शासकीय अध्यापक महाविद्यालयात संविधान दिवस संपन्न

नांदेड (जिमाका) दि. 3 :- शासकीय अध्यापक महाविद्यालयात भारतीय संविधानाच्या उद्देशिकेचे सामुहिक वाचन करुन 26 नोव्हेंबरला संविधान दिवस साजरा करण्यात आला. यावेळी निबंध स्पर्धेचेही आयोजन करण्यात आले होते. संविधान दिनाचे महत्व प्रशिक्षणार्थी गंगाधर बोईवार यांनी ऑनलाईन पध्दतीने त्यांच्या मनोगतातून व्यक्त केले. 

या कार्यक्रमास महाविद्यालयातील सर्व प्राध्यापक, कार्यालयीन कर्मचारी, ग्रंथपाल व सेवकवर्ग यांची उपस्थित होते. यावेळी प्राचार्या डॉ. सुनंदा रोडगे यांनी 26 नोव्हेंबर रोजी मुंबईत घडलेल्या बॉबस्फोट व हुतात्मा अधिकारी व सामान्य नागरीक यांना एक मिनीट स्तब्ध राहून श्रध्दांजली अर्पण करण्यात आली. कार्यक्रमाचे सुत्रसंचालन, प्रास्तविक व आभार प्रा. डॉ. मुरुमकर यांनी मानले.

00000