वाहतूक मार्गात शनिवारी बदल

नांदेड दि. 9 :-  रामजन्‍मभुमी-बाबरी मस्‍जीद या प्रकरणी मा. सर्वोच्‍च न्‍यायालयाच्याअनुषंगाने कायदा व सुव्‍यवस्‍था अबाधीत रहावी, राष्‍ट्रीय एकात्‍मता जोपासणे व सर्व सामान्‍य नागरीकांचे हित लक्षात घेवून शनिवार 9 नोव्हेंबर 2019 रोजी सकाळी 8ते मध्यरात्री 12 वाजेपर्यंत पुढील मार्गावरील वाहतूक बंद ठेवून,पर्यायी मार्गाचा वापर करण्याची अधिसूचना जिल्हादंडाधिकारी नांदेड यांनी निर्गमीत केली आहे.  

वाहतूकीसाठी बंद असलेले मार्ग -आय.टी.आय.ते वजीराबाद मार्केट ते सोनु कॉर्नर पर्यंत हा रस्‍ता वाहतूकीस पुर्णपणे बंद. फुले मार्केट ते शिवाजीनगर कडे येणारा रस्‍ता पुर्णपणे बंद. शिवाजी पुतळाकडून वजीराबादकडे येणारा रस्‍ता पुर्णपणे बंद. तिरंगा चौक ते वजीराबाद चौकाकडे येणारा रस्‍ता पुर्ण पणे बंद. मिलगेटकडून बसस्‍थानक ST ओव्‍हर ब्रिजकडे येण्‍यासाठी रस्‍ता बंद हा रस्‍ता अॅक्‍सीस बॅकेजवळ बंद. डॉक्‍टर लाईनकलामंदीर जवळील रस्‍ता व डॉक्‍टर लाईन राज ऑप्‍टीकल जवळील रस्‍त्‍याने पुढे मुख्‍य रस्‍त्‍यावर येण्‍यासाठी रस्‍ता बंद. गोकुळनगर कडुन ST ओव्‍हर ब्रिज कडुन पुढे व वजीराबाद कडे जाण्‍यास रस्‍ता बंद.

वाहतूकी करीता पर्यायी मार्ग-  ज्‍यांना आय.टी.आय कडून वजीराबाद, जुना मोंढा, सिडको, हडको यायचे असेल त्‍यांनी आय.टी.आय.ते अण्‍णाभाऊ साठे चौक-चिखलवाडी-भगतसिंग चौक-जुना मोंढा-नवीन पुल-कौठा चौकी या मार्गाचा वापर करावा. ज्‍यांना सिडको, हडको ते आय.टी.आय., अण्‍णाभाऊ साठे चौक, राज कॉर्नर, नमस्‍कार चौक, आनंदनगर, इत्‍यादी भागाकडे यायचे असेल तर त्‍यांनी कौठा चौकी ते जूना मोंढा-भगतसिंग चौक-कविता रेस्‍टॉरंट-हिंगोली गेट-अण्‍णाभाऊ साठे पुतळा-किंवा कौठा चौकी ते रविनगर- गोवर्धन घाट-तिरंगा चौक ते लालवाडी-गणेशनगर अशा मार्गाचा वापर करावा. जुना मोंढा ते वजिराबाद येणारी वाहतूक ही सोनू कॉर्नर ते तिरंगा चौक अशी राहील.

मुंबई पोलीस अधिनियम 1951 कलम 33  नुसार जिल्‍हा दंडाधिकारी यांना त्‍यांच्‍या क्षेत्रात लोकांच्‍या सोयीकरीता रहदारीचे विनियमन करण्‍याचा अधिकार प्रदान आहेत. त्यामुळे मुंबई पोलीस अधिनियम 1951 चे कलम 33 अन्वये अधिकाराचा वापर करुन जिल्‍हादंडाधिकारी अरुण डोंगरे यांनी पोलीस अधीक्षक, नांदेड यांनी विनंती केल्‍यानूसार शनिवार 9 नोव्हेंबर 2019 रोजी रामजन्‍मभुमी -बाबरी मस्‍जीद या प्रकरणी मा. सर्वोच्‍च न्‍यायालय आपला निकाल जाहीर होत असल्‍याने कायदा व सुव्‍यवस्‍था अबाधीत राखणे, राष्‍ट्रीय एकात्‍मता जोपासणे व सर्व सामान्‍य नागरीकांचे हित लक्षात घेवून वाहतूकीच्‍या मार्गात बदल करुन पर्यायी मार्गाचा वापर करण्‍या बाबत अधिसूचना प्रसिध्‍द केली आहे.

            ही अधिसुचना शनिवार 9 नोव्हेंबर 2019 रोजी सकाळी 8 ते रात्री 24.00 वाजेपर्यंत अंमलात राहिल त्यानंतर ही अधिसुचना रद्द समजण्‍यात यावी, असे अधिसुचनेत नमूद केले आहे.

0000