भूजल सर्वेक्षण विकास यंत्रणेच्यावतीने रक्तदान शिबिर संपन्न 

नांदेड (जिमाका) दि. 15 :- भूजल सर्वेक्षण आणि विकास यंत्रणेच्या सुवर्ण महोत्सवी वर्षानिमित्त संचालक डॉ. मल्लिनाथ कलशेट्टी यांच्या संकल्पनेतून नांदेड जिल्हा कार्यालयाच्यावतीने भव्य रक्तदान शिबिर आयोजित करण्यात आले होते. या शिबिराचे उद्घाटन वरिष्ठ भूवैज्ञानिक एस. बी. गायकवाड यांच्या हस्ते नुकतेच करण्यात आले. 

कार्यालयासह प्रयोगशाळेतील जवळपास 20 रक्तदात्यांनी यात सहभाग नोंदवला होता. रक्त संकलन हे श्री गुरुगोविंद सिंघजी सेवा प्रतिष्ठान संचलित गोळवलकर गुरुजी ब्लड बँकेचे तंत्रज्ञ उदय राऊत, राजेश दुडकिकर यांनी संकलन केले. या शिबिरासाठी अनुजैविक तज्ज्ञ श्रीमती संगीता पोपलाईकर यांनी विशेष परिश्रम घेतले. यावेळी रक्तदात्यांना प्रमाणपत्र देऊन सन्मान करण्यात आला. याप्रसंगी नेहरु युवा केंद्राच्या जिल्हा युवा अधिकारी श्रीमती चंदा रावलकर यांच्या हस्ते तंत्रज्ञाचा सत्कार करण्यात आला.

*****