किमान आधारभूत किंमत खरेदी योजनेंतर्गत

तूर खरेदीसाठी ऑनलाइन नोंदणी सुरु

नांदेड, दि. 7 :- किमान आधारभूत किंमत खरेदी योजनेंतर्गत हंगाम 2019-20 मध्ये हमीभावाने (हमीभाव 5 हजार 800 प्रति क्विंटल) तूर खरेदी करण्यासाठी नांदेड जिल्ह्यात  नांदेड (अर्धापूर), मुखेड, हदगाव, किनवट या ठिकाणी मार्केटिंग फेडरेशनमार्फत ऑनलाईन शेतकरी नोंदणी 1 जानेवारी ते 14 फेब्रुवारी 2020 पर्यंत सुरु आहे.

शेतकऱ्यांनी ऑनलाईन नोंदणी करावी. ऑनलाईन नोंदणी करताना तूर पिकाची नोंद असलेला ऑनलाईन सात/बारा, आधारकार्ड, बॅकपासबूक आदी कागदपत्रे देऊन नोंदणी करावी. हमीभाव खरेदी केंद्रावर तुर विक्री करुन हमीभावाचा लाभ घ्यावा, असे आवाहन  नांदेड जिल्हा पणन अधिकारी यांनी केले आहे.

00000