Saturday, November 4, 2017

"राजे यशवंतराव होळकर महामेष" योजनेसाठी
15 नोव्हेंबर पर्यंत अर्ज करण्याची मुदत
नांदेड, दि. 5 :- पशुसंवर्धन विभागामार्फत मेंढी पालनाच्या व्यवसायास प्रोत्साहन देण्यासाठी "राजे यशवंतराव होळकर महामेष" या राज्यस्तरीय योजनेसाठी बुधवार 15 नोव्हेंबर 2017 पर्यंत सायं. 5 वाजेपर्यंत ऑनलाईन अर्ज http://mahamesh.in/schemeinfo.aspx या संकेतस्थळावर भरता येणार आहे. अर्ज ऑनलाईन भरल्यानंतर त्याची पावती संबंधीत तालुक्याचे पशुधन विकास अधिकारी वि. पंचायत समिती यांचेकडे सादर करावी, असे आवाहन नांदेड जिल्हा पशुसंवर्धन उपआयुक्त यांनी केले आहे.  
ही योजना सन 2017-18 साठी मेंढी पालन करणाऱ्या भटक्या जमाती (भज-क) या प्रवर्गातील शेतकऱ्यांसाठी आहे. जिल्ह्यातील हिमायतनगर, हदगाव व नांदेड ही तालुके वगळून इतर तालुक्यातील पात्र शेतकरी याचा लाभ घेऊ शकतील. यासाठी कायमस्वरुपी एका ठिकाणी राहुन मेंढी पालन करणारे व स्थलांतर पद्धतीने मेंढी पालन करणारे असे दोन्ही प्रकारचे लाभार्थी पात्र राहतील. भटक्या जमाती प्रवर्गातील बचत गटांना, पशुपालक उत्पादक कंपन्यांना लाभार्थी म्हणुन प्राधान्य देण्यात येईल. मेंढीपालन करण्याबाबत स्थायी व स्थलांतरीत याबाबत कार्यक्षेत्रातील पशुधन विकास अधिकारी यांचे प्रमाणपत्र, रहिवासी दाखला, अपत्य दाखला, प्रतिज्ञापत्र आदी कागदपत्रे आवश्यक आहेत, असेही जिल्हा पशुसंवर्धन उपआयुक्त नांदेड यांनी प्रसिद्धी पत्रकात म्हटले आहे.
0000000


  वृत्त क्र.  432   नविन   पाच   इंटरसेप्टर वाहनांद्वारे   रस्ता सुरक्षा  विषयी  प्रबोधन   ·       रस्त्यावरील अपघात कमी करण्यासाठी होणार मद...