जिल्ह्याबाहेर गुरांचा चारा वाहतुकीस बंदी  

नांदेड, दि. 22 :- महाराष्ट्र वैरण (निर्यात नियंत्रक) आदेश 2001 मधील तरतुदीनुसार नांदेड जिल्ह्यातून गुरांचा चारा, गवत, वैरण जिल्ह्याबाहेर अन्यत्र वाहतुकीस बंदी घालण्याबाबत आदेश जिल्हाधिकारी अरुण डोंगरे यांनी निर्गमीत केला आहे. या आदेशाची अंमलबजावणी 22 जानेवारी पासून पुढील आदेशापर्यंत राहील

जिल्ह्यात सन 2018 च्या मान्सून हंगामामध्ये सप्टेंबर व ऑक्टोंबर मध्ये अत्यंत अल्प पर्जन्यमान झाले असल्यामुळे जिल्ह्यात चारा टंचाई उद्भवण्याची दाट शक्यता आहे. जिल्ह्यातील तीन तालुक्यात दुष्काळ घोषित करण्यात आला आहे. इतर महसूल मंडळात दुष्काळ घोषित करुन तेथे सवलती लागू करण्यात आल्या आहेत, असेही आदेशात नमूद केले आहे.  

00000