वृत्त क्रमांक

सैनिकी मुलांच्या वसतिगृहासाठी किराणा साहित्य पुरवठादारांनी  15 ऑक्टोबरपर्यंत दरपत्रके सादर करण्याचे आवाहन

नांदेड (जिमाका), दि. 9 : विष्णुपुरी, झरी रोड, नांदेड येथील सैनिकी मुलांच्या वसतिगृहातील विद्यार्थ्यांच्या भोजन व्यवस्थेसाठी आवश्यक असलेल्या किराणा साहित्याचा नियमित पुरवठा करण्यासाठी पुरवठादारांकडून दरपत्रके मागविण्यात आली आहेत. 

या वसतिगृहाची क्षमता 50 विद्यार्थ्यांची असून, येथे सैनिकांच्या मुलांच्या निवासासह भोजनाची व्यवस्था करण्यात येते. वसतिगृहाच्या भोजनगृहासाठी आवश्यक असलेल्या सर्व प्रकारच्या किराणा साहित्याचे दरपत्रक पुरवठादारांनी बंद लिफाफ्यातून सादर करावे.

इच्छुक पुरवठादारांनी किराणा साहित्याच्या यादीप्रमाणे प्रत्येक वस्तूचे दर किलो, ग्रॅम अथवा तोळा या योग्य परिमाणानुसार नमूद करून आपली दरपत्रके 15 ऑक्टोबर 2026 पर्यंत सैनिकी मुलांचे वसतिगृह, विष्णुपुरी, झरी रोड, नांदेड येथे सादर करावीत. किराणा साहित्याची सविस्तर यादी वसतिगृहात उपलब्ध आहे.

निर्धारित मुदतीनंतर प्राप्त होणाऱ्या दरपत्रकांचा विचार केला जाणार नाही. प्राप्त झालेली दरपत्रके 15 ऑक्टोबर 2026 रोजी जिल्हा सैनिक कल्याण अधिकारी, नांदेड यांच्या समक्ष उघडण्यात येतील. कोणतेही दरपत्रक स्वीकारण्याचा अथवा नाकारण्याचा अधिकार संबंधित कार्यालयाने राखून ठेवला आहे. 

अधिक माहितीसाठी इच्छुक पुरवठादारांनी 8380873985 या दूरध्वनी क्रमांकावर संपर्क साधावा, असे आवाहन सैनिकी मुलांचे वसतिगृहाच्या अधीक्षकांनी केले आहे.

***