प्रत्येक लाभार्थ्यांपर्यंत पोहचण्यासाठी

86 महसूल मंडळातील शंभर गावांमध्ये होणार पीक कर्ज वाटप शिबीर  

 

·       1 जूनच्या शिबिरासाठी जिल्हा प्रशासन व बँकांची जय्यत तयारी

· पात्र लाभार्थ्यांपर्यंत पोहोचण्यासाठी बँकांच्या प्रतिनिधी मार्फत गावोगावी संपर्क   

 

नांदेड, (जिमाका) दि. 27 :- जिल्ह्यातील शेतकऱ्यांना पीक कर्जाच्या माध्यमातून अधिकाधिक सहाय्य करता यावे यादृष्टिने प्रत्येक तालुक्यातील पात्र लाभार्थी असलेल्या शेतकऱ्यांपर्यंत बँकांचे प्रतिनिधी बैठका घेऊन  संपर्क साधत आहेत. जिल्हा प्रशासन, लोकप्रतिनिधी आणि बँकांच्या समन्वयातून येत्या 1 जून रोजी 86 महसूल मंडळातील शंभर गावात पीक कर्ज वाटप शिबीर आयोजित केल्याची माहिती जिल्हाधिकारी डॉ. विपीन इटनकर यांनी दिली. भारतीय स्वातंत्र्याच्या सुवर्ण महोत्सवाअंतर्गत आयोजित या उपक्रमात पीक कर्जाचे 400 कोटी तर बचतगटांसाठी 100 कोटी रुपयांचे कर्ज वाटप केले जाणार आहे.

 

या शिबिराच्या यशस्वीतेसाठी जिल्हाधिकारी डॉ. विपीन इटनकर यांनी आज जिल्ह्यातील सर्व तहसिलदार, गटविकास अधिकारी, मंडळ अधिकारी यांच्याशी व्हिडिओ कॉन्फरसिंगद्वारे संपर्क साधून आढावा घेतला. प्रत्येक ग्रामपंचायतीपर्यंत समन्वय साधून पीक कर्ज योजनेबाबत गटविकास अधिकारी, तलाठी, ग्रामसेवक यांनी 1 जूनच्या या शिबिराबाबत अधिकाधिक जागृती करण्याच्या सूचना जिल्हाधिकारी डॉ. विपीन इटनकर यांनी दिल्या.  

 

23 बँकांच्या माध्यमातून येत्या 1 जून रोजी जिल्ह्यात 75 ठिकाणी पीक कर्ज वाटप शिबिराचे आयोजन पूर्वी निर्धारीत केले होते. जिल्ह्याचा विस्तार आणि महसूल मंडळांची संख्या, मोठ्या गावांची संख्या लक्षात घेऊन आता हे शिबीर शंभर गावात करण्याचे नियोजन केले आहे. यात पीक कर्जाचे 400 कोटी तर बचतगटांसाठी 100 कोटी रुपयांचे कर्ज वाटप होईल अशा विश्वास जिल्हाधिकारी डॉ. विपीन इटनकर यांनी व्यक्त केला.

00000

 शेतकरी उत्‍पादक कंपनी व शेतकऱ्यांना

वायदे बाजाराची ओळख विषयावर कार्यशाळा संपन्‍न

 

नांदेड, (जिमाका) दि. 27 :-  उत्‍पादनाचा थेट ट्रेडिंगमार्फत फायदा शेतकऱ्यांना मिळावा यावर NCDEX लक्ष केंद्रित करत आहे. यासाठी एक्सचेंजने शेतकरी उत्पादक संस्थांसोबत (FPOs) काम करण्यासाठी आणि त्यांना एक्सचेंजमधील सहभागाच्या फायद्यांचे प्रशिक्षण देण्यासाठी बराच वेळ आणि संसाधने गुंतवली आहेत. NCDEX हे भारतातील अग्रगण्य कृषी कमोडिटी एक्स्चेंज आहे आणि याने FPO आणि शेतकऱ्यांना फायदा मिळवून देण्यासाठी प्रचंड वाढ आणि समर्थन दाखवले आहे.  यासाठी कृषि विभाग,  आत्‍मा व NCDEX यांच्‍या संयुक्‍त विद्यमाने शेतकरी उत्‍पादक कंपनी व शेतकरी यांना वायदे बाजराची ओळख या विषयीची जिल्‍हास्‍तरीय कार्यशाळेचे प्रकल्‍प संचालक, आत्‍मा आर. बी. चलवदे यांच्‍या अध्‍यक्षतेखाली हॉटेल ताज पाटील नांदेड येथे आज संपन्‍न झाली.

 

यावेळी जिल्‍हा व्‍यवस्‍थापक, नाबार्ड, दिलीप दमययावार, प्रकल्‍प उपसंचालक, आत्‍मा सौ. एम. आर. सोनवणे, उपव्‍यवस्‍थापक, NCDEX रोहन दंडे, वरीष्‍ठ कार्यकारी, इति बेदी, व 20 हळद संबंधीत शेतकरी उत्‍पादक कंपनीचे प्रतिनिधी व तालुका कृषि अधिकारी व BTM /ATM उपस्थित होते. या कार्यशाळेत शेतकरी उत्‍पादक कंपनी व शेतकरी यांना वायदे बाजाराची ओळख करुन देण्‍यात आली.  FPO आणि शेतकऱ्यांशी जोडलेल्या आहेत. म्हणून जिल्‍हयातील हळद उत्‍पादक शेतकरी कंपनी, शेतकरी गट, शेतकरी यासाठी ट्रेडिंगचे फायदे समजून घेण्यासाठी कार्यशाळा आयोजित करण्‍यात आलेली होती.

 

स्‍मार्ट योजनेमध्‍ये शेतकरी उत्‍पादक कंपनीना 60 टक्‍के पर्यत अनुदान मिळते. PMFME योजनेमध्‍ये व्‍यक्‍तीक / शेतकरी गट / शेतकरी उत्‍पादक कंपनी / बेरोजगार युवकांना देखील अर्ज करता येतो. यामध्‍ये नांदेड जिल्‍हयाकरीता 'एक जिल्‍हा एक उत्‍पादन (ODOP)'  हळद व इतर मासाले पदार्थ असून या करीता नविन उद्योग व विस्‍तारीकरणाचे तसेच NON ODOP मध्‍ये विस्‍तारीकरणाचे प्रस्‍ताव सादर करता येते. यामध्‍ये 35 टक्‍के व कमाल 10 लाखापर्यत प्रक्रिया उद्योगांना देता येतो. त्‍या व्‍यतिरिक्‍त सामाईक पायाभुत सुविधा (35 टक्‍के अनुदान) बीज भांडवल, ब्रँडींग व विपणन (50 टक्‍के अनुदान ) चा लाभ देखील या योजनेमध्‍ये घेता येतो.

 

नानाजी देशमुख कृषि संजिवनी योजनेमध्‍ये प्रकल्‍पामध्‍ये स्‍थानिक समाविष्‍ट शेतकरी गट व जिल्‍हयातील सर्व शेतकरी उत्‍पादक कंपन्‍याना प्रस्‍ताव सादर करता येतो. यामध्‍ये अनुदानाची टक्‍केवारी 60 टक्‍के असुन कमाल 1 कोटी पर्यंत प्रस्‍ताव सादर करता येतो. योजनेतंर्गत प्रामुख्‍याने अवजारे बँक, गोदाम, वेअर हाऊस, शीतगृह, रायपनींग चेंबर, प्रक्रिया युनिट, बीजप्रक्रिया केंद्र, दाळमिल इ. घटकांचा लाभ या योजनेमधून देता येतो. या सर्व योजनांची अर्ज प्रक्रिया सुरु असून जास्‍तीत जास्‍त लाभार्थानी योजनेचा लाभ घेण्‍यात यावा असे जिल्‍हा अधिक्षक कृषि अधिकारी तथा प्रकल्‍प संचालक (आत्‍मा) रविशंकर चलवदे यांनी सदरील कार्यशाळेस मार्गदर्शन केले.

 

तदनंतर मा. बाळासाहेब ठाकरे कृषि व्‍यवसाय व ग्रामीण परिवर्तन प्रकल्‍प (SMART), प्रधानमंत्री सुक्ष्‍म अन्‍न प्रक्रिया योजना (PMFME), नानाजी देशमुख कृषि संजिवनी प्रकल्‍प (PoCRA) या योजनेची प्रकल्‍प उपसंचालक, आत्‍मा  श्रीमती माधुरी सोनवणे यांनी सविस्‍तर मार्गदर्शन केले. यामध्‍ये विशेषत हळद संबंधीत शेतकरी उत्‍पादक कंपनीचे प्रतिनिधी व शेतकरी असे एकूण 75 उपस्थित होते. शेवटी सर्व उपस्थितांचे प्रकल्‍प उपसंचालक, आत्‍मा सौ. एम.आर. सोनवणे यांनी आभार मानून कार्यशाळेचा समारोप करण्‍यात आला. सदरील कार्यशाळेसाठी श्रीहरी बिरादार, राहूल लोहाळे व अभिषेक व्‍हटकर व राजू चौडेकर यांनी परिश्रम घेतले.  

000000