टेबल टेनिस खेळाचे नियमीत प्रशिक्षणासाठी निवड चाचणी

नांदेड (जिमाका) दि. 12 :- जिल्हा क्रीडा प्रशीक्षण केंद्रांतर्गत टेबल टेनिस या खेळाचे नियमीत प्रशिक्षण आयोजित करण्यात येणार आहे. जिल्ह्यातील 7 ते 10 वर्षाच्या आतील मुला-मुलींनी 16 ते 20 नोव्हेंबर या कालावधीत जिल्हा क्रीडा संकुल इनडोअर हॉल नांदेड येथे सायं 5 ते 7 यावेळेत या निवड चाचणीसाठी उपस्थित रहावे, असे आवाहन  जिल्हा क्रीडा अधिकारी राजेश्वर मारावार  यांनी केले आहे. 

जिल्हा क्रीडा अधिकारी कार्यालयामार्फत जिल्हा क्रीडा प्रशिक्षण केंद्रांतर्गत टेबल टेनिस या खेळाचे नियमीत प्रशिक्षण सकाळी 6.30 ते 9.30 व सायं. 4 ते 8 या वेळेत चालू आहे. जिल्ह्यातील 7 ते 10 वर्षे मुला-मुलींची स्वतंत्र बॅच चालू करण्याचा मानस आहे. या निवड चाचणीतून खेळाडूंची कामगिरी लक्षात घेऊन केंद्र शासनामार्फत चालणाऱ्या टेबल टेनिस खेलो इंडिया सेंटरसाठी निवड करण्यात येणार आहे. हे नियमीत प्रशिक्षण केंद्र राज्य क्रीडा मार्गदर्शक अनिल बंदेल यांच्या मार्गदर्शनाखाली चालणार आहे.

00000