राष्ट्रीय इंडियन मिलिटरी कॉलेज देहराडुन

प्रवेशपूर्व पात्रता परीक्षेचे आयोजन   

 

नांदेड (जिमाका) दि.  3 :- महाराष्ट्र राज्य परीक्षा परिषद पुणे यांच्यामार्फत घेण्यात येणाऱ्या राष्ट्रीय इंडियन मिलिटरी कॉलेज, देहराडून प्रवेश पात्रता परीक्षा 4 जुन 2022 रोजी घेण्यात येणार आहे. या परीक्षेसाठी विद्यार्थी व विद्यार्थीनीचे वय 1 जानेवारी 2023 रोजी 11 वर्ष 6 महिने किंवा 13 वर्षापेक्षा जास्त नसावे. प्राप्त अर्ज परिपूर्ण भरून सोबत आवश्यक कागदपत्र जोडून मा. आयुक्त महाराष्ट्र  राज्य परीक्षा परिषद 17 डॉ. आंबेडकर मार्ग लाल देऊळाजवळ पुणे या पत्यावर 25 एप्रिल 2022 पर्यत पाठवावे. यानंतर आलेले अर्ज स्विकारले जाणार नाही,  असे आवाहन जिल्हा परिषदचे शिक्षणाधिकारी यांनी  केले आहे.

 

अनुसूचित जाती / जमातीसाठी डीडी सोबत जातीच्या दाखल्याची सत्यप्रत / छायांकित पत्र पाठविणे आवश्यक आहे. डीडी पाठवितांना आपल्याला जे आवेदनपत्र फार्म मागायचा आहे तो पत्ता पिन कोड सह अचूक नमूद करावा. विद्यार्थी-विद्यार्थिनी 1 जानेवारी 2023 रोजी कोणत्याही मान्यताप्राप्त शाळेमध्ये इयत्ता 7 वा वर्ग उत्तीर्ण  असावा. अशा सर्व विद्यार्थ्यांसाठी अर्ज ऑनलाईन किंवा ऑफलाईन परीक्षेसाठी मा. कमांडंट राष्ट्रीय इंडियन मिलिटरी कॉलेज, देहराडुन उत्तराखंड यांच्याकडे सर्वसाधारण उमेदवारांसाठी 600 रूपयेचा डीडी व अनुसूचित जाती / जमातीसाठी 555 रूपयेचा डीडी मा. कमांडंट राष्ट्रीय भारतीय सैन्य कॉलेज देहराडुन स्टेट बँक ऑफ इंडिया तेल भवन देहराडुन या नावाने बँक कोड नंबर 01576 यांच्या नावाने काढावा. हा डीडी मा.कमांडंट राष्ट्रीय इंडियन मिलिटरी कॉलेज,देहराडून उत्तराखंड 248003 या पत्तावर पाठवावा. तसेच ऑनलाईन शूल्क भरून www.r.mc.gov.in या संकेतस्थळावरून अर्जाची मागणी करता येईल.

000000