाची अंदाजीत अंतिम आकडेवारी

लक्षवेध : नांदेड लोकसभा पोटनिवडणुकीतील अंदाजीत अंतिम आकडेवारी विधानसभा निहाय

 वृत्त क्र. 1128

वेबकास्टिंगच्या माध्यामातून दिवसभर करडी नजर

नांदेड दि. २० नोव्हेंबर : जिल्ह्यात लोकसभा पोटनिवडणूक व विधानसभा सार्वत्रिक निवडणुकिची प्रक्रिया आज सकाळपासून सुरू झाली. या दरम्यान संपूर्ण मतदान प्रक्रियेवर वेबकास्टिंगच्या माध्यमातून दिवसभर देखरेख ठेवण्यात आली.  नांदेड जिल्हयातील एकूण ३०८८ केंद्रापैकी १७८१ केंद्रावर वेब कॅमेराव्दारे (प्रत्येक केंद्रावर  दोन कॅमेरे) निगराणी ठेवली जात होती.

नांदेड जिल्ह्यात नऊ विधानसभा मतदारसंघासाठी ३०८८ हजारापेक्षा अधिक मतदान केंद्र होते. दरम्यान सकाळी ७ वाजेपासून मतदान सुरू झाल्यानंतर मतदान केंद्रावर वेबकास्टिंगच्या माध्यमातून जिल्हा‍ नियंत्रण कक्षात जिल्हाधिकारी अभिजीत राऊत, अप्प३रजिल्हाधिकारी पांडुरंग बोरगावकर, निवासी उपजिल्हाधिकारी महेश वडदकर, निवडणूक उपजिल्हाधिकारी राजकुमार माने, प्रशांत शेळके, जिल्हा नियोजन अधिकारी सुधाकर आडे व अन्य अधिका-यांनी मतदान प्रक्रियेवर देखरेख ठेवली. जिल्हाभरात मतदान प्रक्रिया शांततेत पार पडली.

००००

 नांदेड लोकसभा पोटनिवडणूक विधानसभा सार्वत्रिक निवडणुकीत शहर व ग्रामीण भागातील मतदारांच्या लांबचलाब रांगा बघायल्या मिळाल्या. दुपारपासून लागलेल्या रांगा रात्री  ८ वाजल्यानंतर अनेक ठिकाणी लागल्या होत्या.

  वृत्त क्र. 1127

पर्यावरणपूरक-इको फ्रेंडली मतदान केंद्रांची विष्णुपूरी येथे उभारणी

अनेक नागरिक, मतदारांचे आकर्षण ठरले हे इको फ्रेंडली मतदान केंद्र

नांदेड , दि.20 नोव्हेंबर :- विष्णुपूरी येथील जिल्हा परिषद शाळेतील मतदान केंद्र संपूर्ण नैसर्गिक झावळ्यांनी, विविध रोपांनी, प्लास्टिक मुक्तपणे तयार केला आहे. पाणी पिण्यासाठी मातीच्या भांड्यांची, मडक्याचा वापर केला आहे. ग्रीन मँट प्रवेशद्वारापासून अंथरली असून विविध फुलझाडांच्या कुंड्यांनी प्रवेश केला जात आहे. केळीची पान, पारंब्या, हिरव्या नारळाच्या झावळ्या उपयोगात आणल्यामुळे परिसर थंडगार व रमणीय आकर्षक झाला आहे. या केंद्रावर मतदानासाठी आलेल्या मतदारांनी मतदान प्रक्रियेत उत्साहाने भाग घेतला. या इको फ्रेंडली मतदान केंद्राच्या आकर्षक व हिरवाईने तयार केलेल्या मतदान केंद्राबाबत अनेक नागरिक , मतदार यांनी भेट देवून समाधान व्यक्त केले.

चुनाव का पर्व, देश का गर्व संकल्पनेतून जगातील सर्वात मोठ्या लोकशाही भारत देशातील महाराष्ट्रात आज सार्वत्रिक निवडणूकीसाठी मतदान सुरु आहे. राज्य निवडणूक आयोगाने यावर्षी इकोफ्रेंडली मतदार ग्रीन मतदार बुथ उभारणीसाठी सूचना दिल्या होत्या. याच सूचनेनुसार जिल्हा ग्रामीण स्विप कक्षाच्या प्रमुख तथा जिल्हा परिषदेच्या मुख्य कार्यकारी अधिकारी मिनल करनवाल यांच्या अभिनव संकल्पनेतून निवडणूक निर्णय अधिकारी डॉ. सचिन खल्लाळ, शिक्षणाधिकारी प्राथमिक डॉ. सविता बिरगे, माध्यमिक शिक्षणाधिकारी माधव सलगर, उपशिक्षणाधिकारी रामचंद्र पाचंगे, दिलीप बनसोडे यांच्या मार्गदर्शनाखाली जि.प.हायस्कूल विष्णुपूरी प्रशालेने इकोफ्रेंडली मतदान बुथ तयार केले आहे.

नायब तहसीलदार नितेशकुमार बोलेलू , महसूल सहाय्यक मकरंद भालेराव, स्वीप कक्ष सदस्य राजेश कुलकर्णी व संजय भालके यांनी भेट दिली.  शाळेच्या मुख्याध्यापिका सौ.उज्ज्वला जाधव, एम.ए.खदीर , मिरा रेवणवार , पद्माकर देशमुख ,कावळे गुरुजी आणि सर्व शिक्षकवृंदांनी भरीव परिश्रम घेतले आहेत.

00000

  वृत्त क्र. 1126

लोकसभा पोटनिवडणुकीसाठी सायंकाळी 5 पर्यत 53.78 तर विधानसभेसाठी 55.88 टक्के  मतदान

•  सायंकाळी सातपर्यत मतदारांच्या लांबचलांब रांगा

•  दिव्यांग, जेष्ठ व नवमतदारांनी केले उत्साहात मतदान

•  लोकप्रतिनिधीसह मान्यवरांनी बजावला मतदानाचा हक्क

•   सखी व पर्यावरणपूरक मतदान केंद्रांनी वेधले लक्ष

•   शहरासह ग्रामीण मतदारांमध्ये मतदानाचा उत्साह

•   23 नोव्हेंबरला लोकसभा व 6 विधानसभेची विद्यापीठात मतमोजणी

•   किनवट, हदगाव, लोहा त्या-त्या ठिकाणी मतमोजणी

नांदेड दि. 20 नोव्हेंबर : नांदेड लोकसभा पोटनिवडणूक व  9 विधानसभा सार्वत्रिक निवडणुकीसाठी 3 हजार 88 मतदान केंद्रावर शांततेत मतदान पार पडले. मतदारांनी मतदान केंद्रावर सकाळी 7 वाजेपासून लांबच लांब रांगा लावल्या  होत्या. दिव्यांग,जेष्ठ मतदारासोबत नवमतदार आणि तृतीयपंथीयांनी मतदानासाठी उपस्थिती लावली. यावर्षी 25 वर्षानंतर एकाच वेळी लोकसभा व विधानसभेसाठी एकाच शाईत दोन मतदान करण्याचा अनुभव मतदाराना मिळाला.

या निवडणुकीत लोकसभेसाठी 19 तर विधानसभेसाठी 165 उमेदवारांचे भविष्य आज मतदान यंत्रात बंद झाले आहे. या लोकसभेसाठी 19 लाखांच्यावर व विधानसभेसाठी 27 लाखांच्यावर मतदारांचा समावेश आहे.  आज सकाळी नांदेड जिल्ह्यामध्ये 5 सकाळी 7 वाजता मतदानाला सुरुवात झाली. काही ठिकाणी सकाळपासूनच मतदानासाठी नागरिकांनी गर्दी केली होती.

नांदेड लोकसभेसाठी आज सकाळी 9 वाजता 6.03 तर विधानसभेसाठी 5.42 टक्के मतदान झाले.  सकाळी नांदेड मतदार संघातील लोकप्रतिनिधीनीसह अनेक मान्यवरांनी मतदानाचा हक्कर बजावला. जिल्हाधिकारी अभिजीत राऊत यांनी सहकुटूंब व जिल्हा परिषदेच्या मुख्य कार्यकारी अधिकारी मीनल करनवाल यांनीही आयटीआय परिसरातील कामगार कल्यान केंद्रावर मतदानाचा हक्क बजावला. नवमतदार, जेष्ठ नागरिक, दिव्यांग नागरिक, तृतीयपंथीय यांनी उर्त्स्फूत प्रतिसाद दिला असून त्यांनी मोठया प्रमाणात मतदानाचा हक्क  बजावला.

सकाळी 11 वाजेपर्यत लोकसभेसाठी 12.59 तर विधानसभेसाठी 13.67 टक्के मतदान झाले. आज दुपारी 1 वाजता 27.25 तर विधानसभेसाठी 28.15 टक्के मतदान झाले. दुपारी ३ वाजेपर्यत लोकसभेसाठी ४१.५८ तर विधानसभा क्षेत्रात ४२.८७ टक्के मतदान झाले होते. सायं. ५ वाजेपर्यत ही आकडेवारी लोकसभेसाठी ५३.७८ तर विधानसभेसाठी ५५.८८ एवढी होती. रात्री उशिरा अधिकृत अंतिम आकडेवारी मिळण्याची शक्यता आहे.

या निवडणुकीसाठी गेल्या 40 दिवसापासून जिल्हा प्रशासन कार्यरत आहे. 15 हजार कर्मचारी तसेच पोलीस व राखीव दलाच्या तुकड्या गेल्या काही दिवसांपासून कार्यरत होत्या. आज दिवसभर वॉर रुम व वेबकास्टिंग  कक्षाच्या माध्य‍मातून जिल्हाधिकारी अभिजीत राऊत निवडणूक आयोग व सामान्य मतदार यांच्या संपर्कात होते. वेब कास्टिंग विभागात वरिष्ठ अधिकारी निगराणी ठेवून होते. रात्री उशिरापर्यत या यंत्रणेमार्फत अनेक ठिकाणच्या मतदान केंद्रावर  लक्ष ठेवून होते.

आज दिवसभर इव्हिएम व अन्य कोणतीही अडचण आल्यास तातडीने विशिष्टय वेळात समस्यां सोडवली जात होती.

 विधानसभा निहाय निवडणूक निर्णय अधिकाऱ्यांच्या संपर्कात ते होते. मतदान यंत्राच्या बदलाच्या एक दोन घटना वगळता जिल्ह्यामध्ये कुठेही मतदान थांबले नाही. जिल्हांधिकाऱ्यांनी यासोबत अनेक केंद्राना अनेक ठिकाणी आकस्मिक भेटी दिल्याल.तसेच याकाळात निवडणूक निरीक्षकांनी देखील भेटी दिल्या व परिस्थितीवर लक्ष दिले.

रात्री उशिरा नेमकी मतदानाची टक्केवारी पुढे येणार आहे.

 तत्पुर्वी सन 2019 च्या विधानसभा मतदारसंघात किनवट 70.90, हदगाव 70.20, लोहा 69.73 भोकर-73.99, नांदेड उत्तर 61.20, नांदेड दक्षिण-63.66, नायगाव 73.80, देगलूर 60.80, मुखेड 66.20 असे एकूण 67.83 टक्के मतदान झाले होते. यावेळी देखील मोठया संख्येन मतदान होण्याची अपेक्षा आहे.

यावर्षी निवडणूक विभागाने प्रत्येक विधानसभा मतदारसंघामध्ये महिला, दिव्यांग व तरुण अधिकाऱ्यांचे मतदान केंद्र उभारले होते. याशिवाय 539 पर्दानसिन केंद्र कार्यरत करण्यात आले होते. तर विष्णुपूरी जि.प. शाळेत पर्यावरण पूरक केंद्र उभारले होते. प्रशासनाने यावेळी प्रत्येक केंद्रामध्ये पायाभूत सुविधा उपलब्ध केल्या होत्या. यामध्ये पिण्याचे पाणी, दिव्यांगासाठी रॅम, दिवाबत्ती, बसण्याची व्यवस्था, काही केंद्रावर सेल्फी पॉईट व अन्य सजावट करण्यात आली होती. मतदारांनी एकाच वेळी दोन ठिकाणी गतीने मतदान झाल्याबद्दल लोकसभा मतदार संघात समाधान व्यक्त केले. मोठया संख्येन जनतेने मतदानाला प्रतिसाद दिल्याबद्दल जिल्हा प्रशासनाने मतदाराचे आभार व्यक्त केले आहे. जिल्ह्यामध्ये याकाळात कोणत्याही अप्रिय घटनेची नोंद नाही.

 २३ नोव्हेंबरला मतमोजणी

आज मतदान पार पडल्यानंतर दोन दिवसांनी २३ नोव्हेंबरला शनिवारी नांदेड येथील स्वामी रामानंद तीर्थ विद्यापीठात होणार असून किनवटला आयटीआय कॉलेजमध्ये, हदगावला समाज कल्याण भवन येथील अनुसूचित जातीचे मुलींचे शासकीय वसतीगृह तर लोहा येथे महसूल हॉल, तहसिल कार्यालयाच्या ठिकाणी  मतमोजणी होणार आहे.  

००००००

 तृतीयपंथी यांनी जिगळा ता.बिलोली जि.नांदेड येथे मतदान केले. जिल्ह्यात १७२ तृतीयपंथी आहेत.

किनवट : 83 किनवट विधानसभा मतदारसंघातील मतदान केंद्र क्रमांक 202 सुसंस्कार मतीमंद विद्यालय, गोकुंदा येथे तृतीयपंथी मतदारांनी मतदानाचा हक्क बजावल्यानंतर निवडणूक निर्णय अधिकारी कावली मेघना (भाप्रसे) यांचे समवेत घेतलेलं छायाचित्र..

पोलीस दलही तैनात : नांदेड जिल्ह्यामध्ये पंधरा हजार कर्मचारी सध्या निवडणूक कर्तव्यावर आहेत. त्यापैकी आठ हजार पोलीस कर्मचारी कार्यरत आहेत.

नांदेड लोकसभेसाठी आज दुपारी 3 वाजता 41.58 तर विधानसभेसाठी 42.87 टक्के मतदान

• 3 वाजेपर्यत किनवटमध्ये सर्वाधिक तर मुखेडमध्ये सर्वात कमी मतदान

                                                                                                                                                                नांदेड , दि.20 नोव्हेंबर :- आज सकाळी 7 वाजेपासून नांदेड जिल्ह्यात उर्त्स्फूतपणे मतदानाला सुरुवात झाली असून अनेक मतदान केंद्रावर मतदाराच्या रांगाच रांगा दिसून आल्या आहेत. नांदेड जिल्ह्यात आज दुपारी 3 वाजेपर्यत लोकसभा पोटनिवडणुकीसाठी 41.58 टक्के तर विधानसभा सार्वत्रिक निवडणूकीसाठी 42.87 टक्के मतदान झाले आहे.

नागरिकांनी जास्तीत जास्त घराबाहेर पडून मतदान करावे, असे आवाहन जिल्हा प्रशासनाच्यावतीने करण्यात आले आहे. नांदेड जिल्ह्यात 9 मतदार संघात 83-किनवट मतदारसंघात 48.94टक्के, 84-हदगाव मतदारसंघात 48.29 तर 85-भोकर मतदारसंघात 44.72टक्के , 86-नांदेड उत्तर 39.40 नांदेड दक्षिण 38.84, 88-लोहा मतदारसंघात 40.10, 89-नायगाव मतदारसंघात 47.65  टक्के, 90-देगलूर मतदारसंघात 42.16  टक्के, 91-मुखेड मतदारसंघात 37.12 टक्के मतदान झाले आहे.

00000

विधानसभा सार्वत्रिक निवडणूक २०२४ साठी

राज्यात दुपारी ३ वाजेपर्यंत ४५.५३  टक्के मतदान

मुंबई, दि. २० : विधानसभा सार्वत्रिक निवडणूक २०२४ साठी आज सकाळी ७ वाजल्यापासून मतदानाला सुरुवात झाली असून दुपारी ३ वाजेपर्यंत राज्यात सरासरी ४५.५३ टक्के मतदान झाले आहे.

  राज्यातील जिल्हानिहाय मतदानाची टक्केवारी पुढीलप्रमाणे :

अहमदनगर -  ४७.८५ टक्के,

अकोला - ४४.४५ टक्के,

अमरावती -४५.१३  टक्के, 

औरंगाबाद- ४७.०५टक्के, 

बीड - ४६.१५ टक्के, 

भंडारा- ५१.३२ टक्के, 

बुलढाणा-४७.४८  टक्के, 

चंद्रपूर- ४९.८७ टक्के,

धुळे - ४७.६२ टक्के, 

गडचिरोली-६२.९९ टक्के, 

गोंदिया -५३.८८  टक्के, 

हिंगोली - ४९.६४टक्के, 

जळगाव - ४०.६२ टक्के, 

जालना- ५०.१४ टक्के, 

कोल्हापूर-  ५४.०६ टक्के,

लातूर _ ४८.३४ टक्के, 

मुंबई शहर- ३९.३४ टक्के, 

मुंबई उपनगर-४०.८९  टक्के,

नागपूर - ४४.४५ टक्के,

नांदेड -  ४२.८७ टक्के, 

नंदुरबार- ५१.१६  टक्के,

नाशिक -४६.८६  टक्के, 

उस्मानाबाद- ४५.८१ टक्के, 

पालघर- ४६.८२ टक्के, 

परभणी- ४८.८४ टक्के,

पुणे -  ४१.७० टक्के,

रायगड -  ४८.१३ टक्के, 

रत्नागिरी- ५०.०४टक्के,

सांगली - ४८.३९ टक्के,

सातारा - ४९.८२टक्के, 

सिंधुदुर्ग - ५१.०५ टक्के,

सोलापूर -४३.४९ टक्के,

ठाणे - ३८.९४ टक्के, 

वर्धा -  ४९.६८ टक्के,

वाशिम -४३.६७  टक्के,

यवतमाळ - ४८.८१ टक्के मतदान झाले आहे.

0000

उत्तर मतदार संघातील पांडुरंग नगर येथील जनता प्राथमिक शाळांमध्ये दिव्यांग महिला मतदान करताना

नवमतदार इशा जैन हिने पहिल्यांदा आपला मतदानाचा हक्क बजावला

 

फुलविक्रेता महिला सत्यभामा थोरात .

तानाबाई दुधमल - वय ८० वर्षे यांनी आपला मतदानाचा हक्क बजावला