प्रादेशिक परिवहन विभागाच्या वायुवेग पथकामार्फत

11 हजार 105 दोषी वाहनधारकांविरुध्द कारवाई

 

नांदेड (जिमाका) दि. 5 :- प्रादेशिक परिवहन कार्यालयाच्या वायुवेग पथकामार्फत मार्च 2023 मध्ये मोटार वाहन कायद्याचे उल्लंघन करणाऱ्या वाहनधारकांविरुध्द विशेष तपासणी मोहीम राबविण्यात आली. त्यात प्रामुख्याने सिग्नल जंप करणे 394 प्रकरणे, ट्रिपल सिट 215 प्रकरणे, अनुज्ञप्ती सादर न केलेली वाहनधारक 137, विना रिफ्लेक्टर वाहन 98, विना सिटबेल्ट वाहनधारक 145, विना परवाना वाहतुक 82, ओव्हरलोड वाहतुक 62, भरधाव वेगाने वाहन चालविणे 412 व इतर दोषी वाहनांवर कारवाई करुन 47.17 लाख रुपये दंड वसुल करण्यात आला आहे.

 

तसेच सन 2022-23 साठी शासनाने एकुण 5.50 कोटी रुपये इतके उद्दिष्ट दिले होते. त्यानुसार या कार्यालयाच्या वायुवेग पथकामार्फत एकूण 11 हजार 105 दोषी वाहनधारकांवर कारवाई करुन 6.42 कोटी रुपये दंड वसूल करण्यात आला. त्याअन्वये दिलेल्या लक्षांकानुसार 117 टक्के लक्षांक पूर्तता झाली आहे असे प्रादेशिक परिवहन अधिकारी यांनी प्रसिद्धीपत्रकाद्वारे कळविले आहे.

00000