शासकीय तंत्रनिकेतनमध्ये अध्यापक प्रशिक्षण कार्यक्रम संपन्न
नांदेड,दि.21:- शासकीय तंत्रनिकेतन,, नांदेड या संस्थेत महाराष्ट्र राज्य तंत्रशिक्षण मंडळ, मुंबई यांचे तर्फे यंत्र अभियांत्रिकी शाखेच्या
अध्यापकांकरिता दिनांक 16 डिसेंबर ते 20 डिसेबर 2019 दरम्यान
एक आठवडयाचा प्रशिक्षण कार्यक्रम “सॉलिड मॉडेलिंग व
ऍ़डीटीव्ह मॅन्युफॅक्चरिंग ” या विषयावर आयोजित करण्यात आला होता. उद्‌घाटक म्हणून श्री.
गुरुगोविंद सिंघजी अभियांत्रिकी व तंत्रज्ञान संस्थेचे संचालक डॉ. वाय. व्ही. जोशी व
अध्यक्षस्थानी शासकीय तंत्रनिकेतनचे प्राचार्य डॉ. गोरक्ष व्ही. गर्जे हे होते.
औद्योगिक जगतात
होणाऱ्या बदलांना यशस्वीरित्या सामोरे
जाण्यासाठी नवनवीन तंत्रज्ञान व कौशल्ये आत्मसात करणे हे अध्यापकांसाठी अत्यावश्यक
आहे,
आणि त्यासाठी असे प्रशिक्षण कार्यक्रम उपयुक्त असल्याचे
प्रतिपादन डॉ. जोशी यांनी केले तंत्रनिकेतनमधील यंत्र अभियांत्रिकी विभाग
सातत्याने असे उपक्रम राबवत असल्यामुळे सदर उपक्रमांचे डॉ. जोशी यांनी कौतुक केले.
सुधारित
अभ्यासक्रम परिणामकारकपणे राबविण्यासाठी व विद्यार्थ्यांना गुणवत्तापूर्ण शिक्षण
प्रदान करण्यासाठी शिक्षकांनी अद्यावत असणे आवश्यक आहे, नव्हे तर ही काळाची गरज आहे, अशी भूमिका संस्थेचे प्राचार्य डॉ. गोरक्ष व्ही. गर्जे हयांनी मांडली.
म. रा.
तंत्रशिक्षण मंडळ, मुंबई यांच्यातर्फे
प्रायोजित या प्रशिक्षणास राज्याच्या विविध भागातून 30 अधिव्याख्यात्यांनी सहभाग नोंदवला. या उपक्रमामध्ये विविध
शैक्षणिक व औद्योगिक अस्थापनामधील या विषयांतील तज्ञांची व्याख्याने व
प्रात्यक्षिके आयोजित करण्यात आली होती.
मुख्य समन्वयक
म्हणून विभाग प्रमुख श्री. राजीव सकळकळे व कार्यक्रम समन्वयक म्हणून डॉ. संतोष
चौधरी व श्री. सुर्यकांत कुलकर्णी हयांनी जबाबदारी सांभाळली. कार्यक्रमाच्या
यशस्वीतेसाठी अधिव्याख्याता श्री. उश्केवार श्री. अन्नमवाड,श्री. चव्हाण, श्री. देशट्टीवार श्री. कदम, कुलमंत्री डॉ.
डक व अन्य अधिकारी व कर्मचाऱ्यांनी योगदान दिले.
0000
