निवृत्ती वेतनधारकांना आवाहन

नांदेड दि. 31 :- जिल्हा कोषागार अंतर्गत निवृत्ती वेतन घेणारे निवृत्ती वेतनधारक व कुटुंब निवृत्ती वेतनधारकांनी 1 नोव्हेंबर ते 13 डिसेंबर 2018 या कालावधीत ते त्यांच्या बँकेतून निवृत्ती वेतन घेत असलेल्या बँकेत अद्ययाक्षर निहाय यादी बँकेकडे पाठविली आहे.

निवृत्ती वेतनधारकांनी बँकेत उपस्थित राहून यादीतील त्यांचे नावासमोर स्वाक्षरीच्या रकाण्यात शाखा व्यवस्थापकासमोर स्वाक्षरी किंवा अंगठा ठसा उमटवावा. पूर्नविवाह तसेच पूर्ननियुक्तीबाबत माहिती लागू असल्यास ती नोंदवावी. या पद्धतीशिवाय बायोमॅट्रीक्स पद्धतीने जीवन प्रमाण दाखला देता येतो. http://jeevanpraman.gov.in या संकेतस्थळावर 1 ते 30 नोव्हेंबर 2018 या कालावधीत सादर करण्याची सुविधा आहे. या यादीत ज्यांचे हस्ताक्षर नसतील त्यांचे माहे डिसेंबर 2018 चे निवृत्ती वेतन अदा केले जाणार नाही याची संबंधितांनी नोंद घ्यावी, असे आवाहन कोषागार अधिकारी नांदेड यांनी केले आहे.

000000