डॉ. बाबासाहेब आंबेडकर कृषि स्वावलंबन योजना;
बिरसा मुंडा कृषि क्रांती योजनेतर्गत
नवीन विहीर, इतर बाबीचा लाभ देण्यासाठी लाभार्थी निवड सभा संपन्न
नांदेड दि. 6 :- भारतरत्न डॉ.
बाबासाहेब आंबेडकर यांचे महापरिनिर्वाण दिनाचे औचीत्य
साधून डॉ. बाबासाहेब
आंबेडकर कृषि स्वावलंबन योजना व बिरसा मुंडा कृषि
क्रांती योजनेतर्गत नवीन विहीर, इतर बाबीचा लाभ
देण्यासाठी लाभार्थी
निवड सभा आज
जिल्हा परिषदेत संपन्न झाली.
यावेळी जिल्हा
परिषद अध्यक्षा श्रीमती
शांताबाई पवार जवळगावकर, अति. मुख्य
कार्यकारी अधिकारी डॉ. शरद कुलकर्णी, उपाध्यक्ष
समाधान जाधव, सभापती (कृषि व पशुसंवर्धन)
दत्तात्रय रेड्डी, जिल्हा परिषद
सदस्य साहेबराव धनगे, विजयकुमार बास्टेवाड, मधुकरराव
राठोड, कृषि विकास अधिकारी संतोष
नादरे, जिल्हास्तरीय लाभार्थी निवड समितीचे
सर्व सदस्य व प्रभारी
जिल्हा कृषि अधिकारी संभाजी
कऱ्हाळे यांच्या प्रमुख
उपस्थितीत नविन विहीर व इतर
बाबींचा लाभ देणेसाठी लाभार्थ्यांची
निवड प्रक्रिया जिल्हा परिषदेच्या
कै. यशवंतराव चव्हाण सभागृहात
लॉटरी पध्दतीने इन कॅमेरा
करण्यात आली.
दरवर्षी प्रमाणे
याही वर्षी जिल्हा परिषद
कृषि विभागामार्फत अनुसूचित
जातीच्या लाभार्थ्यासाठी डॉ. बाबासाहेब आंबेडकर
कृषि स्वावलंबन योजना अंतर्गत
1 हजार 658 लाभार्थ्यांची,
राज्य शासनाच्या कृषि विभागामार्फत
नवीनच सुरु
झालेल्या राष्ट्रीय कृषि विकास
योजनेंतर्गत 48 लाभार्थ्यांची व अनुसूचित
जमातीचे लाभार्थीसाठी बिरसा
मुंडा कृषि क्रांती योजना (क्षेत्राबाहेरील) अंतर्गत 259 लाभार्थ्यांची, क्षेत्रांतर्गत योजनेसाठी
64 लाभार्थ्यांची
व राष्ट्रीय कृषि विकास योजने
अंतर्गत किनवट व माहूर
तालुक्यातील अनुसूचित जमातीच्या 57 लाभार्थ्यांची निवड
करण्यात आली.
अध्यक्षा, उपाध्यक्ष व सभापती (कृषि)
यांनी बैठकीच्या वेळी सुचना
दिल्याप्रमाणे शासनाच्या उद्दिष्टापेक्षा दीडपट
लाभार्थ्यांची निवड करण्यात आली
यामुळे पात्र प्रस्तावापैकी एकही
लाभार्थी निवडीपासून वंचित राहिलेला
नाही.
या सभेस योजनेच्या
मार्गदर्शक सुचने प्रमाणे पात्र
लाभार्थी शेतकरी, पंचायत समिती
स्तरावरील सर्व कृषि अधिकारी (विघयो)
व विस्तार अधिकारी (कृषि) उपस्थितीत
होते. शेवटी उपस्थितांचे आभार
अनिल शिरफुले जिल्हा कृषि
अधिकारी (सा.) यांनी मानले.
00000
