रब्बी हंगाम पिक विम्यासाठी

10 जानेवारी पर्यंत मुदत

नांदेड, दि. 7 :- राज्यात प्रधानमंत्री पिक विमा योजना रब्बी हंगाम सन 2016-17 मध्ये राबविण्याचा निर्णय शासनाने घेतला आहे. ही योजना नॅशनल इंन्शुरन्स कंपनी लि.मुंबई यांचेमार्फत राबविण्यात येणार आहे. कर्जदार व बिगरकर्जदार शेतकऱ्यांना पिकविमा उतरवण्याची अंतिम तारीख मंगळवार 10 जानेवारी 2017 ही आहे. अधिकच्या माहितीसाठी  शेतकऱ्यांनी संबंधीत तालुका कृषि अधिकारी किंवा जवळच्या बँकेशी संपर्क साधावा , असे आवाहन जिल्हा अधिक्षक कृषि अधिकारी नांदेड यांनी केले आहे.

प्रधानमंत्री पिक विमा योजना कर्जदार शेतकऱ्यांना अधिसुचीत क्षेत्रातील अधिसुचीत पिकांसाठी बंधनकारक असून, बिगर कर्जदार शेतकऱ्यांना ऐच्छिक आहे. या योजनेअंतर्गत वास्तवदर्शी विमाहप्ता आकारण्यात येणार आहे. रब्बी हंगामातील पिकांसाठी 1.5 टक्के ठेवण्यात आला आहे. या योजनेअंतर्गत जोखीमस्तर सर्व पिकांसाठी 70 टक्के निश्चित करण्यात आला आहे. पिक पेरणीपासुन काढणीपर्यंतचा कालावधी नैसर्गीक आग, विज कोसळणे, गारपीट, चक्रीवादळ, पुर, दुष्काळ, पावसातील खंड, किड व रोग इत्यादीबाबीमुळे पिकांच्या उत्पादनात येणारी घट काढणी पश्चात नुकसान इत्यादी जोखीम यामध्ये समाविष्ट करण्यात आलेले आहे. नांदेड जिल्हयातील गहु (बा), ज्वारी (जि), हरभरा, करडई, सुर्यफुल व उन्हाळी भुईमुग या पिकांसाठी ही योजना लागु आहे.

या योजने अंतर्गत विमा संरक्षीत रक्कम व विमा हप्ता पुढील प्रमाणे राहणार आहे.

पीक	प्रति हेक्टर विमा संरक्षीत रक्कम	शेतकऱ्यांनी भरावयाचा पिक विमा हप्ता (रु)	विमा लागू असलेले तालुके
गहु (बा)	33000	217.80	नांदेड,अर्धापूर,मुदखेड, बिलेाली, धर्माबाद, नायगाव,मुखेड,कंधार, लोहा, हदगाव, हिमायतनगर, देगलूर, किनवट, माहूर
ज्वारी (जि)	24000	158.40	नांदेड, अर्धापूर, बिलोली, धर्माबाद, नायगाव, मुखेड, देगलूर
हरभरा	24000	158.40	नांदेड,अर्धापूर,मुदखेड,बिलोली,धर्माबाद,नायगंाव,हदगांव,हि.नगर, देगलूर
करडई	22000	145.20
सुर्यफुल	22000	330.00	मुखेड,भोकर
उन्हाळी भुईमुग	36000	237.60	मुखेड,देगलूर,बिलोली,धर्माबाद,नायगांव,कंधार,लोहा,नांदेड,अर्धापूर, मुदखेड, हदगाव, हिमायतनगर,भोकर,उमरी

000000