सुधारीत वृत्त क्र. 433

हिशोब पत्रके सादर न करणाऱ्या

संस्थांची तीसरी यादी प्रसिद्ध ;

विश्वस्तांना खुलासा सादर करण्याचे आवाहन

नांदेड दि. 4 :- संस्था नोंदणी क्र. एफ 9 हजार 568 ते एफ 14 हजार पर्यंतच्या संस्थेनी संस्था स्थापन केल्यापासून हिशोब पत्रके दाखल केली नाहीत, त्या संस्थेची नोंदणी रद्द करण्यासाठी तिसरी यादी प्रसिद्ध करण्यात आली आहे. संबंधीत संस्थेच्या विश्वस्तांनी प्रसिद्ध केलेल्या यादीचे निरीक्षण करुन संस्थेची नोंदणी का रद्द करण्यात येऊ नये, याबाबत खुलासा दिलेल्या तालुकाच्या दिवशी व कार्यालयातील न्याय कक्षात प्रत्यक्ष उपस्थित राहून अथवा वकिलामार्फत सकाळी 11 वा. सादर करावा, असे आवाहन धर्मादाय उपआयुक्त सौ. प्रणिता श्रीनीवार यांनी केले आहे.

संस्थेची यादी कार्यालयाच्या नोटीस बोर्ड व संकेतस्थळावर प्रकाशीत केली आहे. संस्था नोंदणी रद्द करण्याची मोहिम तीनही न्याय शाखेत 9 जुलै 2018 पर्यंत राबविण्यात येणार आहे. संबंधितांनी सुनावणीच्यावेळी सबळ पुराव्यासह आपले म्हणणे मांडण्यासाठी उपस्थित रहावे. अन्यथा गैरहजर राहिल्यास आपले काहीही म्हणणे नाही, असे गृहित धरुन आपली संस्था नोंदणी रद्द करण्यासंबंधी नियमानुसार कार्यवाही करण्यात येणार आहे, असेही प्रसिद्ध पत्रकात नमूद केले आहे.

0000000

केंद्रीय सामाजिक न्याय राज्यमंत्री

रामदास आठवले यांचा दौरा

नांदेड, दि. 4 :- केंद्रीय सामाजिक न्याय व सशक्तीकरण राज्यमंत्री रामदास आठवले हे नांदेड दौऱ्यावर येत असून त्यांचा दौरा कार्यक्रम पुढील प्रमाणे राहील.

बुधवार 6 जून 2018 रोजी मुंबई येथून दुपारी 2.30 वा. नांदेड विमानतळ येथे आगमन व वाहनाने शासकीय विश्रामगृह नांदेडकडे प्रयाण. दुपारी 3.15 वा. शासकीय विश्रामगृह नांदेड येथे पत्रकार परिषद. दुपारी 3.30 वा. शासकीय विश्रामगृह नांदेड येथून वाहनाने कळमनुरी जि. हिंगोलीकडे प्रयाण करतील.     

00000

वित्त मंत्री सुधीर मुनगंटीवार यांचा दौरा

नांदेड, दि. 4 :-  राज्याचे वित्त आणि नियोजन, वने मंत्री सुधीर मुनगंटीवार हे नांदेड दौऱ्यावर येत असून त्यांचा दौरा कार्यक्रम पुढील प्रमाणे राहील.

बुधवार 6 जून 2018 रोजी मुंबई येथुन विमानाने सकाळी 8 वा. नांदेड विमानतळ येथे आगमन व मोटारीने परळी वैजनाथ जि. बीडकडे प्रयाण करतील. औंढा नागनाथ जि. हिंगोली येथून मोटारीने सायं. 6 वा. नांदेड विमानतळ येथे आगमन व शासकीय विमानाने नागपूरकडे प्रयाण करतील.

00000

मुदखेड, धर्माबाद कृ. उ. बा. समिती निवडणूक

मतदार यादी 6 जून रोजी प्रसिद्ध होणार ;

 आक्षेप असल्यास नोंदविण्याचे आवाहन    

नांदेड दि. 4 :-  मुदखेड व धर्माबाद कृषि उत्पन्न बाजार समितीच्या कार्यक्षेत्रातील प्रारुप मतदार यादी बुधवार 6 जून 2018 रोजी प्रसिध्द‍ करण्यात येणार आहे. या मतदार यादीत आक्षेप असल्यास शुक्रवार 15 जून 2018 पर्यंत कार्यालयीन वेळेत (सुट्टीचे दिवस वगळून)  जिल्हा निवडणूक अधिकारी तथा जिल्हाधिकारी (कृउबास) यांचे कार्यालय सामान्य शाखा-1 येथे लेखी स्वरुपात स्विकारण्यात येणार आहेत. आक्षेप कालावधी संपल्यानंतर प्राप्त होणारे आक्षेप विचारात घेतले जाणार नाहीत, असे आवाहन जिल्हा निवडणूक अधिकारी (कृउबास) तथा जिल्हाधिकारी नांदेड यांनी केले आहे.

राज्य सहकारी निवडणूक प्राधिकरण पुणे यांचे आदेशान्वये 31 डिसेंबर 2017 अखेर मुदत संपणाऱ्या मुदखेड व धर्माबाद कृषी उत्पन्न बाजार समितीची निवडणूक प्रक्रीया सुरु करण्यात आली असून आरक्षण जाहीर करण्यात आले आहे. या निवडणुकीसाठी प्रारुप शेतकरी व हमाल / मापाडी व व्यापारी मतदारसंघाची यादी बुधवार 6 जून  रोजी जिल्हाधिकारी कार्यालय, जिल्हा उपनिबंधक सहकारी संस्था नांदेड व संबंधीत कृषि उत्पन्न बाजार समितीच्या नोटीस बोर्डावर गणनिहाय प्रसिद्ध करण्यात येत आहे. त्याचा कार्यक्रम पुढील प्रमाणे राहील.

धर्माबाद कृषि उत्पन्न बाजार समिती :- प्रारुप मतदार यादी बुधवार 6 जून 2018 सकाळी 11 वा. जिल्हाधिकारी नांदेड, जिल्हा उपनिबंधक सहकारी संस्था नांदेड, कृषि उत्पन्न बाजार समिती धर्माबाद यांचे सुचना फलकावर प्रसिध्द करण्यात येणार आहे. प्रारुप मतदार यादीवर 6 ते 15 जून 2018 कार्यालयीन वेळेत (सुट्टीचे दिवस वगळून) जिल्हाधिकारी नांदेड यांचे कार्यालय, तीसरा मजला सामान्य शाखा एक येथे हरकती स्विकारण्यात येणार आहेत. प्राप्त हरकतीवर सुनावणी 18 जून 2018 सकाळी 11 वा. जिल्हाधिकारी नांदेड यांचे कार्यालयात. आलेल्या हरकतीवर निर्णय 25 जून 2018 रोजी दुपारी 4 वा. जिल्हाधिकारी नांदेड यांचे कार्यालय देण्यात येणार आहे. अंतिम मतदार यादी 29 जून 2018 रोजी सकाळी 11 वा. जिल्हाधिकारी नांदेड, जिल्हा उपनिबंधक सहकारी संस्था नांदेड, कृषि उत्पन्न बाजार समिती धर्माबाद यांचे सुचना फलकावर प्रसिध्द करण्यात येणार आहे.

मुदखेड कृषि उत्पन्न बाजार समिती :- प्रारुप मतदार यादी 6 जून 2018 सकाळी 11 वा. जिल्हाधिकारी नांदेड, जिल्हा उपनिबंधक सहकारी संस्था नांदेड, कृषि उत्पन्न बाजार समिती मुदखेड यांचे सुचना फलकावर प्रसिध्द करण्यात येणार आहे. प्रारुप मतदार यादीवर हरकती 6 ते 15 जून 2018 या कालावधीत कार्यालयीन वेळेत (सुट्टीचे दिवस वगळून) जिल्हाधिकारी नांदेड यांचे कार्यालय, 3 रा मजला सामान्य शाखा - 1  येथे स्विकारण्यात येणार आहेत. प्राप्त हरकतीवर सुनावणी 22 जून 2018 रोजी सकाळी 11 वा. जिल्हाधिकारी नांदेड यांचे कार्यालयात. आलेल्या हरकतीवर निर्णय देणे 25 जून 2018 रोजी दुपारी 4 वा. जिल्हाधिकारी नांदेड यांचे कार्यालयात. अंतिम मतदार यादी 29 जून 2018 रोजी सकाळी 11 वा. जिल्हाधिकारी नांदेड, जिल्हा उपनिबंधक सहकारी संस्था नांदेड, कृषि उत्पन्न बाजार समिती मुदखेड यांचे सुचना फलकावर प्रसिध्द करण्यात येणार आहे. असे प्रसिद्धी पत्रकात नमूद केले आहे.

00000