एकापेक्षा जास्त परवाने घेतलेल्या ऑटोरिक्षा

धारकांनी परवाने जमा करण्याचे आवाहन

 

नांदेड (जिमाका) दि. 5 :-  प्रादेशिक परिवहन विभागाच्यावतीने एका पेक्षा जास्त परवाने घेतलेल्या व्यक्तीविरुध्द कारवाई करण्यात येणार आहे.  ज्या ऑटोरिक्षा धारकांनी अटी व शर्तीचा आणि मोटार वाहन कायदा 1988 च्या कलम 86 चा भंग केलेला आहे. अशा ऑटोरिक्षा परवाना धारका विरुध्द मोटार वाहन कायद्यानुसार पोलीस व परिेवहन विभागामार्फत कायदेशिर कारवाई करण्यात येईल. त्यामुळे अशा ऑटोरिक्षा परवाना धारकांनी स्वत: 1 एप्रिल 2023 पासून 7 दिवसाच्या आत कार्यालयामध्ये परवाने जमा करावेत अन्यथा त्यांच्या विरुध्द कारवाई करण्यात येईल, असे आवाहन सहा. प्रादेशिक परिवहन अधिकारी संदिप निमसे यांनी केले आहे.

0000