महाजनादेश रॅली यात्रेतील लक्झरी बसेस,

इतर जड वाहनांना शहरातून जाण्यास परवानगी  

नांदेड, दि. 30 :- जिल्हाधिकारी तथा जिल्हादंडाधिकारी अरुण डोंगरे यांनी महाराष्ट्र मोटार वाहन कायदा 1988 मे कलम 115 अन्वये प्राप्त झालेल्या अधिकाराचा वापर करुन 13.2.2019 रोजीच्या नमूद अधिसुचनेद्वारे खाजगी बसेस/ट्रॅव्हल्स, सहाआसनी ॲटोरिक्षा, मिनी-डोअर, काळी-पिवळी टॅक्सी यांना नांदेड शहरामध्ये अधिसूचनेत नमूद प्रमाणे केलेली प्रवेशबंदी 30 व 31 ऑगस्ट 2019 कालावधीत केवळ मुख्यमंत्री महोदयांच्या महाजनादेशयात्रेच्या ताफ्यातील लक्झरी रथ व इतर जड वाहनास शहरात प्रवेशासाठी बंदीची अट शिथील करण्यात आली आहे.

हा आदेश केवळ मुख्यमंत्री महोदयांची महाजनादेश यात्रेकरिता अंमलात राहील. त्यानंतर हा आदेश संपुष्टात येऊन 13 फेब्रुवारी 2019 रोजीची अधिसुचना कायम राहील, असे आदेशात म्हटले आहे.

00000