समता पर्व अभियान अंतर्गत स्वच्छता मोहीम   

नांदेड (जिमाका) दि. 11 :- सामाजिक न्याय व विशेष सहाय्य विभागाअंतर्गत 1 एप्रिल ते 1 मे 2023 या कालावधीत भारतरत्न डॉ. बाबासाहेब आंबेडकर सामाजिक समता पर्व अभियान राबविण्यात येत आहे. या अभियानातर्गंत सामाजिक न्याय विभागाच्या विविध योजनांबाबत थेट जनतेशी संवाद साधण्यावर भर दिला जात आहे.  

सामाजिक समता पर्वा निमित्त स्वच्छता मोहिमे अंतर्गत 10 एप्रिल 2023  रोजी वैशाली नगर येथील बौध्द विहार परीसराची स्वच्छता  करण्यात आली.  यावेळी सामाजिक न्याय विकास योजनाची माहिती देण्यात आली. या कार्यक्रमास समाज कल्याण निरीक्षक के.टी. मोरे, लिपीक दिनेश दवणे, पांडुरंग दोंतुलवाड यांनी या कार्यक्रमास उपस्थित राहून परिसराची स्वच्छता केली. यावेळी परिसरातील नागरिकांना समाज कल्याण विभागाच्या योजनांची माहिती देण्यात आली. 

00000