वृत्त क्र. 618

सैनिकी मुलांचे वसतीगृहात कंत्राटी पद्धतीने भरती

नांदेड, दि. 20 जुलै :- सैनिकी मुलांचे वसतीगृह विष्णुपुरी येथील वसतीगृहामध्ये कंत्राटी पद्धतीने माजी सैनिक व अवलंबितांमधून पदे भरावयाची आहेत. माजी सैनिक/अवलंबित उपलब्ध नसल्यास पदे नागरी (सिविलन) संवर्गातून भरण्यात येणार आहेत.

स्वयंपाकी (महिला) या एका पदासाठी पात्रता किमान एक वर्ष अनुभव तर वयोमर्यादा 21 ते 45 वर्षे आवश्यक आहे. अर्ज जिल्हा सैनिक कल्याण कार्यालय नांदेड येथे 25 जुलै 2024 पर्यंत दाखल करावेत. अधिक माहितीसाठी वसतिगृह अधिक्षक यांच्याशी भ्रमणध्वनी क्रमांक 8918774880 व 8707608283 वर संपर्क साधावा, असे आवाहन जिल्हा सैनिक कल्याण अधिकारी नांदेड यांनी केले आहे.  
00000

 वृत्त क्र. 617

फुलशेती व उत्तम शेतीवर कार्यशाळा संपन्न

नांदेड दि. २0 जुलै : सहकार व पणन  विभाग अंतर्गत आशिया विकास बँक अर्थसाहित महाराष्ट्र ॲग्री बिझनेस   नेटवर्क( मॅग्नेट )प्रकल्पांतर्गत महाराष्ट्र सहकार विकास महामंडळ पुणे, जिल्हा अधीक्षक कृषी अधिकारी कार्यालय नांदेड  व  प्रकल्प संचालक,आत्मा कार्यालय नांदेड यांच्या संयुक्त विद्यमाने एक दिवसीय  फुलशेती उत्तम कृषी पद्धती या कार्यशाळेचे आयोजन करण्यात आले होते.

 कार्यशाळेच्या उद्घाटन प्रसंगी अभिजीत राऊत जिल्हाधिकारी नांदेड, भाऊसाहेब बराटे, जिल्हा अधीक्षक कृषी अधिकारी तथा प्रकल्प संचालक,आत्मा,नांदेड महादेव बरडे, प्रकल्प उपसंचालक,मॅग्नेट लातूर, गणेश पाटील, विभागीय प्रकल्प अधिकारी, मॅग्नेट, लातूर, हेमंत जगताप, मनुष्यबळ विकास तथा वरिष्ठ प्रशिक्षण अधिकारी,महाराष्ट्र सहकार विकास महामंडळ, साखर संकुल,शिवाजीनगर , गजेंद्र नवघरे  , कन्सल्टंट  , मॅग्नेट प्रकल्प, लातूर, अक्षय हातागळे, GESI अधिकारी,मॅग्नेट, लातूर* इत्यादी मान्यवर उपस्थित होते.

 उद्घाटन प्रसंगी अभिजीत राऊत यांनी  नांदेड जिल्ह्यामध्ये दिवसेंदिवस फुल शेती करणाऱ्या शेतकऱ्यांचे प्रमाण वाढत असल्याचे सांगितले. फुल शेती करणाऱ्या शेतकऱ्यांनी संघटित होऊन शेती केली तर त्याचे मार्केटिंग करण्यास अतिशय सोपे होईल व त्यासाठी आवश्यक सोयी सुविधा शेतकऱ्यांना पुरवल्या जातील असे आश्वासित केले. तसेच फुल शेती करणाऱ्या शेतकऱ्यांसाठी असणाऱ्या अडचणी सोडवण्यासाठी भविष्यामध्ये शेतकऱ्यांचा ग्रुप केला जाईल व त्यामार्फत शेतकऱ्यांच्या समस्या सोडवण्यात येतील असे सांगितले. 

भाऊसाहेब बराटे यांनी फुल शेती करणाऱ्या शेतकऱ्यांनी एकत्रितरित्या येऊन फक्त फुल शेतीचीच शेतकरी उत्पादक कंपनी स्थापन करावी असे सुचवले. तसेच कृषी विभागाच्या विविध योजनांचा लाभ घेण्याचे त्यांनी आवाहन केले. महादेव बरडे यांनी मॅग्नेट प्रकल्पाविषयी सविस्तर माहिती उपस्थित शेतकरी बंधूंना दिली व जास्तीत जास्त शेतकऱ्यांनी मॅग्नेट प्रकल्पाचा लाभ घेण्याचे आवाहन केले.श्री. हेमंत जगताप यांनी प्रास्ताविकामध्ये  मॅग्नेट प्रकल्पाने महाराष्ट्र सहकार विकास महामंडळाला नांदेड येथे फुल शेती पीक कार्यशाळा घेण्याची जी संधी उपलब्ध करून दिली त्याबद्दल मॅग्नेट प्रकल्पातील अधिकारी वर्गाचे अभिनंदन मानले. फुल शेती पिकाबरोबरच इतरही पिकांसाठी नांदेड जिल्ह्यातील शेतकऱ्यांसाठी जास्तीत जास्त अशा प्रकारच्या कार्यशाळांचे आयोजन भविष्यामध्ये  या ठिकाणी करण्यात येईल असे सांगितले.  कार्यशाळेमध्ये खुल्या वातावरणातील फुल शेती लागवड  याविषयी डॉ. गणेश कदम, शास्त्रज्ञ, पुष्प अनुसंधान निदेशालय,पुणे यांनी सविस्तर मार्गदर्शन केले. फुल पिकांची नियंत्रित वातावरणातील शेती  याविषयी श्री. राजन निफाडकर, तांत्रिक अधिकारी, केएफ बायोप्लांट्स,पुणे यांनी माहिती सांगितली. फुल पिकांसाठी संरक्षित वातावरणातील तंत्रज्ञान याविषयी श्री हेमंत जगताप मनुष्यबळ विकास तथा वरिष्ठ प्रशिक्षण अधिकारी महाराष्ट्र सहकार विकास महामंडळ साखर संकुल शिवाजीनगर पुणे यांनी सविस्तर मार्गदर्शन केले. फुल पिकांचे मार्केटिंग तंत्रज्ञान याविषयी  गणेश पाटील, विभागीय प्रकल्प अधिकारी, मॅग्नेट प्रकल्प कार्यालय लातूर यांनी माहिती दिली. महिलांसाठी लैंगिक व सामाजिक विषमता याविषयी अक्षय हातागळे, मॅग्नेट प्रकल्प लातूर  यांनी सविस्तर मार्गदर्शन केले. सदर कार्यशाळेचे आयोजन विनायक कोकरे,प्रकल्प संचालक,मॅग्नेट प्रकल्प पुणे, मिलिंद आकरे, व्यवस्थापकीय संचालक एमसीडीसी पुणे डॉ. अमोल यादव,सह प्रकल्प संचालक मॅग्नेट पुणे,  यांच्या मार्गदर्शनाखाली करण्यात आले होते.सदर कार्यशाळेमध्ये नांदेड जिल्ह्यातील २२८ प्रगतशील शेतकऱ्यांनी आपला  सहभाग नोंदवला. कार्यक्रमाचे सूत्रसंचालन व आभार प्रदर्शन श्री हेमंत जगताप मनुष्यबळ विकास व वरिष्ठ प्रशिक्षण अधिकारी, महाराष्ट्र सहकार विकास महामंडळ,साखर संकुल, शिवाजीनगर,पुणे यांनी केले.सदर कार्यक्रमाच्या यशस्वीतेसाठी जिल्हा अधीक्षक कृषी अधिकारी कार्यालय नांदेड व प्रकल्प संचालक आत्मा कार्यालय नांदेड  व एम सी डी सी पुणे येथील अधिकारी वर्गाचे सहाय्य लाभले.

0000

 वृत्त क्र. 616

डॉ. शंकरराव चव्हाण शासकीय वैद्यकीय महाविद्यालय परीसरात

जवळपास 300 झाडांचे वृक्षारोपण मियावाकी पद्धतीने 

 

नांदेड दि. 20 जुलै : डॉ. शंकरराव चव्हाण शासकीय वैद्यकीय महाविद्यालय विष्णुपूरी नांदेड परिसरात जवळपास 300 झाडांचे वृक्षारोपन मियावाकी पध्दतीने अधिष्ठाता डॉ. सुधीर देशमुख यांच्या हस्ते करण्यात आले. अधिष्ठाता यांनी मियावाकी वृक्षलागवड ही पध्दत जपानमधील वनस्पती पर्यावरण शास्त्रज्ञ डॉ. अकीरा मियावाकी यांनी शोधून काढली असुन मियावाकी पध्दतीने वृक्षारोपन केल्यामुळे कमी जागेत जास्त झाडे लावता येतात ज्यामुळे सूर्यप्रकाश मिळविण्यासाठी वृक्षांमध्ये स्पर्धा निर्माण होऊन त्यांची वाढ जोमाने होते. या पद्धतीमुळे जैवविविधता जोपासण्यास हातभार लागुन पर्यावरणाचे संतुलन राखण्यास मदत होते व आपल्या भावी पिढीचे जगणे सुखकर होईल असे मत व्यक्त केले. तसेच अधिष्ठाता यांनी वृक्षांचे संगोपन हा फार महत्त्वाचा भाग असल्याने अधिकारी व कर्मचारी यांनी याकडे विशेष लक्ष देण्याचे आवाहन केले.

 

सदर वृक्षारोपण कार्यक्रमांतर्गत वड, कडूनिंब, पिंपळ, चिंच, आवळा, बांबू, जांब, हिरडा इत्यादी प्रकारचे वृक्षांची लागवड करण्यात आली. सदर कार्यक्रमास डॉ. वाय. एच. चव्हाण, वैद्यकीय अधीक्षक, डॉ. एस. आर. मोरे, प्राध्यापक व विभाग प्रमुख, सुक्ष्मजीवशास्त्र विभाग, डॉ. राजेश अंबुलगेकर, प्राध्यापक व विभाग प्रमुख, अस्थीव्यंगोपचारशास्त्र विभाग, डॉ. किशोर राठोड, प्राध्यापक व विभाग प्रमुख, बालरोगचिकित्साशास्त्र विभाग, डॉ. सुधा करडखेडकर, प्राध्यापक व विभाग प्रमुख, शरिरक्रियाशास्त्र विभाग, डॉ. वैशाली इनामदार, प्राध्यापक व विभाग प्रमुख, शरिररचनाशास्त्र विभाग, डॉ. भावना भगत, प्राध्यापक व विभाग प्रमुख, दंतशास्त्र विभाग, डॉ. अनिल देगांवकर, सहयोगी प्राध्यापक, शल्यचिकित्साशास्त्र विभाग, डॉ. अतिष गुजराती, सहयोगी प्राध्यापक, कान, नाक व घसाशास्त्र विभाग, डॉ. मुकुंद कुलकर्णी, सहयोगी प्राध्यापक, शरिरक्रियाशास्त्र विभाग, डॉ. आय. एफ. इनामदार, सहयोगी प्राध्यापक, जन औषधवैद्यकशास्त्र विभाग, डॉ. सलिम तांबे, सहयोगी प्राध्यापक, बालरोगचिकित्साशास्त्र विभाग, डॉ. अभिजित देवगरे, उप वैद्यकीय अधीक्षक व  संयज वाकडे, प्रशासकीय अधिकारी महाविद्यालय विभाग व  के. बी. विश्वासराव, प्रशासकीय अधिकारी, रुग्णालय विभाग, श्रीमती अलका जाधव, अधिसेविका यांचेसह विविध विभागाचे वैद्यकीय अध्यापक वृंद, राष्ट्रीय सेवा योजनेतील विद्यार्थी, पदव्युत्तर विद्यार्थी व कर्मचारी वृंद हे उपस्थित होते. सदर कार्यक्रमाचे नियोजन हे डॉ. आर. डी. गाडेकर, सहयोगी प्राध्यापक, जन औषधवैद्यकशास्त्र विभाग यांनी केले.

00000

 

प्रत्येक ग्रामपंचायतीमध्ये शिबीर :#मुख्यमंत्रीमाझीलाडकीबहीण योजनेअंतर्गत नांदेड जिल्ह्यातील प्रत्येक गावात कॅम्प (शिबिर)लावण्यात आले आहे. अडीच लाखापेक्षा कमी उत्पन्न असणाऱ्या प्रत्येक महिलेने या योजनेचा लाभ घ्यावा : जिल्हा परिषदेच्या मुख्य कार्यकारी अधिकारी मीनल करनवाल

मुख्यमंत्री माझी लाडकी बहीण योजनेसाठी नांदेडच्या प्रत्येक ग्रामपंचायतमध्ये शिबीर

महिलांनी लाभ घेण्याचे सीईओ करणवाल यांचे आवाहन

नांदेड दि. 20 जुलै : नांदेड जिल्ह्यातील ग्रामीण भागामध्ये प्रत्येक ग्रामपंचायतमध्ये मुख्यमंत्री माझी लाडकी बहीण योजनेसाठी कॅम्प ( शिबीर ) लावण्यात आले आहे. कार्यालयीन वेळेतील या कॅम्पमध्ये सर्व पात्र महिलांनी अर्ज दाखल करावे,असे आवाहन जिल्हा परिषदेच्या मुख्य कार्यकारी अधिकारी मीनल करणवाल यांनी केले आहे.

जिल्हाभरातील आपल्या महिला भगिनींसाठी आज जाहीर करण्यात आलेल्या एका व्हिडिओ संदेशामध्ये त्यांनी कोणत्याही बाहेरच्या व्यक्तीच्या,मध्यस्थाच्या आमिषाला बळी न पडता कोणाला एक पैसा ही न देता सरळ सरळ ग्रामपंचायतमध्ये लागलेल्या कॅम्पमध्ये महिलांनी आपले अर्ज दाखल करावे, असे आवाहन केले आहे. प्रत्येक ग्रामपंचायत मध्ये 11 ते 2 या वेळेमध्ये अंगणवाडी सेविका सर्वांचे अर्ज स्वीकारणार आहे.त्यामुळे सर्वांनी या काळात ग्रामपंचायत कार्यालयात जाऊन आपल्या अर्ज ऑफलाइन पद्धतीने द्यावे.

अर्ज भरण्यासाठी अत्यंत सोपी पद्धत असून आधार कार्ड, केसरी किंवा पिवळी शिधापत्रिका,पासपोर्ट फोटो,बँक पासबुक याच कागदपत्रांची आवश्यकता आहे. पांढऱ्या रंगाचे रेशन कार्ड असेल तर मात्र तहसील कार्यालयातून उत्पन्नाचा दाखला प्राप्त करून घेणे आवश्यक आहे.त्यामुळे हे कागदपत्र घेऊन अंगणवाडी सेविकेची भेट घेण्याचे त्यांनी आवाहन केले आहे. यासाठी कुठल्याही मध्यस्थाला न भेटता थेट ग्रामपंचायत कार्यालय मधून आपले अर्ज भरून घ्यावे,असे आवाहन त्यांनी केले आहे.

ज्या महिला ऑनलाइन पद्धतीने ॲपवर अर्ज दाखल करणार असेल त्यांनी मग ऑफलाइन अर्ज करू नये.ऑनलाइन अर्ज करताना आपल्या आधार कार्डवर जसे नाव असेल तसेच अपलोड करावे. कारण या योजनेतून दर महिन्याला दीड हजार रुपये आपल्या बँक अकाउंटमध्ये थेट जमा होणार आहे.यासाठी आधार कार्ड जोडल्या गेलेले बँक अकाउंट अधिकृत आहे.थेट बँकेत जमा होणाऱ्या या प्रक्रियेसाठी आपल्या आधार कार्डवरील नाव ऑनलाइन अर्जामध्ये असणे आवश्यक आहे.महिलांनी याची काळजी घ्यावी,असे आवाहनही त्यांनी केले आहे.

महानगरपालिकेचे 22 केंद्र सुरू

महानगरपालिका क्षेत्रामध्ये यापूर्वीच महानगरपालिका आयुक्त डॉ. महेश डोईफोडे यांनी नांदेड महानगराच्या विविध भागात अधिकृत अर्ज दाखल करण्यासाठी 22 केंद्र उघडली आहेत. या केंद्रामध्येच महानगरपालिका क्षेत्रातील अडीच लाखापेक्षा कमी वार्षिक उत्पन्न असणाऱ्या महिलांनी अर्ज दाखल करावे असे आवाहन करण्यात आले आहे.

अधिकृत ठिकाणी अर्ज भरा

दरम्यान, जिल्ह्यामध्ये ग्रामपंचायत असो वा महानगरपालिका क्षेत्र अधिकृतरित्या अर्ज स्वीकारण्याचे ठिकाण निश्चित झाले असून नागरिकांनी ग्रामीण व शहरी भागात शासनामार्फत सुरू करण्यात आलेल्या अधिकृत शिबिरांमध्येच अर्ज दाखल करावे असे आवाहन जिल्हाधिकारी अभिजीत राऊत यांनी केलेले आहे. महानगरपालिका व ग्रामपंचायत या ठिकाणच्या कर्मचाऱ्यांनी या कार्यात महिला भगिनींना योग्य ती मदत करावी असेही त्यांनी स्पष्ट केले.

0000

 

 वृत्त क्र. 615 

मुख्यमंत्री माझी लाडकी बहीण योजनेसाठी नांदेडच्या प्रत्येक ग्रामपंचायतमध्ये शिबीर 

महिलांनी लाभ घेण्याचे सीईओ करणवाल यांचे आवाहन 

नांदेड दि. 20 जुलै : नांदेड जिल्ह्यातील ग्रामीण भागामध्ये प्रत्येक ग्रामपंचायतमध्ये मुख्यमंत्री माझी लाडकी बहीण योजनेसाठी कॅम्प ( शिबीर ) लावण्यात आले आहे. कार्यालयीन वेळेतील या कॅम्पमध्ये सर्व पात्र महिलांनी अर्ज दाखल करावे,असे आवाहन जिल्हा परिषदेच्या मुख्य कार्यकारी अधिकारी मीनल करणवाल यांनी केले आहे. 

जिल्हाभरातील आपल्या महिला भगिनींसाठी आज जाहीर करण्यात आलेल्या एका व्हिडिओ संदेशामध्ये त्यांनी कोणत्याही बाहेरच्या व्यक्तीच्या,मध्यस्थाच्या आमिषाला बळी न पडता कोणाला एक पैसा ही न देता सरळ सरळ ग्रामपंचायतमध्ये लागलेल्या कॅम्पमध्ये महिलांनी आपले अर्ज दाखल करावे, असे आवाहन केले आहे. प्रत्येक ग्रामपंचायत मध्ये 11 ते 2 या वेळेमध्ये अंगणवाडी सेविका सर्वांचे अर्ज स्वीकारणार आहे.त्यामुळे सर्वांनी या काळात ग्रामपंचायत कार्यालयात जाऊन आपल्या अर्ज ऑफलाइन पद्धतीने द्यावे.   

अर्ज भरण्यासाठी अत्यंत सोपी पद्धत असून आधार कार्ड, केसरी किंवा पिवळी शिधापत्रिका,पासपोर्ट फोटो,बँक पासबुक याच कागदपत्रांची आवश्यकता आहे. पांढऱ्या रंगाचे रेशन कार्ड असेल तर मात्र तहसील कार्यालयातून उत्पन्नाचा दाखला प्राप्त करून घेणे आवश्यक आहे.त्यामुळे हे कागदपत्र घेऊन अंगणवाडी सेविकेची भेट घेण्याचे त्यांनी आवाहन केले आहे. यासाठी कुठल्याही मध्यस्थाला न भेटता थेट ग्रामपंचायत कार्यालय मधून आपले अर्ज भरून घ्यावे,असे आवाहन त्यांनी केले आहे. 

ज्या महिला ऑनलाइन पद्धतीने ॲपवर अर्ज दाखल करणार असेल त्यांनी मग ऑफलाइन अर्ज करू नये.ऑनलाइन अर्ज करताना आपल्या आधार कार्डवर जसे नाव असेल तसेच अपलोड करावे. कारण या योजनेतून दर महिन्याला दीड हजार रुपये आपल्या बँक अकाउंटमध्ये थेट जमा होणार आहे.यासाठी आधार कार्ड जोडल्या गेलेले बँक अकाउंट अधिकृत आहे.थेट बँकेत जमा होणाऱ्या या प्रक्रियेसाठी आपल्या आधार कार्डवरील नाव ऑनलाइन अर्जामध्ये असणे आवश्यक आहे.महिलांनी याची काळजी घ्यावी,असे आवाहनही त्यांनी केले आहे. 

महानगरपालिकेचे 22 केंद्र सुरू

महानगरपालिका क्षेत्रामध्ये यापूर्वीच महानगरपालिका आयुक्त डॉ. महेश डोईफोडे यांनी नांदेड महानगराच्या विविध भागात अधिकृत अर्ज दाखल करण्यासाठी 22 केंद्र उघडली आहेत. या केंद्रामध्येच महानगरपालिका क्षेत्रातील अडीच लाखापेक्षा कमी वार्षिक उत्पन्न असणाऱ्या महिलांनी अर्ज दाखल करावे असे आवाहन करण्यात आले आहे. 

अधिकृत ठिकाणी अर्ज भरा

दरम्यान, जिल्ह्यामध्ये ग्रामपंचायत असो वा महानगरपालिका क्षेत्र अधिकृतरित्या अर्ज स्वीकारण्याचे ठिकाण निश्चित झाले असून नागरिकांनी ग्रामीण व शहरी भागात शासनामार्फत सुरू करण्यात आलेल्या अधिकृत शिबिरांमध्येच अर्ज दाखल करावे असे आवाहन जिल्हाधिकारी अभिजीत राऊत यांनी केलेले आहे. महानगरपालिका व ग्रामपंचायत या ठिकाणच्या कर्मचाऱ्यांनी या कार्यात महिला भगिनींना योग्य ती मदत करावी असेही त्यांनी स्पष्ट केले.

0000

प्रत्येक ग्रामपंचायतीमध्ये शिबीर :#मुख्यमंत्रीमाझीलाडकीबहीण योजनेअंतर्गत नांदेड जिल्ह्यातील प्रत्येक गावात कॅम्प (शिबिर)लावण्यात आले आहे. अडीच लाखापेक्षा कमी उत्पन्न असणाऱ्या प्रत्येक महिलेने या योजनेचा लाभ घ्यावा : जिल्हा परिषदेच्या मुख्य कार्यकारी अधिकारी मीनल करनवाल

#नांदेड #मुख्यमंत्रीमाझीलाडकीबहीण योजनेतर्गत आमदार श्री. राजेश पवार यांनी नायगाव तालुक्यामध्ये तहसीलदार गटविकास अधिकारी तसेच बाल विकास प्रकल्प अधिकारी ग्रामसेवक,अंगणवाडी सेविकाची कार्यशाळा घेतली .

उत्कंठा व उत्सुकता : मुख्यमंत्री माझी लाडकी बहीण योजनेअंतर्गत अर्ज दाखल करण्याची लगबग संपूर्ण नांदेड जिल्ह्यात दिसून येते. जिल्हाधिकारी कार्यालयासमोरील जिमाकाच्या होर्डिंगचे वाचन करताना महिलाभगिनी ( छाया :पुरूषोत्तम जोशी )