स्पर्धा परीक्षा मार्गदर्शन शिबिरात

बुधवारी प्रा. हांडे यांचे व्याख्यान

            नांदेड दि. 3 :- स्पर्धा परीक्षेची तयारी करणाऱ्या विद्यार्थ्यांसाठी जिल्हाधिकारी कार्यालय सेतू समिती, नांदेड वाघाळा शहर महानगरपालीका, जिल्हा ग्रंथालय अ‍धिकारी यांच्यावतीने “उज्ज्वल नांदेड" माहिमेअतंर्गत बुधवार 5 एप्रिल 2017 रोजी सायंकाळी 5 वा. स्पर्धा परीक्षा मार्गदर्शन शिबिराचे आयोजन करण्यात आले आहे. त्यामध्ये  डॉ. शंकरराव चव्हाण प्रेक्षागृह नांदेड येथे "मराठी व्याकरण, कायदा व राज्य उत्पादन शुल्क पूर्व परीक्षेची तयारी" या विषयांवर औरंगाबाद येथील विषयतज्ज्ञ प्रा. कपील हांडे हे विद्यार्थ्यांना मार्गदर्शन करणार आहेत. 

यावेळी जिल्हा परिषदेचे मुख्य कार्यकारी अधिकारी अशोक शिनगारे, नांदेड मनपा आयुक्त समीर उन्हाळे, निवासी उपजिल्हाधिकारी जयराज कारभारी यांची प्रमुख उपस्थिती राहणार आहे. यावेळी विविध स्पर्धा परीक्षेत निवड झालेल्या विद्यार्थ्यांचा मान्यवरांच्या हस्ते सत्कार होणार आहे.

स्पर्धा परीक्षेची तयारी करणाऱ्या विद्यार्थ्यांनी या शिबिरास उपस्थित रहावे, असे आवाहन संयोजकाच्यावतीने करण्यात आले आहे.

000000