दुधाळ गायीचे / म्हैस गट वाटपासाठी

अर्ज करण्यास 15 डिसेंबर पर्यंत मुदत   

नांदेड (जिमाका) दि. 12 :-  जिल्हा वार्षिक अनुसूचित जाती उपयोजना, आदिवासी उपयोजना आणि आदिवासी क्षेत्राबाहेरील आदिवासी उपयोजना सन 2021-22 अंतर्गत 2 दुधाळ गायीचे / म्हैस गट वाटपासाठी पात्र लाभार्थ्यांचे अर्ज 15 नोव्हेंबर ते 15 डिसेंबर 2021 पर्यंत मागविण्यात आली आहेत. हे अर्ज पंचायत समिती स्तरावर स्विकारण्यात येणार आहेत. अर्जाचा नमुना व अधिकच्या माहितीसाठी पशुधन विकास अधिकारी (विस्तार) संबंधित पंचायत समिती यांच्याशी संपर्क साधावा, असे आवाहन नांदेड जिल्हा परिषदेचे जिल्हा पशुसंवर्धन अधिकारी यांनी केले आहे.

00000