क्रांती सुर्य महात्मा ज्योतिबा फुले यांच्या जयंती निमित्त

बक्षीस वितरण कार्यक्रम संपन्न

 

नांदेड (जिमाका) दि. 11 :- सामाजिक न्याय व विशेष सहाय्य विभागाअंतर्गत 1 एप्रिल ते 1 मे 2023 या कालावधीत भारतरत्न डॉ. बाबासाहेब आंबेडकर सामाजिक समता पर्व अभियान राबविण्यात येत आहे. या अभियानातर्गंत सामाजिक न्याय विभागाच्या विविध योजनांबाबत थेट जनतेशी संवाद साधण्यावर भर दिला जात आहे.   

सामाजिक समता पर्वा निमित्त क्रांतीसुर्य महात्मा ज्योतिबा फुले यांच्या जयंती निमित्त प्रा. डॉ. किरण सगर यांचे  व्याख्यान आयोजित करण्यात आले होते. जवाहरलाल नेहरू समाज कार्य महाविद्यालयात आयोजित या कार्यक्रमास विद्यार्थी मोठया संख्येने उपस्थित होते. यावेळी समता पर्वा निमित्ताने घेतलेल्या विविध स्पर्धाच्या विजेत्यांना प्रमाणपत्र व स्मृती चिन्ह देण्यात आले. 

कार्यक्रमांच्या अध्यक्षा श्रीमती प्रा. डॉ. निरंजन कौर सरदार या होत्या. यावेळी क्रांती सुर्य महात्मा ज्योतिबा फुले यांनी केलेल्या कार्याची माहिती देण्यात आली. या कार्यक्रमास समाज कल्याण अधिकारी बी.एस.दासरी यांनी विद्यार्थ्यांना मार्गदर्शन केले. समाज कल्याण निरीक्षक आर.डी. सुर्यवंशी, पी.जी. खानसोळे, के.टी. मोरे , श्रीमती एम.पी. राठोड, श्रीमती व्हडगीर, दत्तहरी कदम, लिपिक डी.आर दवणे, विजय गायकवाड, कैलास राठोड, महेश इंगेवाड  यांची उपस्थिती होती. तसेच जवाहरलाल नेहरु  समाजकार्य  महाविद्यालयाचे प्राध्यापक व कर्मचारी उपस्थित होते. 

0000