वृत्त क्रमांक 

महिन्याच्या पहिल्या सोमवारी होणारा ऑक्टोबरचा लोकशाही दिन रद्द

विधान परिषद निवडणुकीच्या पार्श्वभूमीवर निर्णय

नांदेड (जिमाका), दि. 28 : सामान्य प्रशासन विभागाच्या निर्देशानुसार जिल्हाधिकारी कार्यालय, नांदेड येथे सर्वसामान्य जनतेच्या तक्रारी व अडचणींचे तातडीने निराकरण करण्यासाठी दर महिन्याच्या पहिल्या सोमवारी आयोजित करण्यात येणारा जिल्हास्तरीय लोकशाही दिन रद्द करण्यात आला आहे. 

भारत निवडणूक आयोगाने दि. 22 सप्टेंबर 2026 रोजी महाराष्ट्र विधान परिषदेच्या 3 पदवीधर व 2 शिक्षक मतदारसंघातील रिक्त जागांसाठी द्वैवार्षिक निवडणुकीचा कार्यक्रम जाहीर केला आहे. आयोगाच्या निर्देशानुसार संबंधित मतदारसंघांमध्ये आदर्श आचारसंहिता तत्काळ प्रभावाने लागू झाली आहे.

या पार्श्वभूमीवर माहे ऑक्टोबर 2026 मधील पहिला सोमवार, दि. 5 ऑक्टोबर 2026 रोजी जिल्हाधिकारी कार्यालय, नांदेड येथे आयोजित करण्यात येणारा लोकशाही दिन रद्द करण्यात येत आहे. सर्व संबंधित नागरिकांनी याची नोंद घ्यावी, असे आवाहन जिल्हाधिकारी कार्यालयाने केले आहे. 

**