वृत्त क्र.  830 

गणेशोत्सव विसर्जनाच्या दिवशी 

भरणारे आठवडी बाजार राहणार बंद

 

नांदेड (जिमाका), दि. 8 :- गणेशोत्सव विसर्जन मार्गात भरणाऱ्या आठवडी बाजारामुळे रहदारीस अडथळा निर्माण होऊ नये, तसेच मिरवणूक मार्गात कायदा व सुव्यवस्थेचा प्रश्न निर्माण होऊ नये व गणेश विसर्जन शांततेत पार पाडावे यादृष्टीकोणातून नांदेड शहर व‍ जिल्ह्यात शुक्रवार 9  सप्टेंबर 2022 रोजी भरणारे आठवडी बाजार बंद ठेवण्याचे आदेश जिल्हादंडाधिकारी खुशालसिंह परदेशी यांनी निर्गमीत केले आहेत.

 

मार्केट अँड फेअर ॲक्ट 1862 चे कलम 5 (अ) अन्वये जिल्हादंडाधिकारी नांदेड यांनी हे आदेश निर्गमीत केले आहेत. आठवडी बाजार दुसऱ्या दिवशी म्हणजे शनिवार 10 सप्टेंबर 2022  रोजी भरविण्यात यावेत, असे आदेशात स्पष्ट केले आहे.   

00000