जिल्ह्यात गत 24 तासात सरासरी 19.70 मि.मी. पाऊस

नांदेड (जिमाका) दि. 21 :- जिल्ह्यात गुरुवार 21 जुलै रोजी सकाळी 8.20 वा. संपलेल्या गत 24 तासात सरासरी 19.70 मिलीमीटर पावसाची नोंद झाली असून जिल्ह्यात एकुण 654.80 मिलीमीटर पाऊस झाला आहे.

 
जिल्ह्यात गुरुवार 21 जुलै 2022 रोजी सकाळी संपलेल्या गत 24 तासात झालेला पाऊस मिलीमीटरमध्ये तालुकानिहाय पुढील प्रमाणे, कंसात एकूण पाऊस : नांदेड-12 (632.20), बिलोली-16.70(692), मुखेड- 27.70 (608.20), कंधार-12.80 (640.40), लोहा-11.70 (596.20), हदगाव-11.20 (599.70), भोकर-36.90 (767.10), देगलूर-26.70 (579.10), किनवट-13 (666.50), मुदखेड- 19.70 (828.70), हिमायतनगर-21 (846.30), माहूर- 4.90 (552.20), धर्माबाद- 46.60 (709.40), उमरी- 43(818.60), अर्धापूर- 9 (616.80), नायगाव-20.50 (603.50) मिलीमीटर आहे.

00000

 नांदेड जिल्ह्यात 9 व्यक्ती कोरोना बाधित

 

नांदेड (जिमाका) दि. 21 :- जिल्ह्यात आज प्राप्त झालेल्या 145 अहवालापैकी आरटीपीसीआर तपासणीद्वारे नांदेड मनपा 7, अर्धापूर 1, किनवट 1 असे एकूण 9 अहवाल कोरोना बाधित आढळले आहेत. जिल्ह्यात आजवर एकुण बाधितांची संख्या 1 लाख 3 हजार 59 एवढी झाली असून यातील 1 लाख 312 रुग्णांना उपचारानंतर बरे झाल्याने रुग्णालयातून सुट्टी देण्यात आलेली आहे. आजच्या घडीला 55 रुग्ण उपचार घेत आहेत.

 

जिल्ह्यात आतापर्यंत बाधित मृत रुग्णांची संख्या 2 हजार 692 एवढी आहे. नांदेड मनपा अंतर्गत गृह विलगीकरणात 7  व नांदेड जिल्ह्यातील तालुक्यातर्गंत गृह विलगीकरणातील 6 असे एकूण 13 रुग्णाला उपचारानंतर बरे झाल्याने सुट्टी देण्यात आली. नांदेड जिल्ह्यातील तालुक्याअंतर्गत गृह विलगीकरण 19, नांदेड मनपा अंतर्गत गृहविलगीकरणातील 30, शासकीय वैद्यकीय महाविद्यालय विष्णुपुरी 5, अश्विनी हॉस्पिटल 1 असे एकुण 55 व्यक्ती उपचार घेत आहेत.

 

जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत सहभाग घ्यावा. याचबरोबर मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

 

जिल्ह्याची कोरोना संशयित व कोविड बाधितांची संक्षिप्त माहिती.

एकुण घेतलेले स्वॅब- 9 लाख 11 हजार 455
एकुण निगेटिव्ह स्वॅब- 7 लाख 91 हजार 31
एकुण पॉझिटिव्ह बाधित व्यक्ती- 1 लाख 3 हजार 59
एकूण रुग्णालयातून सुट्टी दिलेली संख्या- 1 लाख 312
एकुण मृत्यू संख्या-2 हजार 692
उपचारानंतर बाधित रुग्ण बरे होण्याचे प्रमाण 97.33 टक्के
आज स्वॅब तपासणी अनिर्णीत संख्या-3
आज स्वॅब नाकारण्यात आलेली संख्या- 2
आज प्रलंबित स्वॅब तपासणी संख्या-निरंक
रुग्णालयात उपचार घेत असलेले बाधित व्यक्ती-55
आज रोजी अतिगंभीर प्रकृती असलेले-निरंक.
0000

 जिल्हा कौशल्य विकास कार्यकारी समितीची बैठक संपन्न 

नांदेड (जिमाका) दि. 21 :- जागतिक युवा कौशल्य दिनानिमित्त जिल्हा कौशल्य विकास कार्यकारी समितीची बैठक जिल्हाधिकारी कार्यालयात नुकतीच संपन्न झाली. या बैठकीत जिल्हयातील विविध कौशल्य विकास योजनेबद्दल आढावा घेण्यात आला. मुख्यमंत्री महाआरोग्य कौशल्य विकास कार्यक्रमातर्गंत उत्कृष्ट कार्य करणारे डॉ. शंकरराव चव्हाण शासकीय वैद्यकिय महाविद्यालयाचे अधिष्ठाता डॉ. पी. टी. जमदाडे, उपअधिष्ठाता हेमंत व्ही. गोडबोले, सहायक प्राध्यापक डॉ. आय. एफ. इनामदार व शासकीय आयुर्वेदिक महाविद्यालय व रूग्णालयाचे अधिष्ठाता डॉ. यशवंत राजपाल पाटील, आरएमओ डॉ. मंजुषा यशवंत पाटील, डॉ.शितल ओमकारसिंग चव्हाण, सहायक प्राध्यापक डॉ. दिपाली रमाकांत शेरेकर, सहयोगी प्राध्यापक डॉ. प्रसाद देशपांडे यांचा जिल्हाधिकारी डॉ. विपीन इटनकर यांच्या हस्ते गौरव करण्यात आला. या योजनेअंतर्गत प्रशिक्षण घेतलेल्या प्रशिक्षणार्थ्यांना जिल्हाधिकारी डॉ. इटनकर यांच्या हस्ते प्रमाणपत्र देण्यात आले.

या बैठकीस पंचायत समितीचे उपमुख्य कार्यकारी अधिकारी एन.आर.केंद्रे, महानगरपालिकेचे उपआयुक्त पंजाब खानसोळे, उपमुख्य कार्यकारी अधिकारी श्रीमती रेखा काळम, सहायक आयुक्त श्रीमती रेणुका तम्मलवार, औद्योगिक प्रशिक्षण संस्थेचे प्राचार्य एम.एस.बिरादार, जिल्हा उपनिबंधक डॉ.मुकेश बाऱ्हाते, मर्चन्ट ॲण्ड इंडीयन असोसीएशनचे अध्यक्ष हर्षद शाह, महिला आर्थिक विकास महामंडळाचे जिल्हा समन्वयक अधिकारी सी.आर.राठोड, आत्मा कार्यालयाचे आर.बी.चलवदे, जिल्हा कौशल्य विकास कार्यकारी समितीचे सदस्य यांची उपस्थित होती.

0000

“हर घर तिरंगा” उपक्रमात

उर्त्स्फूत सहभाग घेण्याचे आवाहन

- उपप्रादेशिक परिवहन अधिकारी अविनाश राऊत

नांदेड (जिमाका) दि. 21 :- स्वातंत्र्याचा अमृत महोत्सवा निमित्त "हर घर तिरंगा" उपक्रम प्रादेशिक परिवहन अधिकारी शैलेश कामत यांच्या मार्गदर्शनाखाली राबविण्यात येत आहे. या उपक्रमाचे उद्घाटन नुकतेच प्रादेशिक परिवहन कार्यालयात उपप्रादेशिक परिवहन अधिकारी अविनाश राऊत यांच्या हस्ते संपन्न झाले. यावेळी त्यांनी "हर घर तिरंगा" या उपक्रमात जास्तीत जास्त नागरिकांनी सहभाग घ्यावा असे सांगितले. ज्यामुळे नांदेड जिल्ह्याचा नाव लौकीक होईल. तसेच याबाबतची नोंद https://harghartirangananded.in या संकेतस्थळावर करावी, असे आवाहन उपप्रादेशिक परिवहन अधिकारी अविनाश राऊत केले.

सहा. प्रादेशिक परिवहन अधिकारी संदिप निमसे यांनी “हर घर तिरंगा” या उपक्रमासाठी 100 भारतीय ध्वज देणगी स्वरुपात वितरणासाठी उपलब्ध करुन दिले. यावेळी कार्यालयात अनुज्ञप्ती व इतर कामांसाठी आलेल्या नागरिकांमध्ये ध्वज वाटप करण्यात आले. विक्रीसाठी ध्वज प्रादेशिक परिवहन कार्यालयात महिला आर्थिक विकास महामंडळ नांदेड (महाराष्ट्र शासन अंगीकृत) चे सावित्री महिला लोक संचलित साधन केंद्र नांदेड यांच्यामार्फत उपलब्ध करुन देण्यात आलेले आहेत. या कार्यक्रमास कार्यालयातील सर्व अधिकारी, कर्मचारी व नागरिकांची उपस्थिती होती.

0000

 सरदार पटेल राष्ट्रीय ऐक्य पुरस्कारासाठी अर्ज करण्याचे आवाहन 

नांदेड (जिमाका) दि. 21 :- सरदार पटेल राष्ट्रीय एकता दिन 31 ऑक्टोबर 2022 रोजी साजरा करण्यात येतो. देशाचे ऐक्य व अखंडता या क्षेत्रात काम करणाऱ्या व योगदान देणाऱ्या आणि उल्लेखनिय कामगिरी करणाऱ्या व्यक्ती/संस्थाना राष्ट्रीय एकता दिनाच्या दिवशी सरदार पटेल राष्ट्रीय ऐक्य पुरस्कार देण्यात येणार आहे. त्याअनुषंगाने सरदार पटेल राष्ट्रीय एकता पुरस्कार सन 2022 साठी ऑनलाईन अर्ज 31 जुलै पर्यंत मागविण्यात आले आहे. या प्रस्तावाबाबत संपूर्ण माहिती www.awards.gov.in चे वेबसाईट वर उपलब्ध आहे.  राष्ट्रीय एकता आणि एकात्मता निर्माण करण्यासाठी ज्यांनी कार्य केले किंवा सशक्त भारत निर्माणात सहभाग असलेल्या व्यक्ती, संस्था व  संघटनानी अर्ज करावा, असे आवाहन जिल्हा महिला व बाल विकास अधिकारी मिलिंद वाघमारे यांनी केले आहे.

0000

अनुकंपा तत्वावरील नियुक्तीसाठी

181 पात्र उमेदवारांची सुधारीत यादी प्रसिद्ध 

नांदेड (जिमाका) दि. 21 :-जिल्हा परिषद सामान्य प्रशासन विभागाने अनुकंपा तत्वावरील नियुक्तीसाठी 181 पात्र उमेदवारांची यादी www.zpnanded.in या संकेतस्थळावर आणि जिल्हा परिषदेच्या सर्व पंचायत समिती कार्यालयातील नोटीस बोर्डावर प्रसिध्द करण्यात आली आहे. याची संबंधित उमेदवारांनी नोंद घ्यावी, असे जिल्हा परिषदेचे उपमुख्य कार्यकारी अधिकारी (सामान्य) सुधीर ठोंबरे यांनी कळविले आहे. 

दिनांक 30 जुन 2022 अखेर पर्यंत प्राप्त झालेल्या कागदपत्रांची पुतर्ता करून यादी प्रसिद्ध करण्यात आली आहे. घोषित केलेल्या यादीतील ज्या उमेदवारांच्या प्रस्तावात काही त्रुटी किंवा आक्षेप असल्यास संबंधित अनुकंपाधारकांनी शुक्रवार 29 जुलै 2022 पर्यंत आपले म्हणणे लेखी पुराव्यासह जिल्हा परिषद सामान्य प्रशासन विभागास समक्ष अथवा dyceogadzpnanded@gmail.com वर सादर करावे. मुदतीनंतर प्राप्त झालेल्या आक्षेपाचा विचार करण्यात येणार नाही याची उमेदवारांनी नोंद घ्यावी, असे जिल्हा परिषद सामान्य प्रशासन विभागाने प्रसिद्धी पत्रकाव्दारे कळविले आहे.

0000

 नदीकाठच्या गावांना सतर्कतेचा इशारा 

नांदेड (जिमाका) दि. 21 :- शंकररावजी चव्हाण विष्णुपुरी प्रकल्प आज 21 जुलै रोजी 70 टक्के क्षमतेने भरला आहे. धरणाच्या पाणलोट क्षेत्रात चालू असलेल्या सततच्या पावसामुळे प्रकल्पाच्या पाणी पातळीत वाढ होत आहे. बंधाऱ्यात येणाऱ्या पाण्याची आवक लक्ष्यात घेता विष्णुपुरी बंधाऱ्याचा एक दरवाजा विसर्ग 346 क्यमेक्स (12218 क्युसेस) विसर्ग सकाळी 10 वाजता नदीपात्रात सोडण्यात आला आहे. 

विष्णुपुरी बंधाऱ्याच्या खालच्या बाजूस असणाऱ्या सर्व गावातील नागरिकांच्या मालमत्तेचे, जीवीताचे, पशुधनाचे, वीटभट्टी साहित्य, इतर कोणतीही हानी होणार नाही यासाठी नदीकाठच्या गावातील नागरिकांनी सतर्क रहावे, असे आवाहन शंकररावजी चव्हाण विष्णुपुरी प्रकल्प बंधारा असर्जनचे पूर नियंत्रण अधिकारी यांनी केले आहे.

0000

पिक विमा योजनेत सहभागी होण्यासाठी

शेतकऱ्यांनी अंतिम मुदतीची वाट पाहू नये

- जिल्हाधिकारी डॉ. विपीन इटनकर 

नांदेड (जिमाका) दि. 21 :- प्रधानमंत्री पिक विमा योजना खरीप हंगाम सन 2022-23 अंतर्गत पिक विमा भरणे सुरु आहे. विमा कंपनीचा सुधारीत टोल फ्री क्रमांक 18002337414 हा आहे. पिक विमा भरण्याची अंतिम रविवारी 31 जुलै 2022 आहे. यामध्ये कोणत्याही प्रकारची मुदतवाढ मिळणार नाही. शेतकऱ्यांनी शेवटच्या दिवसांची वाट न बघता पिक विमा योजनेमध्ये सहभागी व्हावे, असे आवाहन जिल्हाधिकारी डॉ. विपीन इटनकर यांनी केले आहे.

मागील काही वर्षांचा अनुभव बघता पिक विमा नोंदीच्या शेवटच्या हप्त्यामध्ये शेतकऱ्यांची गर्दी होते. परिणामी पिक विमा पोर्टलवर प्रचंड ताण येऊन पोर्टल हळू होते किंवा पिक विमा भरतांना अडचणी येतात. त्यामुळे सर्व शेतकरी बांधवानी पिक विमा नोंदीच्या अंतिम मुदतीची वाट न बघता आपले जवळचे ग्राहक सेवा केंद्रामध्ये, बॅकेमध्ये किंवा स्वत: शेतकरी यांनी पिक विमा पोर्टलवर पिक विमा उतरवून घ्यावा.

पिक विमा नोंदणी ग्राहक सेवा केंद्रामध्ये विनाशुल्क केल्या जाते. त्यामुळे शेतकऱ्यांनी शेतकरी विमा हप्त्या व्यतिरिक्त (झेरॉक्स ई. खर्च वगळून) ज्यादा रक्कम शुल्क म्हणून ग्राहक सेवा केंद्र चालकास देऊ नये. तसेच ग्राहक सेवा केंद्रामध्ये सी.एस.सी. लॉग इन मधुन पिक विमा नोंदणी करतांना अडचणी येत असल्यांस शेतकऱ्यांनी पिक विमा पोर्टलवर शेतकरी लॉग इन मधुन पिक विमा नोंदवावा. नांदेड जिल्ह्यामध्ये सन 2022-23 साठी युनायटेड इंडिया जनरल इंन्शुरन्स कंपनीची निवड झाली असुन कंपनीमार्फत जिल्हास्तरावर व तालुकास्तरावर विमा प्रतिनिधीची नियुक्ती करुन कार्यालये स्थापन केले आहे.

युनाइटेड जनरल इन्शुरन्सं कंपनीचे तालुकानिहाय प्रतिनिधीचे नाव, पदनाम, संपर्क क्रमांक, कार्यालयाचा पत्ता पुढीलप्रमाणे आहे. नांदेड तालुक्यासाठी जिल्हा प्रतिनिधी म्हणून रवी थोरात यांचा संपर्क क्रमांक 9637549394 हा असून त्यांचे कार्यालयाचा पत्ता पार्डीकर कॉम्प्लेक्स, व्हिआयपी रोड, कृषि उत्पन्न बाजार समिती जवळ, नवा मोंढा नांदेड हा आहे. नांदेड तालुक्यासाठी तालुका प्रतिनिधी म्हणून महेश हिंगोले यांचा संपर्क क्रमांक 9373260081 हा असून त्यांचे कार्यालयाचा पत्ता पार्डीकर कॉम्प्लेक्स, व्हिआयपी रोड, कृषि उत्पन्न बाजार समिती जवळ, नवा मोंढा, नांदेड हा आहे. अर्धापूर तालुक्यासाठी तालुका प्रतिनिधी म्हणून नितीन किन्हाळकर यांचा संपर्क क्रमांक 7385227556 हा असून त्यांचे कार्यालयाचा पत्ता स्वराज कॉम्प्लेक्स, तामसा कॉर्नर, कवठेकर दवाखाना अर्धापूर हा आहे. लोहा तालुक्यासाठी तालुका प्रतिनिधी म्हणून अवधुत पाटील यांचा संपर्क क्रमांक 8999647728 हा असून त्यांचे कार्यालयाचा पत्ता कलावती वे ब्रीज जवळ, मुक्ताई नगर मुख्य रस्ता लोहा हा आहे. कंधार तालुक्यासाठी तालुका प्रतिनिधी म्हणून पदमाकर अवळे यांचा संपर्क क्रमांक 7020835815 हा असून त्यांचे कार्यालयाचा पत्ता विजयगड बसस्टॅड जवळ कंधार हा आहे. मुखेड तालुक्यासाठी तालुका प्रतिनिधी म्हणून ज्ञानेश्वर हराळे यांचा संपर्क क्रमांक 8600408454 हा असून त्यांचे कार्यालयाचा पत्ता श्रीकृष्ण निवास, महाजन पेट्रोल पंपाजवळ, लातुर रोड, मुखेड हा आहे. देगलूर तालुक्यासाठी तालुका प्रतिनिधी म्हणून राजेश चिखलीकर यांचा संपर्क क्रमांक 9421702921 हा असून त्यांचे कार्यालयाचा पत्ता रामपुर रोड, जुन्या बसस्टँड जवळ, देगलूर हा आहे. बिलोली तालुक्यासाठी तालुका प्रतिनिधी म्हणून सुनिल शिंदे यांचा संपर्क क्रमांक 7620837020 हा असून त्यांचे कार्यालयाचा पत्ता बरबडे निवास, सावली रोड बिलोली हा आहे. हदगाव तालुक्यासाठी तालुका प्रतिनिधी म्हणून गोपिनाथ थोरात यांचा संपर्क क्रमांक 9623168961 हा असून त्यांचे कार्यालयाचा पत्ता सारडा कॉम्प्लेक्स, पोलिस स्टेशन जवळ, दत्त बर्डी रोड, हदगाव हा आहे. माहूर तालुक्यासाठी तालुका प्रतिनिधी म्हणून रामदास धोतरे यांचा संपर्क क्रमांक 9579762194 हा असून त्यांचे कार्यालयाचा पत्ता मध्यवर्ती बँकेच्या पाठीमागे, कपिल नगर, माहुर हा आहे.

उमरी तालुक्यासाठी तालुका प्रतिनिधी म्हणून दिपक मस्के यांचा संपर्क क्रमांक 9763237313 हा असून त्यांचे कार्यालयाचा पत्ता यशवंत विद्यालयाच्या पाठीमागे, व्यंकटेशनगर, उमरी हा आहे. धर्माबाद तालुक्यासाठी तालुका प्रतिनिधी म्हणून रामराव रेगें यांचा संपर्क क्रमांक 9890019530 हा असून त्यांचे कार्यालयाचा पत्ता मोंढा रोड, धर्माबाद हा आहे. नायगाव तालुक्यासाठी तालुका प्रतिनिधी म्हणून विशाल बद्रे यांचा संपर्क क्रमांक 8888206070 हा असून त्यांचे कार्यालयाचा पत्ता व्यंकटेश नगर, शेळगाव रोड, नायगाव हा आहे. किनवट तालुक्यासाठी तालुका प्रतिनिधी म्हणून विजय निलगिरवार यांचा संपर्क क्रमांक 9604782844 हा असून त्यांचे कार्यालयाचा पत्ता दुकान नं. 6 कान्हा कॉम्प्लेक्स, जिजामाता चौक, मेन रोड किनवट हा आहे. भोकर तालुक्यासाठी तालुका प्रतिनिधी म्हणून सुरेश दवणे यांचा संपर्क क्रमांक 9423800386 हा असून त्यांचे कार्यालयाचा पत्ता रुद्रा ॲटोमोबाईल्सच्या जवळ, किनवट रोड भोकर हा आहे. हिमायतनगर तालुक्यासाठी तालुका प्रतिनिधी म्हणून सचिन घुले यांचा संपर्क क्रमांक 7875063660 हा असून त्यांचे कार्यालयाचा पत्ता डॉ. कदम हॉस्पीटलच्या जवळ हुतात्मा कॉलेज रोड हिमायतनगर हा आहे. मुदखेड तालुक्यासाठी तालुका प्रतिनिधी म्हणून नितीन शिराढोणकर यांचा संपर्क क्रमांक 8459671706 हा असून त्यांचे कार्यालयाचा पत्ता न्यायालयाच्या जवळ, शिवाजीनगर मुदखेड हा आहे. याबाबत जिल्ह्यातील सर्व शेतकऱ्यांनी नोंद घ्यावी, असेही आवाहन जिल्हा अधिक्षक कृषि अधिकारी कार्यालयाने केले आहे.

00000