वृत्त क्रमांक 1173

सार्वजनिक ठिकाणी पक्षांचे चित्रे, कापडी फलके, सार्वजनिक ठिकाणी भाषणावर निर्बंध

नांदेड दि.9 नोव्हेंबर:- राज्य निवडणूक आयोगाने नांदेड जिल्ह्यातील 12 नगरपरिषदांसह एका नगरपंचायतीच्या सार्वत्रिक निवडणूकांचा कार्यक्रम 4 नोव्हेंबर 2025 रोजी घोषित केला आहे. त्यादिवशीपासून निवडणूक कार्यक्षेत्रात आदर्श आचार संहिता अंमलात आलेली आहे.

देगलूर, भोकर, धर्माबाद,  किनवट, उमरी,  हदगांव,  मुखेड,  कंधार, बिलोली, कुंडलवाडी, मुदखेड,  लोहा या 12 नगरपरिषदांसह, हिमायतनगर नगरपंचायतीच्या स्थानिक स्वराज्य संस्थाच्या निवडणुकीची प्रक्रीया शांततेत, निर्भय व न्याय वातावरणात पार पडावी यादृष्टीने भारतीय नागरिक सुरक्षा संहिता 2023 चे कलम 163 नुसार स्थानिक स्वराज्य संस्थाच्या कार्यक्षेत्रात निवडणूक‍ कालावधीत सार्वजनिक ठिकाणी पक्षांचे चित्रे, चिन्हांचे कापडी फलके, सार्वजनिक ठिकाणी भाषण देण्यास प्रतिबंध करण्यात आला आहे असे आदेश जिल्हादंडाधिकारी राहुल कर्डिले यांनी निर्गमित केले आहेत. 

हा आदेश नांदेड जिल्ह्यातील स्थानिक स्वराज्य संस्था मतदार संघ कार्यक्षेत्रात आदेश निर्गमित झाल्यापासून ते निवडणूक प्रक्रीया पूर्ण होईपर्यत म्हणजेच दि. 3 डिसेंबर 2025 पर्यत अंमलात राहील. 

00000