वृत्त क्रमांक

शेतकऱ्यांसाठी 24 तास वीज तक्रार हेल्पलाईन

 

• रोहित्र बिघाड, कृषी पंपाचा वीजपुरवठा खंडित झाल्यास 8087052830 वर संपर्क साधण्याचे आवाहन

 

नांदेड (जिमाका), दि. 17 : दुष्काळसदृश परिस्थितीच्या पार्श्वभूमीवर शेतकऱ्यांच्या वीजविषयक तक्रारींचे तातडीने निवारण करण्यासाठी महावितरणच्या नांदेड मंडळ कार्यालयामार्फत 24 तास कार्यरत हेल्पलाईन क्रमांक 8087052830 उपलब्ध करून देण्यात आला आहे. कृषी पंपाचा वीजपुरवठा खंडित होणे, रोहित्र (डीपी) जळणे अथवा बिघाड होणे तसेच अन्य तातडीच्या वीजविषयक समस्या उद्भवल्यास शेतकऱ्यांनी या हेल्पलाईनवर संपर्क साधावा.

हेल्पलाईनवर प्राप्त होणाऱ्या तक्रारींची नोंद घेऊन संबंधित महावितरण अधिकारी व कर्मचाऱ्यांशी समन्वय साधण्यात येणार असून, तक्रारींच्या निवारणासाठी आवश्यक पाठपुरावा केला जाणार आहे.

शेतकऱ्यांनी तक्रार नोंदविताना नाव, गाव, तालुका, संपर्क क्रमांक आणि तक्रारीचे स्वरूप याबाबतची माहिती देणे आवश्यक आहे. त्यामुळे तक्रारीवर तातडीने कार्यवाही करण्यास मदत होणार आहे.

दुष्काळसदृश परिस्थितीत कृषी पंपांचा वीजपुरवठा सुरळीत राहण्यासाठी शेतकऱ्यांनी 24x7 हेल्पलाईन क्रमांक 8087052830 चा उपयोग करावा, असे आवाहन महावितरणच्या नांदेड मंडळ कार्यालयामार्फत करण्यात आले आहे.

******