नांदेड जिल्हा पोलिस दलाच्या वतीने मिशन उडान या अभियाना अंतर्गत आज सुशिक्षित बेरोजगाराना उमेदवाराना रोजगार उपलब्ध व्हावा या उद्देशाने भव्य रोजगार मेळाव्याचे आयोजन पोलिस कवायत मैदान, वजीराबाद नांदेड येथील मैदानावर करण्यात आले आहे. या रोजगार मेळाव्यात जवळपास ११ हजार सुशिक्षित बेरोजगारांना रोजगार उपलब्ध होईल अशी अपेक्षा जिल्हा पोलिस अधीक्षक अबिनाशकुमार यांनी व्यक्त केली. आतापर्यंत जवळपास ३५०० उमेदवाराना नियुक्ती पत्र दिले असल्याचे त्यानी सांगितले.