जागतीक उच्च रक्तदाब दिवस साजरा

        नांदेड, दि. 18 :- श्री गुरु गोविंदसिंघजी स्मारक जिल्हा रुग्णालयात जिल्हा शल्य चिकित्सक डॉ. बी. पी. कदम यांचे मार्गदर्शनाखाली जागतीक उच्च रक्तदाब दिवस साजरा करण्यात आला. यावेळी 110 रुग्णांची रक्तदाब तपासणी करण्यात आली. अतिरिक्त जिल्हा शल्य चिकित्सक डॉ. गुंटूरकर यांनी शासकीय रुग्णालयातील मधुमेह व उच्च रक्तदाब मोफत तपासणी व उपचाराबाबत माहिती दिली.

कार्यक्रमाचे संयोजन जिल्हा कार्यक्रम अधिकारी डॉ. दीपकसिंह हजारी, डॉ. व्ही. टी. कुलदिपक, डॉ. एच. के. साखरे, डॉ. अर्चना तिवारी, वैद्यकीय अधिकारी, आरोग्य कर्मचारी यांनी केले.

00000

सैनिकी मुलांचे वसतीगृहात

चौकीदार पदासाठी भरती

        नांदेड, दि. 18 :- सैनिकी मुलांचे वसतीगृह विष्णूपुरी विदयापीठ परिसर, नांदेड येथे कंत्राटी पद्धतीने तात्पुरत्या  स्वरुपात 8 हजार 911 रुपये मानधनावर पुर्णवेळ चौकीदार पदासाठी भरती होणार आहे. पात्रता- उमेदवार हा माजी सैनिक/ इतर नागरीक,  शारीरीक, मानसीकरित्या सुदृढ, लिहीता-वाचता येणे अनिवार्य आहे. राहण्याची सोय वसतीगृहात उपलब्ध आहे. गरजुंनी अर्ज कागदपत्रांसह जिल्हा सैनिक कल्याण कार्यालय, नवीन तहसिल कार्यालय परिसर, चिखलवाडी कॉर्नर, नांदेड येथे बुधवार 30 मे 2018 पर्यत सादर करावीत. अधिक माहितीसाठी 02462-245510 या दुरध्वनीवर संपर्क करावा, असे  आवाहन जिल्हा सैनिक कल्याण अधिकारी मेजर सुभाष सासने यांनी केले आहे.

0000000

स्पर्धा परीक्षेतील यशस्वी उमेदवारांचा

जिल्हा प्रशासनातर्फे रविवारी सत्कार सोहळा  

            नांदेड, दि. 18 :-  युपीएससी व एमपीएससी परीक्षेतील यशस्वीतांचा सत्कार जिल्हा प्रशासनातर्फे रविवारी सकाळी 10.30 वा. डॉ. शंकरराव चव्हाण प्रेक्षागृह येथे आयोजितकरण्यात आला आहे.

स्पर्धा परीक्षाची तयारी करणाऱ्या विद्यार्थ्यांसाठी जिल्हा प्रशासनाच्यावतीने "उज्ज्वल नांदेड" ही माेहिम राबविली जात असून या अंतर्गत नांदेड जिल्हयातील युपीएससी व एमपीएससी या परीक्षेत यशस्वी झालेल्या विद्यार्थ्यांचा सत्कार आयोजित करण्यात येणार आहे. यावेळी या यशस्वी विद्यार्थ्यांचे मार्गदर्शनाचे आयोजन करण्यात आले आहे.

जिल्हाधिकारी अरुण डोंगरे (भा.प्र.से) यांचे अध्यक्षेतेखाली आयोजित केलेल्या या कार्यक्रमास नांदेड परिक्षेत्राचे विशेष पोलिस महानिरीक्षक चिरंजीव प्रसाद (भा.पो.से), पोलिसअधिक्षक चंद्रकिशोर मिना (भा.पो.से), मुख्य कार्यकारी अधिकारी अशोक शिनगारे (भा.प्र.से), मनपा आयुक्त लहुराज माळी (भा.प्र.से), अप्पर जिल्हाधिकारी संतोष पाटील, निवासीउपजिल्हाधिकारी जयराज कारभारी, प्राचार्य आर प्रसाद, प्राचार्य जी. रमेशराव, जिल्हा ग्रंथालय अधिकारी सुनील हुसे यांची प्रमुख उपस्थिती राहणार आहे. या कार्यक्रमास  स्पर्धा परीक्षेचेतयारी करणारे विद्यार्थी, पालक व नागरीकांनी उपस्थित रहावे, असे आवाहन आयोजकाच्यावतीने करण्यात आले आहे.  

या कार्यक्रमास पुढील विद्यार्थ्यांचा सत्कार करण्यात येणार आहे. केंद्रीय लोकसेवा आयोग परीक्षा :- दिग्वीजय बोडके, डॉ. सुयश चव्हाण, रोहन घुगे, श्रीनिवास पाटील, अशिषयेरेकर. MPSC राज्य कर निरीक्षक 2017 (STI ) :- शिवाजी जाकापुरे, कु.नेहा पवार, अमोल किशनराव हनवते, विवेक मधुकरराव क्षिरसागर, योगेश टोंपे, गाडेवाड माणिक रामचंद्र,कु. गिरे मीरा अशोकराव, सुमित्रा मसलगे, महंमद अरीफ, अभिजित देशमुख, अजय वाघमारे, रवी खिल्लारे, मुंजेष कांबळे. MBA –ENT राज्यातून पहिली :- दिव्या गोवर्धन बियाणी,JEE देशातून तिसरा :- पार्थ सतीश लटुरिया MPSC-कृषि सेवा परीक्षा :- विठ्ठल किशनराव मखपल्ले – मंडळ कृषी अधिकारी, कर सहाय्यक परीक्षा :- गंगाधर शेषेराव पाटील,कु.भाग्यश्री गंगाधर मोरे, कु. चंद्रसेना शिवाजी सुर्यवंशी, व्यंकटी नंदकिशोर पुयड, कु.अंजली काळे. पोस्टल असिस्टंट :- लक्ष्मण शिवाजी सोळुंके. मंत्रालय लिपीक परीक्षा-2017 :-कु.चंद्रसेना शिवाजी सुर्यवंशी, सविता गणेशराव मंगरुळे, तेलंगे राजश्री दिगांबर, सुरेखा सटवा आंबेपवाड, ज्योती कावळे, कु.लक्ष्मी चिटटेबोईनवाड, कु.भाग्यश्री कांबळे, काळोजी परसरामशिंदे. पोलीस कॉन्स्टेबल परीक्षा-2018 :-.लक्ष्मण शेन्नेवाड, कु.गायत्री कांबळे, कु.राधाबाई एम.केंद्रे.

---------*--------

कृषी उत्पन्न बाजार समिती निवडणूक

आरक्षण सोडतीचे आज आयोजन  

संबंधितांनी उपस्थित राहण्याचे आवाहन

        नांदेड, दि. 18 :- मुदखेड व धर्माबाद कृषी उत्‍पन्‍न बाजार समितीच्‍या निवडणूककामी बाजार क्षेत्रातील आरक्षण सोडत जिल्‍हाधिकारी तथा जिल्‍हा निल्‍हा ामीी ‍पन्‍न बाजार समिती -------------------------------------------------------------------------

वडणूक अधिकारी (कृउबास) यांचे अध्‍यक्षतेखाली शनिवार 19 मे 2018 रोजी सकाळी 11 वा. बचत भवन जिल्‍हाधिकारी कार्यालय नांदेड काढण्‍यात येणार आहे. सर्व संबंधीत व्‍यक्‍तींनी सदर आरक्षण सोडतीस उपस्थित राहावे, असे आवाहन जिल्‍हा निवडणूक अधिकारी (कृउबास) तथा जिल्‍हाधिकारी नांदेड यांनी केले आहे.

राज्‍य सहकारी निवडणूक प्राधिकरण महाराष्‍ट्र राज्‍य पुणे यांचे आदेशान्वये कृषी उत्‍पन्‍न बाजार समितीच्‍या निवडणुकीकरीता जिल्‍हाधिकारी नांदेड यांना जिल्‍हा निवडणूक अधिकारी (कृउबास) म्‍हणून घोषीत केले आहे. त्‍यानुषंगाने दिनांक 31 डिसेंबर 2017 अखेर मुदत संपणाऱ्या नांदेड जिल्‍ह्यातील मुदखेड व धर्माबाद कृषी उत्‍पन्‍न बाजार समितीची निवडणूक प्रक्रीया घेण्‍याचे प्राधिकरणाचे निर्देश आहेत.

            मुदखेड कृषी उत्‍पन्‍न बाजार समितीच्‍या कार्यक्षेत्रात एकुण 17 गावे समाविष्‍ट असून धर्माबाद कृषी उत्‍पन्‍न बाजार समितीच्‍या कार्यक्षेत्रात एकुण 56 गावे समाविष्‍ट आहेत. राज्‍य सहकारी निवडणूक प्राधिकरण पुणे यांचे दिनांक 5 डिसेंबर 2017 च्‍या आदेशानुसार गावातील गावनिहाय खातेदारांची संख्‍या विचारात घेवून सदर गावाचे एकुण 15 गणांमध्ये (विभाग) विभाजन करून महाराष्‍ट्र कृषी उत्‍पन्‍न पणन (विकास व विनियमन) अधिनियम 1963 चे कलम 13 (1) मधील तरतूदीनूसार 15 गणापैकी महिलांसाठी – 2 गण,  इतर मागासवर्गीयांसाठी – 1 गण, विमुक्‍त जाती / भटक्‍या जमाती साठी – 1 गण, अनुसूचित जाती / अनुसूचित जमातीसाठी 1 गण असे एकुण 5 गणांचे आरक्षण लॉटरी पध्‍दतीने जाहीर करावे. तसेच गणाचे आरक्षण काढताना संबंधीत बाजार क्षेत्रातील  लोकसभा / राज्‍यसभा सदस्‍य,  विधानसभा / विधानपरिषद सदस्‍य, जिल्‍हा परिषद सदस्‍य, पंचायत समिती पदाधिकारी, संबंधीत बाजार समितीचे पदाधिकारी यांचे उपस्थितीत जाहीर करण्‍याचे निर्देश आहेत.

        त्यानुषंगाने मुदखेड व धर्माबाद कृषी उत्‍पन्‍न बाजार समितीच्‍या निवडणूककामी बाजार क्षेत्रातील आरक्षण सोडत जिल्‍हाधिकारी तथा जिल्‍हा निल्‍हा ामीी ‍पन्‍न बाजार समिती -------------------------------------------------------------------------

वडणूक अधिकारी (कृउबास) यांचे अध्‍यक्षतेखाली दिनांक 19 मे 2018 रोजी सकाळी 11 वा. बचत भवन जिल्‍हाधिकारी कार्यालय नांदेड काढण्‍यात येणार असून उपरोक्‍त सर्व सन्‍माननीय व्‍यक्‍तींना सदर आरक्षण सोडतीस उपस्थित राहण्‍याचे जिल्‍हा निवडणूक अधिकारी (कृउबास) तथा जिल्‍हाधिकारी नांदेड यांनी आवाहन केले आहे.

0000000

पालकमंत्री रामदास कदम यांचा दौरा

        नांदेड, दि. 18 :- राज्याचे पर्यावरण मंत्री तथा नांदेड जिल्ह्याचे पालकमंत्री रामदास कदम हे नांदेड दौऱ्यावर येत असून त्यांचा दौरा कार्यक्रम पुढील प्रमाणे राहील.

            सोमवार 21 मे 2018 रोजी औरंगाबाद येथुन शासकीय वाहनाने सकाळी 10 वा. नांदेड शासकीय विश्रामगृह येथे आगमन व राखीव. सकाळी 11.30 वा. अधिकाऱ्यांसमवेत आढावा बैठक. दुपारी 12.30 ते 2 वाजेपर्यंत जिल्हा नियोजन विकास (डीपीडीसी) बैठक. स्थळ- नियोजन भवन, मुख्य सभागृह जिल्हाधिकारी कार्यालय नांदेड. दुपारी 2 वा. शासकीय वाहनाने जालनाकडे प्रयाण करतील.

000000