दहावी व बारावी परीक्षा केंद्र

परिसरात 144 कलम  

नांदेड दि. 21 :- जिल्ह्यात माध्यमिक शालांत प्रमाणपत्र परिक्षा (दहावी) केंद्रावर 1 ते 22 मार्च 2019 या कालावधीत व उच्च माध्यमिक शालांत प्रमाणपत्र परिक्षा (बारावी) केंद्रावर 21 फेब्रुवारी ते 20 मार्च 2019 या कालावधीत परीक्षा केंद्रापासून 100 मीटरच्या परिसरात सकाळी 8 ते सायं 6 वाजेपर्यंतच्या कालावधीत परीक्षार्थी व परीक्षेच्या कामाशी संबंधीत असलेले अधिकारी व कर्मचारी या व्यतिरिक्त इतर कोणत्याही व्यक्तीस प्रवेश करता येणार नाही. तसेच यावेळेत परीक्षा केंद्राच्या परिसरातील 100 मीटर पर्यंतची सर्व सार्वजनिक टेलिफोन्स/ एस.टी.डी/ आय.एस.डी/भ्रमणध्वनी/फॅक्स/झेरॉक्स आणि ध्वनीक्षेपक चालू ठेवण्यास प्रतिबंध आदेश जिल्हादंडाधिकारी अरुण डोंगरे यांनी फौजदारी प्रक्रिया संहिता 1973 चे कलम 144 अन्वये निर्गमीत केला आहे.

000000