जप्त केलेला गहू, तांदळाचा बुधवारी लिलाव

नांदेड, दि. 16 :- जप्त केलेला गहू व तांदळाचा पशु खाद्यासाठी जाहिर लिलाव बुधवार 20 फेब्रुवारी 2019 रोजी शासकीय धान्य गोदाम खुपसरवाडी ता. जि. नांदेड येथे सकाळी 11 वा. आयोजित करण्यात आला आहे.

जिल्हाधिकारी नांदेड यांचे निर्देशानुसार जप्त केलेला गहू- 516 क्विंटल 29 किलो 280 ग्रॅम व तांदूळ- 167 क्विंटल 9 किलो 260 ग्राम तांदळाचा पशु खाद्यासाठी हा जाहिर लिलाव होणार आहे. ज्यांना बोली बोलावयाची आहे त्यांनी या लिलावात भाग घ्यावा, असे आवाहन तहसिलदार नांदेड यांनी केले आहे.

लिलावातील अटी व शर्ती पुढीलप्रमाणे राहतील. लिलावाची बोली स्विकारण्याचे किंवा नाकारण्याचे सर्व अधिकार तहसिलदार नांदेड यांनी राखुन ठेवले आहेत. लिलावात भाग घेणाऱ्या व्यक्तीना बाजारी किंमतीच्या 25 टक्के इतकी अनामत रक्कम भरुन हरासमध्ये भाग घेता येईल. ज्या बोलीदाराची बोली जास्त असेत ती स्विकारण्यात येईल व लिलावाची रक्कम तात्काळ भरावी लागेल. ज्या बोलीदाराची बोली स्विकारण्यात येणार नाही त्यांची अनामत रक्कम लिलाव संपल्यानंतर लिलावाच्या ठिकाणीच त्यांना परत करण्यात येईल. लिलावातील धान्याची प्रत व सद्यस्थितीची खात्र करुन घेण्याची जबाबदारी संबंधीत लिलाव धारकाची आहे. हे धान्य कार्यालयीन वेळेत शासकीय धान्य गोदाम येथे पाहता येईल, असेही तहसिलदार नांदेड यांनी प्रसिद्धी पत्रकात नमूद केले आहे.

00000

दहावी, बारावी परीक्षेसाठी हेल्पलाईन

नांदेड, दि. 16 :- महाराष्ट्र राज्य माध्यमिक व उच्च माध्यमिक शिक्षण मंडळ पुणे यांच्यावतीने फेब्रुवारी-मार्च 2019 मध्ये घेण्यात येणाऱ्या माध्यमिक व उच्च माध्यमिक प्रमाणपत्र परीक्षेसंदर्भात येणाऱ्या अडचणी सोडविण्यासाठी विभागीय मंडळ स्तरावर इयत्ता दहावीसाठी 02382- 251633 व इयत्ता 12 वीसाठी 02382- 251733 ही हेल्पलाईन सुरु करण्यात आली आहे.

विद्यार्थी पालक व शाळा प्रमुखांनी आपल्या अडीअडचणी विषयी दूरध्वनी क्रमांकावर किंवा समुपदेशकाचे नाव बी. एम. कच्छवे 9371261500 व बी. एम. कारखेडे 9860212898 या क्रमांवर संपर्क साधावा, असे आवाहन विभागीय सचिव यांनी केले आहे.

00000

सैन्यदलात अधिकारी पदाच्या भरतीसाठी मोफत पूर्व प्रशिक्षण

नांदेड, दि. 16 :- भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना सर्व्हिस सिलेक्शन बोर्ड (SSB) या परीक्षेची पूर्व तयारी करुन घेणेसाठी छात्रपूर्व प्रशिक्षण केंद्र नाशिक रोड नाशिक येथे राज्य शासनातर्फे महाराष्ट्रातील नवयुवक व नवयुवतीसाठी 21 फेब्रुवारी ते 2 मार्च 2019 या कालावधीत एसएसबी कोर्स क्र. 48 चे आयोजन करण्यात येत आहे. या कोर्ससाठी प्रशिक्षणार्थीची निवास, भोजन आणि प्रशिक्षणाची नि:शुल्क सोय करण्यात आली आहे.

नांदेड जिल्ह्यातील इच्छूक उमेदवारांनी सैन्य दलातील अधिकारी पदाची संधी उपभोगण्यासाठी जिल्हा सैनिक कल्याण कार्यालय नांदेड येथे सोमवार 18 फेब्रुवारी 2019 रोजी मुलाखतीस उपस्थित रहावे. मुलाखतीस येण्याआधी PCTC Training च्या Google Plus पेज वरती किंवा सैनिक कल्याण विभाग पुणे यांच्या संकेतस्थळावर www.mahasainik.com वरील Recruitment Tab ला क्लीक करुन त्यामधील उपलब्ध Cheek List आणि महत्वाच्या तारखा यांचे अवलोकन करुन त्याची दोन प्रतीमध्ये प्रिंट काढून तसेच त्यामध्ये दिलेले सर्व परिशिष्ट डाऊनलोड करुन त्यांचीही दोन प्रतीमध्ये प्रिंट काढून ते पूर्ण भरुन आणावेत.

केंद्रामध्ये एस.एस.बी. कोर्समध्ये प्रवेश मिळण्यासाठी पुढील नमूद कोणतीही एक पात्रता आवश्यक आहे व त्यासंबंधीचे पात्रता प्रमाणपत्र कोर्सला येताना घेऊन येणे आवश्यक आहे. कंम्बाईड डिफेन्स सर्व्हीसेस एक्झामिनेशन (सीडीएसई-युपीएससी) अथवा नॅशनल डिफेंस ॲकेडमी एक्झामिनेशन (एनडीए-युपीएससी) पास झालेली असावी व त्यासाठी सर्व्हिसेस सिलेक्शन बोर्ड मुलाखतीसाठी पात्र झालेले असावे. एनसीसी “सी” प्रमाणपत्र “ए” किंवा “बी” ग्रेडमध्ये पास झालेले असावेत व एनसीसी ग्रुप हेडक्वार्टरने एसएसबीसाठी शिफारस केलेली असावी. टेक्नीकल ग्रॅज्युएट कोर्ससाठी एस.एस.बी. मुलाखतीसाठी कॉल लेटर असावे. University Entry Scheme साठी एसएसबी कॉल लेटर असावे किंवा एसएसबीसाठी शिफारस केलेल्या यादीत नाव असावे.

अधिक माहितीसाठी प्रभारी अधिकारी, छात्रपूर्व प्रशिक्षण केंद्र नाशिक रोड नाशिक यांचा दूरध्वनी नंबर 0253-2451031 आणि 2451032 असून कार्यालयीन वेळेत प्रत्यक्ष अथवा दूरध्वनीवर संपर्क करावा, असे आवाहन जिल्हा सैनिक कल्याण अधिकारी, नांदेड यांनी केले आहे.

0000000

अभ्यासक्रमासाठी लागणारी

प्रमाणपत्रे प्राप्त करुन घ्यावीत

-         तहसिलदार किरण अंबेकर

नांदेड दि. 16 :- विद्यार्थ्यांना अभ्यासक्रम प्रवेश प्रक्रियेसाठी उत्‍पन्‍न, वय व अधिवास, वय व राष्‍ट्रीयत्‍व, जातीचे, नॉनक्रिमीलेअर आदी प्रमाणपत्रांसाठी नजीकच्‍या महा ई-सेवा केंद्रावर जाऊन परीपूर्ण अर्ज करुन ऑनलाईन  प्रमाणपत्रे विहीत मुदतीत प्राप्‍त करुन घ्‍यावेत, असे आवाहन नांदेडचे तहसिलदार किरण अंबेकर यांनी केले आहे.

शैक्षणिक वर्ष 2019-20 मध्ये प्रमाणपत्रासाठी ऐनवेळी गर्दी किंवा विद्यार्थ्‍यांचा प्रवेश प्रक्रियेत पालक, विद्यार्थ्‍यांना अडचण निर्माण होऊ नये यासाठी नांदेड तालुक्यातील विद्यार्थी व पालकांनी आवश्यक लागणारी प्रमाणपत्रे वेळेत प्राप्त करुन घ्यावीत, असेही आवाहन करण्यात आले आहे.

0000

अल्पसंख्याक आयोगाचे

उपाध्यक्ष ज. मो. अभ्यंकर यांचा दौरा

नांदेड दि. 16 :- महाराष्ट्र राज्य अल्पसंख्याक आयोगाचे उपाध्यक्ष (राज्यमंत्री दर्जा) ज. मो. अभ्यंकर हे मंगळवार 19 फेब्रुवारी 2019 रोजी नांदेड दौऱ्यावर येत असून त्यांचा दौरा कार्यक्रम पुढील प्रमाणे राहिल.

मंगळवार 19 फेब्रुवारी 2019 रोजी मुंबई येथून नंदिग्राम एक्सप्रेसने सकाळी 5.10 वा. नांदेड येथे आगमन. त्यानंतर शासकीय विश्रामगृह नांदेड येथे आगमन व राखीव. सकाळी 9.30 ते 10.30 वाजेपर्यंत अल्पसंख्याक समाजाच्या व्यक्तींच्या भेटी. सकाळी 10.30 ते 11.30 वाजेपर्यंत अल्पसंख्याक समाजाच्या शिक्षक, शिक्षकेत्तर कर्मचारी व संस्थाचालक यांचे सोबत बैठक. सकाळी 11.30 ते दुपारी 12.30 वाजेपर्यंत निवासी उपजिल्हाधिकारी, शिक्षणाधिकारी प्राथमिक, माध्यमिक, निरंतर, प्रकल्प संचालक जिल्हा ग्रामीण विकास यंत्रणा, सहाय्यक आयुक्त सामाजिक न्याय व विशेष सहाय्य यांची आढावा बैठक. दुपारी 12.30 वा. नांदेड येथून हिंगोलीकडे प्रयाण करतील.

अल्पसंख्याक समाजातील व्यक्ती, संघटनांच्या तक्रारीचे निराकरण

नांदेड जिल्ह्यातील अल्पसंख्याक समाजातील तक्रारग्रस्त व्यक्तींना भेटून त्यांच्या तक्रारी एकून घेणार आहेत. त्याशिवाय त्यांनी दिलेल्या निवेदनाबाबत व समक्ष दिलेल्या माहितीबाबत संबंधीत अधिकाऱ्यांची बैठक घेऊन तक्रारदारांच्या समस्यांचे निराकरण कसे करता येईल याबाबतची त्यांची भुमिका समजून घेणार आहेत. संबंधीत अल्पसंख्याक व्यक्तीवर अन्याय होत असल्याचे दिसून आल्यास त्याबद्दलची नियमाधीन समयबद्ध कार्यवाही करण्यास संबंधीत अधिकाऱ्यास आदेशित करणार आहेत. तसेच अल्पसंख्याक शिक्षक, शिक्षकेत्तर कर्मचारी व संस्थाचालकांच्या समस्यांबाबतही सुनावणीची कार्यवाही केली जाणार आहे.

अल्पसंख्याक समाजातील व्यक्ती व संघटनांनी महाराष्ट्र राज्य अल्पसंख्याक आयोगाच्यावतीने आयोजित केलेल्या या समस्या निराकरणाच्या उपक्रमाची नोंद घ्यावी, असे आवाहन राज्य अल्पसंख्याक आयोगाचे अवर सचिव यांनी केले आहे.

000000

अण्णासाहेब पाटील आर्थिक विकास

महामंडळाचे अध्यक्ष नरेंद्र पाटील यांचा दौरा

नांदेड दि. 16 :- अण्णासाहेब पाटील आर्थिक विकास महामंडळाचे अध्यक्ष (मंत्री दर्जा) नरेंद्र अण्णासाहेब पाटील हे नांदेड दौऱ्यावर येत असून त्यांचा दौरा कार्यक्रम पुढील प्रमाणे राहिल.

रविवार 17 फेब्रुवारी 2019 रोजी बीड येथून रात्री 9 वाजेनंतर शासकीय विश्रामगृह नांदेड येथे आगमन व राखीव.

सोमवार 18 फेब्रुवारी 2019 रोजी सकाळी 10.30 वा. जिल्हाधिकारी कार्यालय नांदेड येथे आढावा बैठकीसाठी प्रयाण. (सकाळी 11 ते दुपारी 2 वाजेपर्यंत ). दुपारी 2 वा. शासकीय विश्रामगृह नांदेडकडे प्रयाण. सायं. 5.30 वा. नांदेड रेल्वे स्थानकाकडे प्रयाण. सायं. 6 वा. रेल्वेने मुंबईकडे प्रयाण करतील.

0000000

सहस्त्रकुंडच्या एकलव्य निवासी मॉडेल पब्लिक स्कुलच्या

नवीन इमारत संकुलाचे प्रधानमंत्री नरेंद्र मोदी यांच्या हस्ते ई-उद्घाटन

नांदेड दि. 16 :-  किनवट  एकात्मिक आदिवासी विकास प्रकल्प कार्यालयांतर्गत नांदेड जिल्ह्यातील सहस्त्रकुंड ता. किनवट येथील एकलव्य निवासी मॉडेल पब्लिक स्कुलच्या  नवीन इमारत संकुलाचे ई-उद्घाटन प्रधानमंत्री नरेंद्र मोदी यांच्या हस्ते  यवतमाळ जिल्ह्यातील पांढरकवडा येथून करण्यात आले. या समारंभास राज्यपाल चे. विद्यासागर राव, मुख्यमंत्री देवेंद्र फडणवीस, केंद्रीय मंत्री नितीन गडकरी, राज्यमंत्री हंसराज अहिर, यवतमाळचे पालकमंत्री मदन येरावार आदि मान्यवर उपस्थित होते.

हा कार्यक्रम एकलव्य शाळेच्या विद्यार्थ्यांनी व मान्यवरांनी सहस्त्रकुंड ता. किनवट येथे शाळेच्या नवीन इमारतीत ऑनलाईन पाहिला. यावेळी सहायक जिल्हाधिकारी तथा किनवटच्या एकात्मिक आदिवासी विकास प्रकल्पाचे प्रकल्प अधिकारी अभिनव गोयल, कार्यकारी अभियंता पवार, सहायक प्रकल्प अधिकारी केशव शेगोकार, मुख्याध्यापक, सरपंच दिलीप तम्मडवार, पदाधिकारी व मुले-मुली उपस्थित होते.

एकलव्य निवासी मॉडेल पब्लिक स्कूलच्या या इमारतीचे बांधकाम सन 2016-17 मध्ये सुरु करण्यात आले. या इमारतीसाठी 15 एकर जागा उपलब्ध करुन देण्यात आली आहे. इमारतीचे बांधकाम 10 हजार 862 चौ.मी. इतके करण्यात आले आहे. शाळा इमारत बांधकाम अंतर्गत शाळा इमारत, मुलांचे वसतीगृह, मुलींचे वसतीगृह, भोजनगृह, प्राचार्य निवासस्थान, शिक्षक निवासस्थान, खेळांचे मैदान, अभ्यागतासाठी शौचालय, विद्युतघर, खेळाडुसाठी मैदानावर चैजिंग रुम (शौचालयासह), वाहनतळ, अंतर्गत पक्के रस्ते, संरक्षक भिंत, स्ट्रिट लाईट, पाणी साठवण अंडरग्राउट टाकी आदि सुविधांचे बांधकाम पूर्ण करण्यात आले. या शाळा बांधकामासाठी 15 एकर जमिन उपलब्ध करुन देण्यात आली आहे. या जमिनीवर 24 कोटी 16 लाख रुपये खर्चून इमारत संकुल बांधण्यात आले आहे.

एकलव्य निवासी पब्लिक स्कुल ही योजना केंद्र शासन पुरस्कृत योजना आहे. या शाळेत इयत्ता 6 वी ते 12 वी पर्यंत वर्ग मान्यता आहे. या शाळेची एकुण प्रवेश क्षमता 420 असून 210 मुले व 210 मुलींना प्रवेश देण्यात येतो. अमरावती विभागातील एकुण 13 जिल्ह्यासाठी चिखलदरा व सहस्त्रकुंड या दोन शाळामध्ये विद्यार्थ्यांना पात्रता परीक्षा घेऊन गुणानुक्रमे प्रवेश देण्यात येतो. या शाळेचा आदिवासी जमातीतील विद्यार्थ्यांना शैक्षणिक दर्जा उंचावण्यासाठी लाभ होणार आहे. 

यावेळी पुणे येथे झालेल्या विज्ञान प्रदर्शनात प्रथम क्रमांक मिळविलेल्या एकलव्यच्या विद्यार्थ्यांना प्रशस्तीपत्रे देवून गौरविण्यात आले. आश्रमशाळा शिक्षक व कर्मचारी यांनी दहशतवादी हल्ल्यातील शहिदांच्या कुटूंबियांना देण्यासाठी संकलित केलेल्या 21 हजार रुपयांच्या निधीचा धनादेश श्री गोयल यांना सुपूर्द केला.

00000