26 जानेवारी ते 10
फेब्रुवारी कालावधीत
लोकशाही पंधरवडाचे
आयोजन
नांदेड, दि. 24 :- प्रत्येक
निवडणुकांमध्‍ये मतदारांनी मतदानाचा हक्‍क बजावावा. तसेच लोकशाही निवडणूक आणि
सुशासन याविषयाच्‍या अनुषंगाने स्‍थानिक स्‍वराज्‍य संस्‍था व महाविद्यालयांनी 26
जानेवारी ते 10 फेब्रुवारी या कालावधीत विविध कार्यक्रम घेऊन लोकशाही पंधरवाडा
यशस्‍वी करावा, असे आवाहन जिल्‍हाधिकारी तथा जिल्हा निवडणुक अधिकारी अरुण डोंगरे
यांनी केले आहे.
भारतीय संविधानातील 73 व 74 व्‍या घटनादुरुस्‍तीस 25 वर्षे पुर्ण झाल्‍याच्‍या
निमित्‍ताने नोव्हेंबर 2017 पासुन लोकशाही, निवडणूक व सुशासन या विषयावर राष्‍ट्रीय
व आंतरराष्‍ट्रीय परीषदेचे नियोजन करण्‍यात आलेले होते. त्‍याअनुषंगाने
26 जानेवारी ते 10 फेब्रुवारी 2019 या कालावधीत लोकशाही पंधरवडा साजरा करण्‍याचे
निर्देश राज्‍य निवडणुक आयोगाने दिले आहेत.
विविध प्रयत्‍नाने आपली लोकशाही अधिकाधिक
मजबुत करणे, लोकशाही विकेंद्रीकरणाची कास धरणाऱ्या राष्‍ट्रपिता महात्‍मा गांधीचे
150 वे जयंती वर्ष आहे. त्‍यांच्‍या स्‍वप्‍नाची पुर्तता करणाऱ्या 73 व्‍या व 74
व्‍या घटना दुरुस्‍तीचे रौप्‍य महोत्‍सव वर्षानिमित्त यावर्षात व पुढील सर्व
निवडणुकात मतदारांचा राष्‍ट्रीय कर्तव्‍य भावनेतून सहभाग कसा वाढवता येईल याबाबत
लोकशाही पंधरवाडयात 26 जानेवारी च्‍या मुख्‍य ध्‍वजारोहण कार्यक्रमामध्‍ये चित्ररथ
तयार करुन त्‍याचे सादरीकरण करण्‍यात येणार आहे. ध्‍वजारोहणास उपस्थित प्रमुख वक्‍त्‍यांच्‍या
भाषणात सदरील विषय अंतर्भुत करण्‍यात आला आहे. तसेच मतदारांना मतदानासाठी प्रोत्‍सा‍हीत
करणे, मतदान टक्‍केवारी वाढविण्यासाठी विविध उपाय योजना करण्‍यात येत आहेत. तसेच
जिल्‍ह्यातील विविध महाविद्यालयात या पंधरवाड्याच्‍या कालावधीत निबंध स्‍पर्धा, वकृत्व
स्‍पर्धा आदी स्‍पर्धा स्‍वामी रामानंद तिर्थ विद्यापीठ नांदेड मार्फत आयोजीत करण्‍यात
येणार आहेत. त्‍याअनुषंगाने सर्व विद्यार्थ्यांना या स्‍पर्धांमध्‍ये मोठया प्रमाणावर सहभाग नोंदविण्‍याबाबत नांदेड
जिल्हा प्रशासनामार्फत आवाहन करण्‍यात आले आहे.
मतदार
जनजागृतीबाबत जिंगल्‍स तयार करुन त्‍या आकाशवाणी केंद्रावरुन 26 जानेवारी ते 10
फेब्रुवारी 2019 या कालावधीत सर्वत्र प्रक्षेपित करण्‍यात येणार आहेत.
महानगरपालीका व जिल्हा परीषद कार्यक्षेत्रात पोस्‍टर्स, बॅनर्स तयार करुन
पंधरवाडयाची व्‍यापक प्रसिद्धी करण्‍यात आली आहेत, असेही प्रसिद्धी पत्रकात नमूद
केले आहे.
000000
No comments:
Post a Comment