समता पर्वानिमित्त अनु.जातीच्या मुला-मुलींना जात प्रमाणपत्राचे वितरण

 

नांदेड (जिमाका) दि. 5 :- सामाजिक न्याय व विशेष सहाय्य विभाग व सहाय्यक आयुक्त समाज कल्याण यांच्यावतीने भारतरत्न डॉ. बाबासाहेब आंबेडकर सामाजिक समतापर्व अभियान 1 एप्रिल ते 1 मे 2023 या कालावधीत राबविण्यात येत आहे. याअंतर्गत विविध योजनेच्या अनुषंगाने थेट जनतेपर्यंत संवाद साधण्याच्या हेतूने विविध उपक्रम राबविण्यात येत आहेत.

 

यात अनु.जाती मुला-मुलींच्या शासकीय निवासी शाळेतील 4 व शासकीय वसतिगृहात 16 असे जवळपास 535 जात प्रमाणपत्र प्राप्त करुन मुख्याध्यापक व गृहपाल यांनी प्रवेशित विद्यार्थ्यांना कार्यक्रमाचे आयोजन करुन जात प्रमाणपत्राचे नुकतेच वाटप केले. समाज कल्याण विभागाचे सहाय्यक आयुक्त डॉ. तेजस माळवदकर यांच्या मार्गदर्शनाखाली या कार्यक्रमाचे आयोजन करण्यात आले होते.

0000