बेरोजगार सेवा सहकारी संस्थांना आवाहन

            नांदेड दि. 30 :- जिल्हा कौशल्य विकास रोजगार व उद्योजकता मार्गदर्शन केंद्र नांदेड या कार्यालयाद्वारे स्थापन करण्यात आलेल्या सेवा संस्थांना आवाहन करण्यात आले आहे की, विक्रीकर सहआयुक्त (व्हॅट प्रशा) नांदेड यांच्या कार्यालयातील स्वच्छतेचे 8 हजार रुपये  प्रति महिना, कामाचा कालावधी 11 महिने असून हे काम 11 महिन्यांसाठी कामवाटप समितीतर्फे बेरोजगारांच्या सेवा सोसायटीस देण्यासाठी मागणी  प्राप्त झाली आहे.

            ज्या सेवा सोसायटयांचे कार्यक्षेत्र नांदेड जिल्हयातील आहे अशा पात्र व इच्छुक सेवा संस्थांनी बुधवार 11 सप्टेंबर 2019 पर्यंत परिपूर्ण प्रस्ताव जिल्हा कौशल्य विकास रोजगार व उद्योजकता मार्गदर्शन केंद्र नांदेड या कार्यालयात सादर करावेत, असे आवाहन सहायक संचालक, जिल्हा कौशल्य विकास, रोजगार व उद्योजकता, मार्गदर्शन केंद्र नांदेड यांनी केले आहे.

00000