शेरुसिंघ उर्फ शेरा पि.दलबिरसिंघ खैरा प्रकरणाशी संबंधीत

कांही साक्ष पुरावे असल्यास 21 जानेवारी रोजी सादर करावेत

--- उपविभागीय अधिकारी, नांदेड

     नांदेड,दि.21:- जिल्‍हादंडाधिकारी नांदेड यांच्‍या आदेशानुसार पो.स्‍टे.अर्धापूर गु.र.नं.287/2019 क.307 भा.द.वि.सह क.3/25, 27(2) भारतीय हत्‍यार कायदा पोलीस अधिकारी यांनी केलेल्‍या  गोळीबारात मयत शेरुसिंघ उर्फ शेरा पि.दलबिरसिंघ खैरा, रा.माळटेकडी नांदेड यांच्‍या मृत्‍युची दंडाधिकारीय चौकशी करणे बाबत उपविभागीय दंडाधिकारी नांदेड यांना आदेशीत केले आहे.

प्रस्‍तुत प्रकरणात श्री. पांडुरंग दिगांबर भारती, सहा.पोलीस निरीक्षक स्‍थानिक गुन्‍हे शाखा नांदेड व त्‍यांचे सोबत पो.कॉ.तानाजी येळगे ब.नं.1601 पो.कॉ.मोतीराम पवार ब.नं.3160 पो.कॉ.शेख कलीम ब.न.3081 सर्व नेमणुक स्‍थानिक गुन्‍हे शाखा नांदेड असे दिनांक 04.11.2019 रोजी14.30 वाजताचे सुमारास पोलीस स्‍टेशन भाग्‍यनगर नांदेड गु.र.नं.350/2019 क.392,506,34 भादवि सह कलम 3/25 भारतीय हत्‍यार कायदा या गुन्‍हयातील पाहिजे असलेला आरोपी मयत शेरसिंघ उर्फ शेरा पि.दलबिरसिंघ खैरा रा.माळटेकडी नांदेड ता.जि.नांदेड याचा शोध घेत असता मौ.येळेगाव शिवारात अमरसिंघ चुंगीवाले यांचे शेतातील आखाडयात उभ्‍या असलेल्‍या एका पांढ-या रंगाच्‍या  टाटा सफारी गाडीतुन पोलीसांना पाहुन गाडीतुन उतरुन त्‍याने देशी बनावटीची पिस्‍टल हातात घेऊन पो.कॉ.येळगे च्‍या दिशेने पिस्‍टलने एक गोळी फायर केली त्‍याच क्षणी दुसरी गोळी सहा.पोलीस निरीक्षक पांडुरंग दिगांबर भारती यांचेवर फायर करीत असतानाच त्‍यांनी स्‍वतःचे आत्‍मसंरक्षणार्थ व पो.कॉ.तानजी येळगे यांच्‍या प्राण वाचवण्‍यासाठी केलेल्‍या गोळीबारात शेरसिंघ उर्फ शेरा पि.दलबीरसिंघ खैरा हा जखमी झाला होता. सदर आरोपीचे प्राण वाचविण्‍यासाठी त्‍यास तात्‍काळ पोलीस अधिकारी/कर्मचारी यांनी शासकीय रुग्‍णालय विष्‍णुपूरी नांदेड येथे उपचारासाठी दाखल केले. शासकीय रुग्‍णालय विष्‍णुपूरी नांदेड येथील वैद्यकीय अधिकारी यांनी शेरसिंघ उर्फ शेरा पि.दलबिरसिंघ खैरा यास दिनांक 04 डिसेंबर, 2019 ला तपासुन सदर आरोपी मरण पावल्‍याचे घोषीत केले. सदर मृत्‍युचा तपास श्री. अभिजीत फस्‍के, उपविभागीय पोलीस अधिकारी उपविभाग नांदेड (शहर) यांचेकडे सोपविण्‍यात आला आहे.

     प्रकरणात मा.जिल्‍हाधिकारी नांदेड  यांचे आदेश क्र.2019/आरबी-1-डेस्‍क-2-टे-(4)दं.चौकशी-प्र.क्र.54 दिनांक 21 नोव्‍हेंबर 2019 अन्‍वये पो.स्‍टे.अर्धापूर हद्दीत शेरसिंघ उर्फ शेरा पि.दलबिरसिंघ खैरा रा.माळटेकडी नांदेड यांच्‍या मृत्‍युच्‍या घटनेची दंडाधिकारीय चौकशी करणेसाठी उपविभागीय दंडाधिकारी नांदेड यांना आदेशीत केले आहे.

ज्‍या कोणास वर नमुद केलेल्‍या प्रकरणाशी संबंधी काही सांगावयाचे असल्‍यास किंवा साक्ष पुरावे नोंदवावयाचे असल्‍यास त्‍यांनी उपविभागीय दंडाधिकारी कार्यालय नांदेड यांचे कार्यालयात त्‍यांचे समक्ष दिनांक 21 जानेवारी, 2020 रोजी दुपारी 04 वा.आपले म्‍हणने मांडावे व साक्ष पुरावे सादर करावेत.

0000