प्रचार विषयक सर्व परवानग्यासाठी एक खिडकी कक्षाची स्थापना

 वृत्त क्र. 275

प्रचार विषयक सर्व परवानग्यासाठी एक खिडकी कक्षाची स्थापना

नांदेड, दि. 26 :-.16- नांदेड लोकसभा सार्वत्रिक निवडणूक 2024 च्या अनुषंगाने राजकीय पक्ष आणि संबंधित उमेदवारांना निवडणूक प्रचार विषयक विविध परवानग्या प्राप्त करणे सोयीचे होण्यासाठी एक खिडकी कक्ष स्थापना करण्यात आला आहे. यामध्ये लोकसभा मतदारसंघनिहाय निवडणूक निर्णय अधिकारी व सहायक निवडणूक निर्णय अधिकारी यांच्या स्तरावर एक खिडकी कक्ष स्थापन करण्यात आला आहे.

हेलिकॉप्टर उड्डाण उतरविणे यासाठीची परवानगी जिल्हाधिकारी कार्यालयामार्फत देण्यात येईल. एक खिडकी कक्ष कार्यालयीन वेळेत कार्यरत राहील, असे जिल्हा प्रशासनाच्यावतीने कळविण्यात आले आहे. तसेच उमेदवारांना विविध परवानग्यासाठी ऑनलाईन अर्ज सुध्दा दाखल करता येईल. उमेदवारांना, राजकीय पक्षांना विविध परवानगीसाठी लॉगईन करण्यासाठी वेबसाईट https://suvidha.eci.gov.in/pc/public/login  आहे.

उमेदवारांनी, राजकिय पक्षांनी परवानग्यासाठी 48 तास अगोदर अर्ज करणे आवश्यक राहील. हेलिकॉप्टर उड्डाण व उतरविणे साठी परवानगी , तात्पुरते प्रचार कार्यालय, बैठक, सभा, जाहीरसभा व लाऊडस्पिकर परवानगी, कार्नर सभा, रॅली, वाहन परवानगी, वाहन परवानगी जिल्हाअंतर्गत, प्रचार साहित्य परवानगी या परवानग्यांसाठी एक खिडकी कक्षाकडे 48 तास अगोदर अर्ज करणे आवश्यक राहील असे आचारसंहिता कक्ष प्रमुख तथा निवासी उपजिल्हाधिकारी नांदेड यांनी प्रसिध्दीपत्रकाद्वारे कळविले आहे.

0000

जिल्ह्यात जमावबंदी, शस्त्रबंदी आदेश लागू

 

वृत्त क्र.  274

जिल्ह्यात जमावबंदी, शस्त्रबंदी आदेश लागू 

 नांदेड (जिमाका) दि. 26 :- नांदेड जिल्ह्यात 7 एप्रिल 2024 च्या मध्यरात्री पर्यंत शस्त्रबंदी व जमावबंदी आदेश लागू राहणार आहे, अशी माहिती अपर जिल्हादंडाधिकारी कार्यालयाकडून देण्यात आली आहे. 

 

जिल्ह्यातील कायदा व सुव्यवस्था अबाधित रहावी म्हणून अपर जिल्हादंडाधिकारी यांनी मुंबई पोलीस अधिनियम 1951 चे कलम 37 (1) व (3) अन्वये जिल्ह्यात 7 एप्रिल 2024 रोजी मध्यरात्री पर्यंत शस्त्रबंदी व जमावबंदी आदेश लागू राहिल. त्यानुसार पाच किंवा पाचपेक्षा अधिक व्यक्तींनी या आदेशात नमुद असलेली कृत्ये सार्वजनिक परिसर किंवा त्याच्या जवळपास करण्यास बंदी घालण्यात आली आहे. हा आदेश कामावरील पोलीस अधिकारी, शासकीय कर्मचारी, विवाह, अंत्ययात्रा, धार्मिक कार्यक्रम, यात्रा व इतर सक्षम अधिकारी यांनी विशेषरित्या परवानगी दिलेल्या मिरवणुकांना लागू होणार नाही.

 

अशा मिरवणुकांना परवानगी देण्याचे अधिकार तसेच पाच व पाचपेक्षा जास्त इसम जमण्यासाठी, सभा, मिरवणुका, मोर्चा काढणे, ध्वनीक्षेपक वाजविण्यास परवानगी देण्याचे अधिकार जिल्ह्यातील पोलीस ठाणे प्रभारी अधिकारी यांना तसेच पोलीस अधीक्षक नांदेड यांनी प्राधिकृत केलेल्या इतर पोलीस अधिकारी यांना राहतील.

00000

कृपया सुधारीत वृत्त

कृपया सुधारीत वृत्त क्र. 274

 

नांदेड दक्षिण विधानसभा मतदारसंघाच्या

प्रथम प्रशिक्षणाचे 29 मार्च रोजी आयोजन

 

नांदेड, दि. 26 :-. 16 नांदेड लोकसभा सार्वत्रिक निवडणूक 2024 च्या  अनुषंगाने 87-नांदेड दक्षिण विभानसभा मतदारसंघाचे प्रथम प्रशिक्षण शुक्रवार 29 मार्च 2024 रोजी सचखंड पब्लीक स्कुल, श्री गुरू ग्रंथ साहिब भवन हिंगोली गेट ओव्हर ब्रिजच्या बाजूला नांदेड येथे आयोजित करण्यात आले आहे. हे प्रशिक्षण दोन सत्रात होणार असून प्रथम सत्र सकाळी 9 ते 11 आणि 11 ते दुपारी 1 तसेच द्वितीय सत्र दुपारी 2 ते 4 व 4 ते 6 या कालावधीत संपन्न होणार आहे. या प्रशिक्षणासाठी सर्व एकुण 312 मतदान केंद्राच्या अधिकारी व कर्मचारी यांचा समावेश आहे.

यामध्ये मतदान केंद्राध्याक्ष, मतदान अधिकारी असे एकूण 2 हजार 166 अधिकारी व कर्मचारी उपस्थित राहणार आहेत. 087 नांदेड दक्षिण विधानसभा मतदारसंघात एकूण 3 लाख 3 हजार 546 मतदार असून यामध्ये पुरुष मतदार 1 लाख 56 हजार 308, स्त्री मतदार 1 लाख 47 हजार 235 व तृतीयपंथी मतदार 3 असे आहेत. प्रथम प्रशिक्षणामध्ये संपूर्ण पी.पी.टी. च्या माध्यमातून साहित्य हस्तगत करण्यापासून साहित्य परत करण्यापर्यतचे प्रशिक्षण दिले जाणार आहे. याशिवाय प्रत्यक्ष मतदान यंत्र कसे हाताळावयाचे याचे प्रशिक्षण तज्ञ मास्टर ट्रेनर तथा क्षेत्रिय अधिकारी यांचे मार्फत दिले जाणार आहे. प्रत्यक्ष प्रशिक्षणार्थी यांनी प्रशिक्षण पूर्ण झाल्यानंतर ही मतदान प्रक्रिया पूर्ण कळाली आणि प्रत्यक्ष मतदान यंत्र हाताळल्या बाबतचे प्रमाणपत्र क्षेत्रिय अधिकारी यांना दिल्याशिवाय प्रशिक्षण पूर्ण होणार नाही याची दक्षता घेण्याचे आवाहन सहा.निवडणूक निर्णय अधिकारी, 16-लोकसभा मतदार संघ तथा उपविभागीय अधिकारी विकास माने व प्रशिक्षण विभाग प्रमुख तथा नायब तहसिलदार नितेश कुमार बोलोलू यांनी केले.

0000