वृत्त क्रमांक 970

छत्रपती शिवाजी महाराज महाराजस्व अभियानांतर्गत “सेवा पंधरवडा”

लोकअदालतीच्या धर्तीवर अपील प्रकरणे तडजोडीने निकाली काढणार

नांदेड दि. 15 सप्टेंबर :– शासन निर्णयान्वये 17 सप्टेंबर 2025 ते 02 ऑक्टोबर 2025 या कालावधीत छत्रपती शिवाजी महाराज महाराजस्व अभियानांतर्गत “सेवा पंधरवडा” साजरा करण्यात येणार आहे. या अभियानाचा भाग म्हणून उपविभागीय कार्यालयाच्या स्तरावर दाखल झालेली अपील प्रकरणे लोकअदालत मोहीमेच्या धर्तीवर तडजोडीने निकाली काढण्यात येणार आहे.

यासंदर्भात सर्व पक्षकार व त्यांचे विधीज्ञ यांना कळविण्यात येते की, आपसातील तडजोडनुसार किंवा स्वसंमतीने प्रकरणे निकाली काढावयाची असल्यास, त्यांनी स्वतः किंवा आपल्या विधीज्ञामार्फत 01 ऑक्टोबर 2025 पर्यंत लिखीत स्वरूपात निवेदन सादर करावे.

अशा प्रकारे प्राप्त झालेली निवेदने “सेवा पंधरवडा” या कालावधीत निकाली काढण्याच्या कार्यवाहीत समाविष्ट करण्यात येतील. त्यामुळे संबंधित पक्षकारांनी आपल्या अपील प्रकरणांच्या तडजोडीबाबत तपशीलवार निवेदन सादर करून सहकार्य करावे, असे आवाहन उपविभागीय अधिकारी डॉ. सचिन खलाळ नांदेड यांनी केले आहे.

००००