शालेय विद्यार्थ्यांच्या सुरक्षित वाहतुकीबाबत बुधवारी कार्यशाळा

नांदेड, दि. 15 :- जिल्हयातील सर्व शाळाच्या मुख्याध्यापकांची, स्कुलबस चालक-मालक, स्कुलबस संघटनेचे पदाधिकारी, व परिवहन समितीतील इतर सदस्य यांची कार्यशाळा बुधवार 17 जुलै 2019 रोजी सकाळी 11  वा. DICTED प्रशिक्षण केंद्र (डी.एड.कॉलेज) श्रीनगर नांदेड येथे आयोजित करण्यात आलेली आहे.

यामध्ये महाराष्ट्र मोटार वाहन (स्कुल बस करिता विनियमन) नियम 2011  मधील नियम, तरतूदी व त्यामधील सुचना यांची, शालेय विदयार्थ्याच्या सुरक्षित वाहतुकीबाबत व त्याअधिसुचना अन्वये तयार करण्यात आलेल्या समित्याची कामे, त्यांच्या जबाबदाच्या व कर्तव्य याबाबत माहिती देण्यात येणार आहे. या कार्यशाळेस जिल्हयातील सर्व शाळाच्या मुख्याध्यापक, स्कुलबस चालक-मालक, स्कुलबस संघटनेचे पदाधिकारी, व परिवहन समितीतील इतर सदस्यांनी उपस्थित रहावे, असे आवाहन नांदेड प्रादेशिक परिवहन अधिकारी यांनी केले आहे.

00000

छायाचित्र मतदार याद्यांचा दुसरा विशेष संक्षिप्त पुन:रिक्षण कार्यक्रम जाहीर ; अर्ज व ऑनलाईन नोंदणीची 30 जुलै मुदत

       नांदेड, दि. 15  :- मा. भारत निवडणूक आयोगाने आगामी विधानसभा सार्वत्रिक निवडणूका विचारात घेऊन दिनांक 1 जानेवारी 2019 या अर्हता दिनांकावर आधारीत महाराष्ट्र राज्यातील  सर्व विधानसभा मतदारसंघाच्या छायाचित्र मतदारयाद्यांचा दुसरा विशेष संक्षिप्त पुन:रिक्षण कार्यक्रम जाहीर केला आहे.

       मतदार यादीत नाव समाविष्‍ट नसल्‍यास दिनांक 15 जुलै, 2019 ते 30 जुलै 2019 या कालावधीत आपले अर्ज संबंधित बीएलओ, तहसिल कार्यालय अथवा उपविभागीय अधिकारी यांचे कार्यालयात जमा करावेत. तसेच मतदारांच्या सुलभतेसाठी www.nvsp.in या संकेतस्थाळावर ऑनलाईन नाव नोंदणीची, यादीतील तपशिलात बदल करण्याची सुविधा उपलब्ध करुन देण्यात आली आहे.

            या कार्यक्रमांतर्गत मतदार म्‍हणून नोंदणी झालेली नाही अशा पात्र मतदारांची  नाव नोंदणी मतदार यादीत  करण्‍यासाठी आणखी  संधी मिळावी व त्‍यांची नावे मतदार यादीत समाविष्‍ट व्‍हावीत याकरीता हा कार्यक्रम राबविण्‍यात येत आहे.

मतदार याद्यांचा दुसरा विशेष संक्षिप्त पुन:रिक्षण कार्यक्रम पुढीलप्रमाणे आहे.

पुनरीक्षण कार्यक्रमाचे विवरण	कालावधी
प्रारुप मतदार यादी प्रसिद्धी	दिनांक 15 जुलै 2019 ( सोमवार )
दावे व हरकती स्वीकारण्याचा कालावधी	दिनांक 15 जुलै 2019 ( सोमवार ) ते दिनांक 30 जुलै 2019 (मंगळवार)
विशेष मोहिमेचे दिनांक	दिनांक 20 (शनिवार) व 21(रविवार) जुलै 2019   दिनांक 27 (शनिवार) व 28(रविवार) जुलै 2019
दावे व हरकती निकाली काढणे	दिनांक 13 ऑगष्‍ट (मंगळवार)2019 पर्यंत
डाटाबेसचे अद्यावतीकरण आणि पुरवणी यादीची छपाई	दिनांक 16 ऑगष्‍ट (शुक्रवार) 2019 पर्यंत
अंतिम मतदार यादी प्रसिद्धी	दिनांक 19 ऑगष्‍ट 2019 ( सोमवार )

          या कार्यक्रमाचे वेळापत्रकानूसार आज दिनांक 15 जुलै 2019 रोजी प्रारूप मतदार यादी प्रसिध्‍द करण्‍यात आली आहे. या मतदार यादीमध्‍ये ज्‍या मतदाराची नावे समाविष्‍ट नाहीत अशा मतदारांना नमुना -६ मध्‍ये अर्ज सादर  करून त्‍यांची नावे मतदार यादीत समाविष्‍ट  करता येतील. तसेच अनिवासी भारतीय नागरिकांना नमुना-6 अ मध्‍ये अर्ज करुन मतदार यादीत नाव समाविष्‍ट  करता येईल. मतदार यादीत समाविष्‍ट असलेल्‍या नोंदीबाबत आक्षेप असल्‍यास सदर नोंद वगळण्‍यासाठी नमुना -7 मध्‍ये अर्ज सादर करता येतील. तसेच मतदार यादीत असलेल्‍या नोंदीबाबत दुरूस्‍ती करावयाची असल्‍यास नमुना -८ मध्‍ये आणि एका भागातून दुसऱ्या  यादी भागात नोंद स्‍थलांतरीत करावयाची असल्‍यास विहीत नमुना -८ अ मध्‍ये अर्ज सादर करता येतील.

        आगामी सार्वत्रिक  विधानसभा निवडणूक 2019 च्‍या अनुषंगाने प्रत्‍येक मतदाराने आपले नाव प्रारूप मतदार यादीत समाविष्‍ट असल्‍याची खात्री करून घ्‍यावी, मतदार यादीत नाव समाविष्‍ट नसल्‍यास दिनांक 15 जुलै, 2019 ते 30 जुलै 2019 या कालावधीत आपले अर्ज संबंधित बीएलओ, तहसिल कार्यालय अथवा उपविभागीय अधिकारी यांचे कार्यालयात जमा करावेत. तसेच मतदारांच्या सुलभतेसाठी www.nvsp.in या संकेतस्थाळावर ऑनलाईन नाव नोंदणीची, यादीतील तपशिलात बदल करण्याची सुविधा उपलब्ध करुन देण्यात आली आहे. अधिक माहितीसाठी www.ceo.maharashtra.gov.in या संकेतस्थळास भेट द्यावी. असे आवाहन मा. जिल्‍हाधिकारी नांदेड यांनी केले आहे.

000000