शासकीय तंत्रनिकेतनमध्ये

सी.एन.सी. प्रोग्रामिंगवर प्रशिक्षणाचे आयोजन

नांदेड, दि. 24 :- प्राध्यापकांनी आधुनिक तंत्रज्ञानाची माहिती करुन घेणे आवश्यक असून  प्रशिक्षणातून याबाबी शिकावयास मिळतात, असे प्रतिपादन डॉ. व्ही. एम. नांदेडकर यांनी केले.  

राज्यातील तंत्रनिकेतनमधील यंत्र अभियांत्रिकी अध्यापकांसाठी आयोजित शासकीय तंत्रनिकेतन नांदेड येथील यंत्र अभियांत्रिकी विभागाने सी.एन.सी. प्रोग्रामिंगवर आधारित एका आठवडयाचे प्रशिक्षणाचे उद्घाटन डॉ. नांदेडकर यांच्या हस्ते झाले. त्यावेळी ते बोलत होते. कार्यक्रमाच्या अध्यक्षस्थानी संस्थेचे प्राचार्य डॉ. जी. व्ही गर्जे हे होते.

डॉ. गर्जे यांनी नवीन अभ्यासक्रमाची गरज पाहता शिक्षकांच्या निरंतर प्रशिक्षणाची आवश्यकता ओळखून हे प्रशिक्षण आयोजित केले असे सांगितले. प्रशिक्षणाचा लाभ विद्यार्थ्यांपर्यंत पोहचविण्याच्या सूचनाही त्यांनी दिल्या.

यंत्र अभियांत्रिकी विभागाने पुढाकार घेऊन तंत्रशिक्षण संचालनालयाच्या संयुक्त विद्यमाने प्रशिक्षण कार्यक्रमाचे आयोजन केले आहे. प्रशिक्षणाच्या आयोजनाबद्दल संस्थेचे व प्राचार्यांचे डॉ. नांदेडकर यांनी अभिनंदन केले.

राज्यातील गडचिरोली, ठाणे, वाशिम, यवतमाळ, उस्मानाबाद या विविध शासकीय तंत्रनिकेतन, मधील प्राध्यापकांनी सहभाग घेतला आहे. आठवडयाभरात तज्ज्ञ मार्गदर्शकांची व्याख्याने व विविध प्रकारच्या सी.एन.सी. मशिनवर आधारित प्रात्यक्षिकांचे आयोजन करण्यात आले आहे.

प्रास्ताविक समन्वयक यंत्र विभाग प्रमुख प्रा. आर. एम. सकळकळे यांनी केले तर सूत्रसंचालन प्रा. एस. ए. कुलकर्णी केले. शेवटी आभार डॉ. एस. एस. चौधरी यांनी मानले. कार्यक्रमाच्या यशस्वीतेसाठी यंत्र विभागातील अधिकारी व कर्मचारी वर्गाने आपले योगदान दिले.     

0000000