कोरोना व्हायरसचा धोका :

राष्ट्रीय लोकअदालत 25 एप्रिलला ;

इतर कायदेविषयक शिबीर रद्द

नांदेड दि. 18 :- महाराष्ट्र राज्य विधी सेवा प्राधिकरणाने कोरोना व्हायरसचा धोका लक्षात घेऊन 11 एप्रिल रोजीची राष्ट्रीय लोकअदालत 25 एप्रिल रोजी आयोजीत करण्याचे कळविले आहे. महाराष्ट्र राज्य विधी सेवा प्राधिकरण मुंबई यांचे सर्वसामान्य किमान कार्यक्रमांतर्गत घेण्यात येणारे सर्व कायदेविषयक शिबीरे, कार्यक्रम व मोबाईल व्हॅन इत्यादी कार्यक्रम पुढील आदेश येईपर्यंत रद्द करण्याचे कळविले आहे. 

मुंबई राज्य विधी सेवा प्राधिकरण यांच्या आदेशान्वये जिल्हा विधी सेवा प्राधिकरण नांदेड यांच्याकडून 11 एप्रिल रोजी जिल्हा न्यायालय नांदेड व जिल्ह्यातील सर्व तालुका न्यायालयात तसेच कौटुंबिक न्यायालय, कामगार न्यायालय व सहकार न्यायालय नांदेड येथे राष्ट्रीय लोकअदालतचे आयोजन करण्यात आले होते, अशी माहिती जिल्हा विधी सेवा प्राधिकरण नांदेड यांनी दिली आहे.  

000000