वीरपत्नी शितल संभाजी कदम यांना

शासकीय गायरान जमिनीचा ताबा

नांदेड दि. 22 :- महसूल व वन विभागाच्या अधिसूचनेतील तरतूदीनूसार प्राप्त अधिकाराचा वापर करुन जिल्हाधिकारी अरुण डोंगरे यांनी भारतीय सैन्‍य दलातील कर्तव्‍यावर विरमरण प्राप्‍त झालेल्‍या शहिद संभाजी यशवंतराव कदम यांचे वारस वीरपत्‍नी श्रीमती शितल संभाजी कदम यांना लोहा तालुक्यातील मौ. खरबी येथील शासकीय गायरान ग.क्र. 225 मधील 2.00 हे.आर वाटपासाठी निर्बाधरित्‍या उपलब्‍ध असलेली जमीन, कृषी प्रयोजनासाठी, भोगाधिकार मूल्‍य रहित, विना लिलाव अटी व शर्तींवर सदर जमिनीचा ताबा देण्यात येत आहे, असे आदेश जिल्हाधिकारी श्री. डोंगरे यांनी निर्गमीत केले आहे.   

याबाबत अटी व शर्ती पुढील प्रमाणे राहतील. ज्या प्रयोजनासाठी (कृषी प्रयोजनासाठी) जमीन प्रदान करण्यात आली आहे त्यासाठीच जमिनीचा उपयोग करावा. तसेच सदर जमीन भोगवटादार वर्ग-2 म्हणून धारण करील व ही जमीन गहाण विक्री किंवा खाजगी इसमांना पट्टयावर किंवा इतर शासकीय विभागास जिल्हाधिकारी नांदेड यांचे पूर्व परवानगी शिवाय हस्तांतरण करता येणार नाही. जमिनीचा ताबा देण्यात येत असल्यामुळे जमिनीवरील अतिक्रमणापासून संरक्षण करण्याची जबाबदारी संबंधीताची राहिल. ज्या प्रयोजनासाठी जमीन देण्यात आली आहे, त्यासाठी जमिनीचा वापर करावयाचा नसल्यास सदर जमीन आहे त्‍या स्थितीत शासनास परत करावी लागेल. तहसिलदार लोहा यांनी उपरोक्‍त जमिनीचा ताबा शहिद संभाजी यशवंतराव कदम यांचे वारस पत्‍नी शितल संभाजी कदम यांना दयावा तसेच अधिकार अभिलेखांत तत्संबधीत नोंदी घेवून अहवाल / अभिलेख दोन प्रतीत या कार्यालयास सादर करावेत. शासन महसूल व वन विभागाची अधिसूचना दिनांक 28 जून 2018 मध्‍ये नमूद इतर सर्व अटी व शर्तीचे पालन करण्‍यांची जबाबदारी संबंधीतांची राहिल. 

महसूल व वन विभाग अधिसूचना दिनांक 28 जून 2018 नुसार भारतीय सैन्‍य दलातील कर्तव्‍यावर विरमरण प्राप्‍त झालेल्‍या शहिद जवानाच्‍या वारसास शासकीय जमीन कृषी प्रयोजनासाठी वाटपाच्‍या अनुषंगाने कक्ष अधिकारी ज-7 अ, महसूल व वन विभाग मंत्रालय मुंबई यांनी कार्यालयीन पत्र दिनांक 15 नोव्हेंबर 2018 अन्‍वये यादी पाठवून त्‍यात भारतीय सैन्‍य दलातील कर्तव्‍यावर विरमरण प्राप्‍त झालेल्‍या शहिद जवान संभाजी यशवंतराव कदम यांचे वारस पत्‍नी श्रीमती शितल संभाजी कदम यांना शासकीय जमीन कृषी प्रयोजनासाठी वाटपाच्‍या अनुषंगाने निर्देशीत केले आहे.

            या आदेशात असेही म्हटले आहे की, महसूल व वन विभागाकडील़ शासन अधिसूचनेन्‍वये म.ज.म.(सरकारी जमीनींची विल्‍हेवाट करणे) नियम 1971 मधील नियम 11 नंतर समाविष्‍ट करण्‍यात आलेले नियम 11 अ अन्‍वये पूर्ववर्ती नियमांमध्‍ये काहीही अंतर्भूत असले तरी, परंतू नियम 12 मधील तरतूदीस अधीन राहून, भारतीय सैन्‍यदलात, किंवा सशस्‍त्र दलामध्‍ये कार्यरत असणा-या आणि या राज्‍यातील अधिवासी असणा-या जवानाच्‍या किंवा अधिकाऱ्यास कोणत्‍याही युध्‍दात किंवा युध्‍दजन्‍य परिस्थितीत किंवा कोणत्‍याही लष्‍करी कारवाईत वीरमरण आल्‍यास, अशा जवानाच्‍या अथवा अधिका-याच्‍या विधवा पत्‍नीस किंवा त्‍यांच्‍या कायदेशीर वारसास निर्बाधरित्‍या वाटपासाठी उपलब्‍ध असलेली नेमून देण्‍यायोग्‍य जमीन, कृषी प्रयोजनासाठी, भोगाधिकार मूल्‍य रहित, विनालिलाव प्रदान करण्‍यास जिल्‍हाधिकारी सक्षम राहतील, अशा सैन्‍यदलातील, किंवा सशस्‍त्र दलातील जवान अथवा अधिका-याच्‍या विधवा पत्‍नीस किंवा त्‍यांच्‍या कायदेशीर वारसास याप्रमाणे जमीन प्रदान करतांना उत्‍पन्‍नाची मर्यादा आवश्‍यक राहणार नाही असे नमूद आहे.

            उपविभागीय अधिकारी कंधार यांनी शहिद संभाजी यशवंतराव कदम यांचे वारस पत्‍नी श्रीमती शितल संभाजी कदम यांना कृषी प्रयोजनासाठी लोहा तालुक्यातील मौ. खरबी येथील ग.क्र. 225 मधील क्षेत्र 2.00 हे.आर शासकीय जमीन प्रदान बाबत प्रपत्र अबकड, प्रपत्र 1 ते 30 मुद्दे, शहिद वीरपत्‍नी यांचे विषयांकित जमीनीस सहमती असले बाबतचे पत्र, विषयांकित जमिनीचा 7/12 उतारा, ग्रामपंचायत ठराव, भुमी अभिलेख कार्यालयाचा मोजणी नकाशा, तलाठी स्‍थळ पाहणी पंचनामा अहवाल, नगररचना कार्यालयाचे आरक्षणाबाबतचे अभिप्रायची प्रत जोडून विषयांकित जमीन शासन महसूल व वन विभागाचे अधिसूचना दिनांक 28 जून 2018 नूसार म.ज.म.(सरकारी जमीनींची विल्‍हेवाट करणे) नियम 1971 मधील नियम 11 नंतर समाविष्‍ट करण्‍यात आलेले नियम 11 अ अन्‍वये भारतीय सैन्‍य दलातील कर्तव्‍यावर विरमरण प्राप्‍त झालेल्‍या शहिद जवानाच्‍या वारसास जमीन वाटपाबाबत तरतुदीन्‍वये जमीन प्रदान करणे बाबतची शिफारस ही केली आहे. 

            विरपत्‍नी श्रीमती शितल संभाजी कदम यांनी उपविभागीय अधिकारी कंधार यांनी प्रस्‍तुत कार्यालयास सादर केलेल्‍या जमीन प्रदान बाबतचे प्रस्‍तावाच्‍या अनुषंगाने लोहा तालुक्यातील मौ. खरबी येथील ग.क्र. 225 मधील 2.00 हे.आर शासकीय जमीनीस आपली सहमती असले बाबतचे पत्र सादर केले आहे. या प्रकरणात नगररचना कार्यालयाने विषयांकित जमीन कृषी प्रयोजनासाठी प्रदान करण्‍यास नाहरकत दिली आहे. जरी खरबी ग्रामपंचायतने नकारात्‍मक ठराव पारित केलेला असला तरीही प्रकरणांत प्रदान करण्‍यात येत असलेली जमीन ही एक महान उद्देशाच्‍या पूर्ततेसाठी (Noble Cause) असल्‍यामुळे अधिसूचनेतील तरतूदीनूसार प्राप्त अधिकाराचा वापर करुन जिल्हाधिकारी अरुण डोंगरे यांनी भारतीय सैन्‍य दलातील कर्तव्‍यावर विरमरण प्राप्‍त झालेल्‍या शहिद संभाजी यशवंतराव कदम यांचे वारस वीरपत्‍नी शितल संभाजी कदम यांना मौ. खरबी ता. लोहा येथील शासकीय गायरान ग.क्र. 225 मधील 2.00 हे.आर वाटपासाठी निर्बाधरित्‍या उपलब्‍ध असलेली जमीन, कृषी प्रयोजनासाठी, भोगाधिकार मूल्‍य रहित, विना लिलाव अटी व शर्तींवर सदर जमिनीचा ताबा देण्यात आला आहे. 

000000