सरदार पटेल राष्ट्रीय ऐक्य पुरस्कारासाठी अर्ज करण्याचे आवाहन 

नांदेड (जिमाका) दि. 21 :- सरदार पटेल राष्ट्रीय एकता दिन 31 ऑक्टोबर 2022 रोजी साजरा करण्यात येतो. देशाचे ऐक्य व अखंडता या क्षेत्रात काम करणाऱ्या व योगदान देणाऱ्या आणि उल्लेखनिय कामगिरी करणाऱ्या व्यक्ती/संस्थाना राष्ट्रीय एकता दिनाच्या दिवशी सरदार पटेल राष्ट्रीय ऐक्य पुरस्कार देण्यात येणार आहे. त्याअनुषंगाने सरदार पटेल राष्ट्रीय एकता पुरस्कार सन 2022 साठी ऑनलाईन अर्ज 31 जुलै पर्यंत मागविण्यात आले आहे. या प्रस्तावाबाबत संपूर्ण माहिती www.awards.gov.in चे वेबसाईट वर उपलब्ध आहे.  राष्ट्रीय एकता आणि एकात्मता निर्माण करण्यासाठी ज्यांनी कार्य केले किंवा सशक्त भारत निर्माणात सहभाग असलेल्या व्यक्ती, संस्था व  संघटनानी अर्ज करावा, असे आवाहन जिल्हा महिला व बाल विकास अधिकारी मिलिंद वाघमारे यांनी केले आहे.

0000