वृत्त क्रमांक 796

अण्णासाहेब पाटील आर्थिक मागास विकास महामंडळाच्या 

योजनासाठी कौशल्य विकास रोजगार व उद्योजकता केंद्राशी संपर्क साधावा

या योजनांसाठी त्रयस्थ व्यक्तीशी आर्थिक व्यवहार करु नये

नांदेड दि. 1  ऑगस्ट : कौशल्य विकास विभागांतर्गत कार्यरत अण्णासाहेब‍ पाटील आर्थिक मागास विकास महामंडळामार्फत वैयक्तीक  कर्ज व्याज परतावा योजना व गट प्रकल्प कर्ज व्याज परतावा योजना राबविल्या जातात. या योजनांसाठी जिल्हा कौशल्य विकास, रोजगार व उद्योजकता मार्गदर्शन केंद्राशी साधावा, असे आवाहन कौशल्य विकास रोजगार व उद्योजकता विभागाचे सहाय्यक आयुक्त डॉ. रा. म. कोल्हे यांनी केले आहे. 

या योजना ऑनलाईन असून याबाबत महामंडळ विनामुल्य सेवा देते. वरील योजना या WWW.UDYOG.MAHASWAYAM.GOV.IN या वेब पोर्टलवर राबविल्या जातात. या योजनेसाठी महामंडळाने कोणत्याही त्रयस्थ, संस्थेची नेमणूक केलेली नाही. तसेच महामंडळाकडे अर्ज करण्यासाठी कोणतेही शुल्क आकारले जात नाही. त्यामुळे उमेदवारानी कोणत्याही त्रयस्थ व्यक्ती किंवा संस्थेशी आर्थिक व्यवहार करु नये. अधिक माहितीसाठी कौशल्य विकास रोजगार व उद्योजकता केंद्र, यांचे कार्यालय शासकीय तंत्र प्रशाला केंद्र, पहिला मजला, आनंद नगर रोड, बाबानगर नांदेड येथे संपर्क साधावा. 

0000