ईद ए मिलाद निमित्त मिरवणूक

रविवार 24 नोव्हेंबर रोजी निघणार

नांदेड दि. 9 :- ईद-ए-मिलादुन्नबी निमित्त नांदेड शहरात मरकज-ए-मिलाद कमिटीच्यावतीने निजाम कॉलनी पासून मिरवणूक काढण्यात येणार होती. परंतू मा. सर्वोच्च न्यायालयाने आयोध्या येथील रामजन्मभुमी व बाबरी मस्जिद संदर्भात दिलेल्या निकालाच्या अनुषंगाने नांदेड शहरातील शांतता व सुव्यवस्था कायम रहावी यासाठी मरकज-ए-मिलाद कमिटीने पुढाकार घेऊन सर्व जमात सोबत चर्चा करुन रविवार 10 नोव्हेंबर 2019 रोजीची मिरवणूक पुढे ढकलण्याबाबत निर्णय घेतला व त्याबाबत जिल्हाधिकारी कार्यालयात आयोजित बैठकीत येऊन त्यांनी त्यांचा निर्णय जिल्हादंडाधिकारी व पोलीस अधीक्षक नांदेड यांना कळविला आहे, अशी माहिती पोलीस अधीक्षक कार्यालयाकडून देण्यात आली आहे.

0000