जिल्हा नियोजन समितीच्या नवनिर्वाचित

सदस्यांचे बुधवारी यशदा येथे प्रशिक्षण

नांदेड दि. 15 :- जिल्हा नियोजन समितीच्या सर्व नवनिर्वाचित सदस्यांचे प्रशिक्षण बुधवार 20 जून 2018 रोजी यशदा पुणे येथे आयोजित केले आहे. नांदेड जिल्हा नियोजन समितीच्या सर्व नवनिर्वाचित मा. सदस्यांनी या प्रशिक्षणास उपस्थित राहावे, असे आवाहन जिल्हाधिकारी अरुण डोंगरे यांनी केले आहे.

जिल्हा नियोजन समितीच्या नवनिर्वाचित सदस्यांना यशवंतराव चव्हाण विकास प्रशासन प्रबोधिनी (यशदा) पुणे येथे प्रशिक्षण देण्याबाबत मुद्दा मागील जिल्हा नियोजन समितीच्या बैठकीत उपस्थित करण्यात आला होता. त्यानुसार यशदा पुणे यांचेशी संपर्क करुन या प्रशिक्षणाचे आयोजन करण्यात आले आहे.

या प्रशिक्षणाच्या माध्यमातून जिल्हा नियोजन समितीची रचना व कार्यपद्धती, जिल्हा वार्षिक योजनेंतर्गत राबविण्यात येणाऱ्या विविध योजनांची माहिती, जिल्हा नियोजन समितीच्या सभेबाबतची माहिती तसेच विविध योजनेंतर्गत कामांना मंजुरी, प्रशासकीय मान्यता व निधी वितरणाबाबतची माहिती जिल्हा नियोजन समितीच्या सदस्यांना देण्यात येणार आहे. त्याआधारे समिती मार्फत जिल्हास्तरावर राबविण्यात येणाऱ्या विविध विकास योजनांची प्रभावीपणे अंमलबजावणी करण्यास मदत होईल. हे प्रशिक्षण पुर्ण झाल्यानंतर सर्व सदस्यांच्या जिल्हा नियोजन समितीच्या कामकाजाबाबत संकल्पना स्पष्ट होणार असल्याने योग्य प्रकारे विकास कामांचा आराखडा तयार होईल व त्याची अंमलबजावणी करण्यास गती येईल, असे जिल्हा नियोजन अधिकारी सुरेश थोरात यांनी प्रसिद्धी पत्रकाद्वारे कळविले आहे.  

0000000

परिवहन मंत्री दिवाकर रावते यांचा दौरा

नांदेड दि. 15 :- राज्याचे परिवहन, खारभूमी विकास मंत्री दिवाकर रावते हे नांदेड दौऱ्यावर येत असून त्यांचा दौरा कार्यक्रम पुढील प्रमाणे राहील.

गुरुवार 28 जून 2018 रोजी हिंगोली येथून शासकीय मोटारीने दुपारी 1 वा. नांदेड येथे आगमन व नांदेड जिल्हा छत्रपती शिवाजी महाराज शेतकरी सन्मान योजना आढावा बैठक (स्थळ : जिल्हाधिकारी कार्यालय नांदेड ). दुपारी 2.30 वा. नांदेड येथुन शासकीय मोटारीने लातूरकडे प्रयाण करतील.  

0000

बिलोली तालुक्यातील सेवारत सैनिक

विनोद हणुमंतराव वानोळे यांचा मृत्यू

नांदेड दि. 15 :- सैन्य नंबर 17012132 शिपाई विनोद हनुमंतराव वानोळे  रा. लोहगाव  ता. बिलोली जिल्हा नांदेड यांचा गुरुवार 14 जुन 2018 रोजी  सैन्यसेवेत असताना मृत्यु झाला आहे. शिपाई विनोद हे सन 2010 मध्ये सैन्यात भरती झाले होते. ते ई.एम.ई.चे जवान होते व ते पठाणकोट येथील युनिट 864 फिल्ड वर्कशॉप मध्ये कार्यरत होते.    त्यांच्या मृत्युची बातमी त्यांच्या कुटूंबियांकडून कळताच जिल्हा प्रशासनातर्फे तातडीने सर्व संबधितांशी  संपर्क  केला आहे.  बिलोलीचे तहसिलदार श्रीकांत गायकवाड यांनी कुंटूबियांची  भेट घेतली आहे. तसेच  मेजर सुभाष सासने जिल्हा सैनिक कल्याण अधिकारी नांदेड यांनी युनिटचे कंमाडींग अधिकारी कर्नल इंगळे यांच्याशी संपर्क केला असता मृत्यू झाल्याचे सांगीतले. त्यांचा मृतदेह हा  सर्व कार्यालयीन कार्यवाही पुर्ण करुन शनिवार 16 जुन 2018 रोजी विमानाने हैद्राबाद पर्यंत व नंतर वाहनाने त्यांच्या घरी पोहचविण्यात येईल,  अशी  प्राथमिक माहिती  माहिती देण्यात आली.  जिल्हा सैनिक कल्याण कार्यालय  सर्वांशी संपर्कात  योग्य कार्यवाही करत असल्याचे जिल्हा सैनिक कल्याण अधिकारी मेजर सुभाष सासने यांनी सांगितले आहे.

00000

दारु दुकाने बंद

नांदेड, दि. 15 :- जिल्ह्यात शनिवार 16 जून 2018 रोजी मुस्लिम बांधवाच्यावतीने रमजान ईद (चंद्र दर्शनानुसार) साजरी करण्यात येणार आहे. कायदा व सुव्यवस्थेचा प्रश्न उद्धभवून अनुचित प्रकार घडणार नाही, जिल्ह्यात शांतता व सुव्यवस्था राखण्याच्यादृष्टिने मुंबई दारुबंदी कायदा 149 चे कलम 142 (1) अन्वये जिल्हाधिकारी नांदेड यांनी 16 जून रोजी रमजान ईद निमित्त जिल्ह्यातील सर्व सीएल-3, एफएल-4, एफएल-3, एफएल-2, एफएल / बीआर-2 विक्रीच्या अनुज्ञप्त्याचे अंतर्गत व्यवहार पुर्णपणे बंद ठेवण्याचे आदेश दिले आहे.

या आदेशाचा भंग करणाऱ्या अनुज्ञप्तीधारकाविरुद्ध दंडात्मक कार्यवाही करण्यात येईल, यांची संबंधितांनी नोंद घ्यावी, असेही आदेशात म्हटले आहे.

0000000

ब्रिगेडियर डी. के. पात्रा यांनी

माजी सैनिकांच्या अडचणी जाणून घेतल्या

नांदेड, दि. 15 :- औरंगाबादचे स्टेशन कमांडर  ब्रिगेडियर डी. के. पात्रा यांनी 13 जून रोजी जिल्हा सैनिक कल्याण कार्यालयाला भेट दिली. यावेळी माजी सैनिक / विधवा व वीरपत्नी, वीरपीता यांचे बैठकीचे आयोजन केले होते. बैठकीत माजी सैनिकांच्या अडी-अडचणी जाणून घेतल्या. जिल्हाधिकारी अरुण डोंगरे यांची ब्रिगेडियर श्री. पात्रा यांनी भेट घेवून माजी सैनिकांचे प्रकरणे लवकर निकाली काढावे यासाठी चर्चा केली.

यामध्ये प्रमुख्याने माजी सैनिकांच्या जागेवर अतिक्रमण करण्याचे प्रकरणे होती. तसेच ECHS मध्ये नवीन कार्ड बनविण्यासाठी कार्यवाही करावी. नांदेडची CSD Canteen लवकर सुरु करावी अशी मागणी माजी सैनिकांनी केली यावर कमांडर  ब्रिगेडियर श्री. पात्रा यांनी  Grocery Store सुरु करण्याबाबत कार्यवाही होत असल्याचे सांगितले. स्टेशन कमांडर यांनी ECHS साठी नवीन इमारत तयार करणार असल्याचे सांगितले. स्टेशन कमांडर सोबत कर्नल आर. शर्मा व Oic Echs गृप कमांडर रामाकृष्ण उपस्थित होते.

बैठकीचे प्रास्ताविक कल्याण संघटक कमलाकर शेटे यांनी करुन  स्टेशन  कमांडर यांना नांदेडच्या माजी सैनिकांचे समस्याबाबत माहिती दिली. बैठकीस जवळपास 80 माजी सैनिक / विधवा व वीरपत्नी, वीरपीता होते. कार्यालयातील कल्याण संघटक  सतेंद्र चवरे, श्री. कदम यांनी बैठकीचे संयोजन केले.

संगठक चे अध्यक्ष श्री संजय पोतदार, श्री पठान हयुन व श्री देशमुख वेंकट यांनी माजी सैनिकांच्या ECHS  मध्ये येणाऱ्या समस्यां मांडल्या.  विष्णुपूरी येथील ECHS ची नवीन जागेची पाहणी करण्यात आली व सैनिकी मुलांचे वसतीगृह येथे भेट देवून CSD जागेची पाहणी करण्यात आली.

00000

खरीप पीक कर्ज वाटपासाठी

मंडळस्तरावर मेळाव्याचे आयोजन

नांदेड, दि. 15 :- जिल्ह्यातील तालुका उपनिबंधक / सहायक निबंधक सहकारी संस्था यांना आप-आपल्या तालुक्यात मंडळनिहाय कर्ज वाटपाबाबत बँकांच्या मदतीने मेळावे आयोजीत करुन सर्व पात्र शेतकऱ्यांना खरीपासाठी पीक कर्ज उपलब्ध करुन देण्यासाठी आवश्यक ते प्रयत्न करणेबाबत निर्देश जिल्हाधिकारी अरुण डोंगरे यांनी दिले आहेत.

राज्यातील शेतकऱ्यांना खरीप हंगामासाठी आवश्यक पीक कर्ज वाटपात अडचण येऊ नये आणि बँक, प्रशासनाच्या परस्पर सहकार्याने कर्ज वाटप प्रक्रिया जलद व सुकर होण्यासाठी राज्य शासनाकडून सूलभ पीक कर्ज वाटप अभियान राबविण्यात येत आहे. ज्या शेतकऱ्यांना खरीप पीक कर्ज उपलब्ध होण्यामध्ये अडचणी आहेत किंवा मागणी करुनही कर्ज उपलब्ध होत नाही, अशा शेतकऱ्यांनी संबंधित तालुका उपनिबंधक / सहाय्यक निबंधक, सहकारी संस्था कार्यालयाशी संपर्क करण्याचे आवाहन केले आहे.

जिल्हास्तरीय बँकर्स कमिटीच्या बैठकीत सर्व बँकाच्या प्रतिनिधीना जिल्हयातील पात्र शेतकऱ्यांना व कर्जमाफी मिळालेल्या शेतकऱ्यांना खरीपासाठी जलदगतीने पीक कर्ज वाटप करण्याबाबत जिल्हाधिकारी यांनी संबंधीत प्रशासकीय यंत्रणेस आदेश दिले आहेत. तसेच छत्रपती शिवाजी महाराज शेतकरी सन्मान योजना 2017 मध्ये कर्जमाफीचा लाभ मिळालेल्या शेतकऱ्यांना खरीप पीक कर्ज वाटप प्राधान्याने करण्यात यावे अशा सूचना जिल्हाधिकारी श्री डोंगरे यांनी जिल्हा अग्रणी बँकेमार्फत सर्व बँकांना दिल्या आहेत.

नांदेड जिल्हा सुलभ पीक कर्ज वाटप अभियान मेळाव्याचे जून 2018 चे नियोजन
तालुक्याचे नाव	मेळाव्याचे ठिकाण	सहभागी बॅंका	मेळावा दिनांक
किनवट	किनवट	नांदेड जि.म.स.बॅंक	18.6.2018
	मांडवी	स्टेट बॅक ऑफ इंडिया	20.6.2018
	बोधडी बु.	महाराष्ट्र ग्रामीण बॅंक	22.6.2018
	इस्लापूर	महाराष्ट्र ग्रामीण बॅंक	25.6.2018
	सारखणी	स्टेट बॅक ऑफ इंडिया	27.6.2018
	शिवणी	महाराष्ट्र ग्रामीण बॅंक	29.6.2018
नायगाव	नायगाव	नांदेड जि.म.स.बॅंक, स्टेट बॅंक ऑफ इंडिया, महाराष्ट्र ग्रामीण बॅक, बॅंक ऑफ इंडिया	18.6.2018
	नरसी	नांदेड जि.म.स.बॅंक, स्टेट बॅंक ऑफ इंडिया, महाराष्ट्र ग्रामीण बॅक, बॅंक ऑफ इंडिया	20.6.2018
	कुंटूर	नांदेड जि.म.स.बॅंक, महाराष्ट्र ग्रामीण बॅक	22.6.2018
	मांजरम	नांदेड जि.म.स.बॅंक, महाराष्ट्र ग्रामीण बॅक	25.6.2018
हदगाव	हदगाव	नांदेड जि.म.स.बँक	18.6.2018
	तामसा	नांदेड जि.म.स.बँक	20.6.2018
	आष्टी	नांदेड जि.म.स.बँक	22.6.2018
	बरडशेवाळा	नांदेड जि.म.स.बँक	25.6.2018
	मनाठा	नांदेड जि.म.स.बँक	27.6.2018
	निवघा	नांदेड जि.म.स.बँक	29.6.2018
धर्माबाद	धर्माबाद	स्टेट बॅक ऑफ इंडिया	18.6.2018
	धर्माबाद	बँक ऑफ महाराष्ट्र	20.6.2018
	धर्माबाद	महाराष्ट्र ग्रामीण बॅंक	22.6.2018
	येताळा	स्टेट बॅक ऑफ इंडिया	25.6.2018
	करखेली	देना बँक शाखा करखेली	27.6.2018
मुखेड	मुखेड	स्टेट बँक ऑफ इंडिया, सेंट्रल बँक, महाराष्ट्र ग्रामीण बँक,	18.6.2018
	गोजेगाव	स्टेट बँक ऑफ इंडिया,	20.6.2018
	जाहुर	महाराष्ट्र ग्रामीण बँक	22.6.2018
	जांब	महाराष्ट्र ग्रामीण बँक, जिमस बँक	25.6.2018
	मुक्रमाबाद	स्टेट बँक ऑफ इंडिया,महाराष्ट्र ग्रामीण बँक, जिमस बँक	27.6.2018
	चांडोळा	महाराष्ट्र ग्रामीण बँक	28.6.2018
	बेटमोगरा	महाराष्ट्र ग्रामीण बँक, जिमस बँक	29.6.2018
	बा-हाळी	महाराष्ट्र ग्रामीण बँक, जिमस बँक,स्टेट बँक ऑफ इंडिया,	30.6.2018
	आंबुलगा	नांदेड जि.म.स.बॅंक,	26.6.2018
भोकर	भोकर	नांदेड जि.म.स.बॅंक, स्टेट बॅंक ऑफ इंडिया, महाराष्ट्र ग्रामीण बॅक, देना बँक	18.6.2018
	किनी	स्टेट बॅंक ऑफ इंडिया	20.6.2018
	मातूळ	स्टेट बॅंक ऑफ इंडिया	22.6.2018
उमरी	उमरी	नांदेड जि.म.स.बॅंक, स्टेट बॅंक ऑफ इंडिया, बॅंक ऑफ इंडिया	18.6.2018
	गोळेगांव	नांदेड जि.म.स.बॅंक	20.6.2018
अर्धापूर	पांगरी	नांदेड जि.म.स.बॅंक, स्टेट बॅंक ऑफ इंडिया, महाराष्ट्र ग्रामीण बॅक, बॅंक ऑफ इंडिया	18.6.2018
	जांभरुन		20.6.2018
	भोगांव		22.6.2018
मुदखेड	बारड	नांदेड जि.म.स.बॅंक, स्टेट बॅंक ऑफ इंडिया, महाराष्ट्र ग्रामीण बॅक	18.6.2018
	मुदखेड	नांदेड जि.म.स.बॅंक, स्टेट बॅंक ऑफ इंडिया, महाराष्ट्र ग्रामीण बॅक, देना बॅक	20.6.2018
	माळकौठा	नांदेड जि.म.स.बॅंक, देना बॅक	22.6.2018
	मुगट	नांदेड जि.म.स.बॅंक, स्टेट बॅंक ऑफ इंडिया,	25.6.2018
बिलोली	सगरोळी	बँक ऑफ महाराष्ट्रा,नांदेड जि.म.स.	18.6.2018
	कुंडलवाडी	देना बँक, नांदेड जि.म.स., महाराष्ट्र ग्रामीण बँक, स्टेट बॅंक ऑफ इंडिया	20.6.2018
	लोहगांव	स्टेट बॅंक ऑफ इंडिया, महाराष्ट्र ग्रामीण बॅक	22.6.2018
	कासराळी	नांदेड जि.म.स.बॅंक, महाराष्ट्र ग्रामीण बॅक	25.6.2018
हिमायतनगर	हिमायतनगर	नांदेड जि.म.स.	18.6.2018
	सरसम बु.	स्टेट बॅंक ऑफ इंडिया	20.6.2018
	कामारी	महाराष्ट्र ग्रामीण बॅंक	22.6.2018
देगलूर	देगलूर	स्टेट बॅंक ऑफ इंडिया, महाराष्ट्र ग्रामीण बॅक	18.6.2018
	शहापूर	नांदेड जि.म.स.,आय.डी.बी.आय.	20.6.2018
	मरखेल	नांदेड जि.म.स.	22.6.2018
	करडखेड	महाराष्ट्र ग्रामीण बॅंक	25.6.2018
कंधार	कंधार	नांदेड जि.म.स.बॅंक, स्टेट बॅंक ऑफ इंडिया, महाराष्ट्र ग्रामीण बॅक	18.6.2018
	उस्माननगर	नांदेड जि.म.स.बॅंक, महाराष्ट्र ग्रामीण बॅक	20.6.2018
	बारुळ	नांदेड जि.म.स.बॅंक, महाराष्ट्र ग्रामीण बॅक	22.6.2018
	कुरुळा	नांदेड जि.म.स.बँक, आय.डी.बी.आय.	25.6.2018
	पेठवडज	नांदेड जि.म.स.बॅंक,  महाराष्ट्र ग्रामीण बॅक	27.6.2018
	फुलवळ	नांदेड जि.म.स., महाराष्ट्र ग्रामीण बँक,स्टेट बॅंक ऑफ इंडिया	28.6.2018
	दिग्रस बु.	नांदेड जि.म.स.बॅंक,  महाराष्ट्र ग्रामीण बॅक	30.6.2018
लोहा	लोहा	देना बँक, नांदेड जि.म.स., महाराष्ट्र ग्रामीण बँक, स्टेट बॅंक ऑफ इंडिया	18.6.2018
	सोनखेड	नांदेड जि.म.स.बॅक., महाराष्ट्र ग्रामीण बँक, स्टेट बॅंक ऑफ इंडिया	20.6.2018
	मारतळा	नांदेड जि.म.स.बँक, महाराष्ट्र ग्रामीण बँक,बँक ऑफ महाराष्ट्रा	22.6.2018
	माळाकोळी	नांदेड जि.म.स.बॅंक, महाराष्ट्र ग्रामीण बँक	25.6.2018
नांदेड	नवा मोंढा	नांदेड जि.म.स.बॅंक, महाराष्ट्र ग्रामीण बँक	18.6.2018
	नाळेश्वर	नांदेड जि. म. स.बॅंक, व संबंधित बँक	20.6.2018
	मरळक	नांदेड जि. म. स.बॅंक, व संबंधित बँक	22.6.2018
	बाबुळगाव	नांदेड जि. म. स.बॅंक, व संबंधित बँक	25.6.2018
	तरोडा बु.	नांदेड जि. म. स.बॅंक, व संबंधित बँक	27.6.2018
	सांगवी बु.	नांदेड जि. म. स.बॅंक, व संबंधित बँक	29.6.2018
माहूर	माहूर	जिमस बँक, महाराष्ट्र ग्रामीण बँक, एसबीआय,	18.6.2018
	वाई बाजार	महाराष्ट्र ग्रामीण बँक,	20.6.2018

000000