माळेगाव यात्रेत पशुसंवर्धन कार्यक्रमाचे आयोजन

नांदेड, दि. 19 :- लोहा तालुक्यातील माळेगाव यात्रा 24 ते 27 डिसेंबर 2019 या कालावधीत भरणाऱ्या भव्य खंडोबा यात्रेनिमित्त जिल्हा परिषदेच्या पशुसंवर्धन विभागाच्यावतीने कार्यक्रमाचे आयोजन करण्यात आले आहे.

या यात्रेत मंगळवार 24 डिसेंबर 2019 रोजी पशुसंवर्धन विकास ज्योत कंधार ते माळेगाव यात्रा पशुसंवर्धन विषयक प्रदर्शनी स्टॉलचे उद्घाटन व दुग्धस्पर्धा. बुधवार 25 डिसेंबर 2019 रोजी भव्य पशु, अश्व, श्वान व कुक्कुट प्रदर्शन. शुक्रवार 27 डिसेंबर 2019 रोजी पशु प्रदर्शनातील विजेत्यांना बक्षीस वितरण.

पशुप्रदर्शनासाठी पुढील प्रमाणे मार्गदर्शक सुचना सहभागी होणाऱ्या पशुपालकांसाठी देण्यात येत आहेत. पशुप्रदर्शनात भाग घेण्यासाठी प्रत्येक पशुपालकाने आपल्या जनावरांची नोंदणी करणे आवश्यक आहे. नोंदणीची वेळ सकाळी 8 ते 11 अशी राहील. नोंदणी शिवाय रिंगमध्ये प्रवेश दिल्या जाणार नाही याची नोंद घ्यावी. बक्षीस पात्र पशुपालकांना बक्षीसांसोबत प्रशस्तीपत्र दिले जाईल. प्रत्येक गटात प्रथम, द्वितीय व तृतीय व उत्तेजनार्थ बक्षीसे दिली जातील. पशुपालकांनी येतांना आधार कार्ड व बँक पासबुकची झेरॉक्स प्रत सोबत आणावी. निवड समितीचा निकाल अंतीम राहील, असे आवाहन जिल्हा पशुसंवर्धन अधिकारी जिल्हा परिषद नांदेड यांनी केले आहे.  

000000